Morgunblaðið - Sunnudagur - 02.06.2013, Side 38

*Föt og fylgihlutir Húðflúr þykir mörgum prýði og á Reykjavík Ink eru það stelpur sem flúra stelpur »40
Ásdís Lísa elskar fatnaðinn frá Victoria’s Secret.
CBS
Marilyn Monroe
var tískugyðja.
ÁSDÍS LÍSA KARLSDÓTTIR
Hlakkar til að
geta notað
sumarkjólana
ÁSDÍS LÍSA KARLSDÓTTIR UNDIRBÝR SIG ÞESSA
DAGANA FYRIR FEGURÐARSAMKEPPNI Á FILIPPSEYJUM
Í JÚLÍ EN ÆTLAR FYRST AÐ NÆLA SÉR Í FLOTTA
SUMARSKÓ TIL AÐ NOTA VIÐ SUMARKJÓLANA.
Benedikt Bóas benedikt@mbl.is
Ein klassísk – hver hafa verið bestu kaupin þín fatakyns?
Ég er búin að vera mikið í ræktinni upp á síðkastið og keypti mér þá
glænýja Nike Free-skó sem ég elska. Gæti verið í þeim allan daginn, því
þeir eru svo þægilegir.
En þau verstu?
Fyrir nokkrum árum sá ég geðveikt flott bikiní á netinu sem var frekar
dýrt og ég ákvað að kaupa það en þegar ég loksins fékk það var það ekki
eins flott og á myndunum og gegnsætt í þokkabót.
Hvar kaupir þú helst föt?
Yfirleitt í Kiss, Júník, Dúkkuhúsinu, Top Shop eða Gallerí 17, annars
spara ég oft og kíki frekar til útlanda að versla þar.
Manstu eftir einhverjum tískuslysum sem þú tókst þátt í?
Þegar Henson-æðið var í gangi. Ég var rosa dugleg að kaupa mér Hen-
son-peysur í alls konar litum.
Hvað hefurðu helst í huga þegar þú velur föt?
Ég hugsa rosa mikið um notagildi fatanna, kaupi yfirleitt ekkert sem mig
vantar ekki. Annars spái ég í snið, efni, verð og þægindi fatanna.
Litadýrð eða svart/hvítt?
Það fer rosa eftir árstíðum; á sumrin sæki ég meira í litadýrðina en yfir
veturinn er maður frekar í jarðlitunum og svörtu.
Hefurðu augastað á einhverju fallegu fyrir sumarið?
Ég bíð spennt eftir sumrinu og hlakka rosa til að geta farið að nota flottu
sumarkjólana. Það vantar bara fallega sumarskó í stíl, þannig að ég er
búin að vera með augun opin fyrir því.
Hvaða þekkta andlit finnst þér með flottan stíl?
Ég elska stílinn hennar Rihönnu, hún er í miklu uppáhaldi hjá mér.
Áttu þér einhvern uppáhaldsfatahönnuð?
Nei, ég spái ekki mikið í fatahönnuði en ég elska samt Victoria’s Secret,
það er í miklu uppáhaldi hjá mér.
Ef þú þyrftir aldrei að kíkja á verðmiðann, hvaða flík eða fylgihlut
myndirðu kaupa?
Ég elska skartgripi, sérstaklega demanta, þannig að ég myndi eflaust
kaupa mér demantsskartgripi.
Ef þú fengir aðgang að tímavél sem gæti flutt þig aftur til
árs að eigin vali og þú fengir dag til að versla, hvaða ár
myndirðu velja og hvert færirðu?
Myndi fara til Bandaríkjanna þegar Marilyn Monroe var
uppi. Væri gaman að fá að sjá hvernig tískan var þá og
kynnast því.
Ljósmynd/Helgi Ómarsson Förðun/Kristín Einarsdóttir
Rihanna er
í uppáhaldi.
Henson-gallarnir voru
mestu tískuslysin.