Morgunblaðið - Sunnudagur - 02.06.2013, Blaðsíða 26

26 MORGUNBLAÐIÐ SUNNUDAGUR 2.6. 2013
Heimili og hönnun
H Ú S G AG N A H Ö L L I N • B í ld shöfða 20 • Reyk jav í k • s ím i 558 1100 O P I Ð Vi rka daga 10-18 , l augard . 11 -17 og sunnud . 13-17
69.990
FULLT VERÐ: 79.990
HAVANA
HÆGINDASTÓLL
Orange, hvítt
eða grátt áklæði
169.990
FULLT VERÐ: 199.990
GAGA
HÆGINDASTÓLL GAGA hægindastóll
með snúning
GAGA hliðarborð kr. 99.990
G
uðbjörg Káradóttir og Ólöf Jak-
obína Ernudóttir voru á meðal
þeirra sem tóku á móti styrk
úr Hönnunarsjóði Auroru á
fimmtudag. Þær hlutu styrk að upphæð 1
milljón króna til hönnunar, þróunar og
undirbúnings framleiðslu á matarstelli.
Stellið hyggjast þær framleiða á eigin
verkstæði en þær Guðbjörg og Ólöf hafa
unnið saman síðustu tvö ár undir vöru-
merkinu Postulína.
„Það hefur verið draumur okkar að
gera matarstell en þá þarf að huga að
fjölmörgum þáttum. Nú, vegna þessa
styrks, gefst okkur tími til að prófa okkur
áfram og við erum mjög ánægðar með
það tækifæri. Fyrir vikið á útkoman eftir
að verða miklu betri,“ segir Guðbjörg og
bætir við að þróunin sé þegar hafin. „Við
byrjuðum á að hanna skálar sem eru eins
konar upphaf að matarstellinu en við er-
um sífellt að fá nýjar hugmyndir hvað
varðar form, stærðir og fleiri litatóna. Við
sjáum fram á að bæta við matardiskum,
súpuskálum og forréttadiskum, svo fátt
eitt sé nefnt.“
Guðbjörg segir fyrirkomulagið á fram-
leiðslu Postulínu hafa mikla kosti í för
með sér en þær sérhæfa sig í hönnun úr
handrenndu postulíni. „Hönnuðir vinna oft
þannig að þeir skissa eitthvað á blað, full-
vinna síðan teikningar og senda þær svo í
framleiðslu til verksmiðju. Við búum hins
vegar við þann kost að geta skissað í efn-
ið og þreifað okkur áfram af því að við
framleiðum vörurnar sjálfar á okkar eigin
verkstæði,“ bætir hún við. „Samvinnan
gengur vel, Ólöf er innanhússarkitekt og
ég er keramikhönnuður með sérlegan
áhuga á handverkinu. Þetta er góð blanda
því að við nálgumst verkefnið úr ólíkum
áttum.“
Vonir standa til að stellið verði klárt
fyrir HönnunarMars á nýju ári og stefna
þær Postulínu-systur að því að frumsýna
hönnunina í samstarfi við vel valið veit-
ingahús. „Framundan er ákveðið tilrauna-
og þróunartímabil,“ segir Guðbjörg. „Við
munum finna út hvernig styrkja megi leir-
inn og glerunginn. Þannig hyggjumst við
gera stellið sem best úr garði,“ segir Guð-
björg að lokum.
Styrkurinn bætir útkomuna
GUÐBJÖRG KÁRADÓTTIR OG ÓLÖF JAKOBÍNA ERNUDÓTTIR HJÁ POSTULÍNU
VORU Á MEÐAL ÞEIRRA SEM FENGU STYRK ÚR HÖNNUNARSJÓÐI AURORU Í VIKUNNI.
Einar Lövdahl elg@mbl.is
Guðbjörg og Ólöf Jakobína hafa
unnið saman undanfarin tvö ár
undir vörumerkinu Postulína.
POSTULÍNA FRAMLEIÐIR ALÍSLENSKT MATARSTELL
Morgunblaðið/Rósa Braga