Morgunblaðið - 20.08.2013, Qupperneq 7

FRÉTTIR 7Innlent
MORGUNBLAÐIÐ ÞRIÐJUDAGUR 20. ÁGÚST 2013
Heldur lifnaði yfir hrefnuveiðum í
síðustu viku og var fimm dýrum
landað, þrjár þeirra veiddust í
Faxaflóa og tvær í Ísafjarðardjúpi.
Alls hafa 35 hrefnur veiðst í sumar
og er það svipað og í fyrra.
Gunnar Bergmann Jónsson,
framkvæmdastjóri Hrefnuveiði-
manna, segist gera sér vonir um að
alls verði veidd rúmlega 40 dýr í
ár, en til að anna vaxandi markaði í
verslunum og veitingahúsum allt
árið þyrfti veiðin að vera yfir 50
dýr. Allt kjötið er unnið í land-
vinnslu Hrefnuveiðimanna og fer á
innanlandsmarkað.
Gunnar segir að í síðustu viku
hafi meira verið um hrefnu í Faxa-
flóa heldur en lengst af í sumar.
Hún hafi verið í smásíld og síli í
Flóanum og talsvert af henni að því
er virtist. Hrafnreyður KÓ, skip
Hrefnuveiðimanna, hefur veitt 27
dýr, Halldór Sigurðsson ÍS fjögur
dýr í Djúpinu og í vor veiddi Haf-
steinn SK fjögur dýr í Faxaflóa.
Gunnar reiknar með að minni
kraftur verði í veiðunum þegar
kemur fram í september. aij@mbl.is
Lifnað hefur
yfir hrefnu-
veiðum
Morgunblaðið/Jenný Jensdóttir
Fylgi Sjálfstæðisflokksins mælist
27,9% samkvæmt nýrri skoð-
anakönnun MMR en var 29,7% í
síðustu könnun fyrirtækisins.
Framsóknarflokkurinn bætir hins
vegar við sig og mælist með 18,1%
en var með 16,7% í síðustu könnun
MMR.
Stuðningur við ríkisstjórnina hef-
ur minnkað og mælist nú 49,3% en
mældist 54,8% í síðustu könnun.
Samfylkingin er með 13,0% fylgi
samkvæmt skoðanakönnuninni bor-
ið saman við 13,5% í síðustu mæl-
ingu. Vinstrihreyfingin – grænt
framboð bætir hins vegar við sig og
er með meira fylgi en Samfylkingin.
Fylgi flokksins er nú 14,4% en var
13,1% í síðustu mælingu. Björt
framtíð missir fylgi líkt og Samfylk-
ingin og mælist með 11,7% fylgi
samanborið við 12,3% í síðustu mæl-
ingu og sama á við um Pírataflokk-
inn, sem mælist nú með 7,1% fylgi
en hafði 8,4% í síðustu mælingu.
Dögun er með 2,4% fylgi, Hægri-
grænir með 2,2%, Flokkur heim-
ilanna með 0,8%, Lýðræðisvaktin
með 0,7%, Regnboginn með 0,6%,
Sturla Jónsson með 0,1%, Lands-
byggðarflokkurinn með 0,1% og Al-
þýðufylkingin 0,1% fylgi.
Skoðanakönnunin var gerð dag-
ana 9.-14. ágúst og svöruðu 914 ein-
staklingar.
Morgunblaðið/Golli
Könnun Fylgi Sjálfstæðisflokks hef-
ur dalað en Framsókn bætir við sig.
49,3% segj-
ast styðja
ríkisstjórnina
 Fylgi sveiflast nokk-
uð frá kosningum
„Vestnorræna ráðið fordæmir harðlega hótanir
Evrópusambandsins um refsiaðgerðir gegn Íslandi
og Færeyjum vegna makrílveiða landanna, sem og
refsiaðgerðir sambandsins gegn Færeyjum vegna
síldarveiða þeirra.“ Þannig hefst ályktun sem sam-
þykkt var af Vestnorræna ráðinu í gær en aðild að
því eiga Ísland, Færeyjar og Grænland.
Í ályktuninni segist ráðið mótmæla þeim aðferð-
um sem ESB hafi valið að nota gegn nágrannaríkj-
um sínum í krafti stærðar sinnar og afls. Þá vekur
ráðið athygli á því að fyrri aðgerðir sambandsins
hafi haft alvarleg áhrif á lítil samfélög í vestnor-
rænu ríkjunum.
Ráðið harmar jafnframt að sjávarútvegsráð-
herra Noregs, Lisbeth Berg-Hansen, hafi lýst yfir
stuðningi við aðgerðir sambandsins og hvetur
Norðurlandaráð til að beita sér í málinu og styðja
Ísland og Færeyjar.
Unnur Brá Konráðsdóttir, þingmaður Sjálf-
stæðisflokks og formaður Íslandsdeildar Vestnor-
ræna ráðsins, situr nú ársfund ráðsins á Grænlandi
og sagði í samtali í gærkvöldi að hljóðið væri þungt
í Færeyingum vegna málsins. Það væri sameig-
inlegt álit fulltrúa í ráðinu að staða landanna væri
sterkari ef þau stæðu saman og að ályktunin væri
liður í því.
Fordæma framgöngu ESB
 Vestnorræna ráðið ályktar um hótanir Evrópusambandsins gegn Færeyjum
og Íslandi  Benda á mikil áhrif undangenginna aðgerða á fámenn samfélög
Álykta Ársfundur Vestnorræna ráðsins stendur
yfir á Grænlandi um þessar mundir.