Morgunblaðið - 04.09.2013, Blaðsíða 10

Svanhildur Eiríksdóttir
svei@simnet.is
Kristján Jóhannsson og Arn-ór Vilbergsson buðu Suð-urnesjamönnum óm afsjötta og sjöunda ára-
tugnum á Ljósanótt fyrir tveimur ár-
um. Þá var litið yfir farinn veg, stiklað
á stórviðburðum áratuganna með að-
stoð útvarpstækninnar og vinsælustu
íslensku lögin flutt af tónlistar-
mönnum og hljómsveit í bland við tal-
að mál, öll útsett af Arnóri.
Tónleikarnir heppnuðust vel og
var ákveðið að halda áfram með sög-
una í fyrra og þeir félagar fengu Guð-
brand Einarsson í lið með sér, marg-
reyndan poppara og stjórnanda, til að
flytja tónlist og tíðaranda áttunda
áratugarins með svipuðu sniði. Eftir
það var engin leið að hætta fyrr en ní-
unda áratugnum væru gerð skil með
svipuðum hætti. Frumflutt verður í
kvöld og eftir það verður boðið upp á
þrjár sýningar í Andrew’s Theater á
Ásbrú, annað kvöld, sunnudag og
sunnudagskvöld. Miðasala á midi.is.
Átta söngvarar, 15 manna
hljómsveit og annað starfsfólk, sam-
tals um 40 manns, koma að sýning-
unum. Blaðamaður settist niður með
Kristjáni Jóhannssyni, höfundi og
fararstjóra, Gunnheiði Kjartans-
dóttur, leikstjóra, Hjörleifi Má Jó-
hannssyni, söngvara og Lísu Einars-
dóttur söngkonu til að fræðast um
sýninguna.
Glys og gleði einkennandi
Ásamt því að leikstýra sér Gunn-
heiður um að laða fram einkenni ára-
tugarins með búningum og fylgi-
hlutum. Hún segir skæra liti hafa
verið áberandi og tjull, hvort sem
Fortíðarþrá og
öfgafullur áratugur
Don Cano-gallar, Millet-dúnúlpur, Beta-myndbandstæki og aðrar þekktar
minjar frá níunda áratugnum verða áberandi á hátíðartónleikum Ljósa-
nætur sem frumfluttir verða í kvöld. Tónleikarnir eru jafnframt þeir
þriðju og síðustu í tónleikaröð sem höfundar og stjórnendur kalla Með blik
í auga, nú númer 3: Hanakambar, hárlakk og herðapúðar.
10 DAGLEGT LÍF
MORGUNBLAÐIÐ MIÐVIKUDAGUR 4. SEPTEMBER 2013
Í dag fer af stað hjá UNICEF mænu-
sóttarátak og má sjá allt um það á
síðunni: unicef.is/maenusott. Með
því að kaupa kaffidrykk hjá Te & kaffi
í september leggur fólk átakinu lið,
því að af hverjum seldum drykk renn-
ur andvirði einnar bólusetningar (25
kr) til baráttu UNICEF gegn mænu-
sótt. Einnig er hægt að senda sms-ið
stopp í símanúmerið 1900 til að gefa
10 bólusetningar (250 kr). Ótrúlegur
árangur hefur náðst við að útrýma
veikinni en fyrir 25 árum var hún
landlæg í 125 ríkjum. Í dag er hún ein-
ungis í þremur, Afganistan, Pakistan
og Nígeríu. Mænusótt, einnig þekkt
sem lömunarveiki, er ólæknandi sjúk-
dómur sem örkumlar börn og dregur
jafnvel til dauða. Til að útrýma henni
á heimsvísu þarf að tryggja að öll
börn fái bólusetningu sem verndar
þau til æviloka. Engin lækning er til
við mænusótt, aðeins bólusetning.
Vefsíðan www.unicef.is/maenusott
AFP
Bólusett Mænusótt er líka þekkt sem lömunarveiki og finnst í þremur löndum.
Kaffikaup gegn mænusótt
Fyrsta handverkskaffi haustsins
verður haldið í Gerðubergi frá klukk-
an 20-22 í kvöld. Þar mun ljósmynd-
arinn Anna Fjóla Gísladóttir kenna
einfaldar aðferðir við að taka ljós-
myndir með svonefndum Camera
Obscura eða myrka herbergið og pin-
hole-ljósmyndaaðferðum. Upp-
haflega var einungis notast við kassa
með linsu framan á og innbyggðum
spegli. Spegillinn varpaði myndinni
sem linsan nam á glerplötu á efra
borði kassans. Því var hægt að leggja
blað yfir glerplötuna og draga mynd-
ina í gegn. Fræðsla, kaffi og með því í
Gerðubergi í kvöld.
Endilega …
… lítið inn í
handverkskaffi
Ljósmynd/Anna Fjóla Gísladóttir
Linsa Áhöld til að búa til myndavél
verða meðal annars í Gerðubergi.
Sífellt fjölgar í hópi þeirra sem fara
að hausti til í skógarferð og tína mat-
arsveppi. Ekki eru allir sveppir góðir í
matargerð og sumir varhugaverðir.
Því er gott að vera með góða hand-
bók meðferðis eða fræðast um
sveppatínslu eftir öðrum leiðum.
Landbúnaðarháskóli Íslands býður
upp á ýmis námskeið á haustönn um
lífrænan landbúnað. Sveppir og
sveppatínsla er eitt þeirra og þar
læra nemendur aðferðir við sveppa-
tínslu, hvernig á að meðhöndla
sveppina, hreinsa og geyma.
Að sama skapi verður farið ofan í
kjölinn á nýtingarmöguleikum á
sveppum sem vaxa villtir víða um
land. Sveppanámskeiðin eru tvö:
Annað á Snæfellsnesi, í skóglendi
svæðisins og hitt í nágrenni Reykja-
víkur.
Á meðal leiðbeinenda á námskeið-
unum er skógfræðingurinn Bjarni
Diðrik Sigurðsson, sem einnig er pró-
fessor við Landbúnaðarháskólann.
Heldur betur spennandi fyrir mat-
gæðinga. Upplýsingar er að finna á
vef skólans: www.lbhi/namskeid
Námskeið um lífrænan landbúnað
Skógarferð og sveppatínsla er
bæði góð skemmtun og búbót
Morgunblaðið/Ómar
Sveppir Þá má finna innan borgarmarka en gott er að þekkja hverja má borða.
Skannaðu kóðann
til að fara inn á
vefsíðuna.
Ljósanæturhátíðin er ein allsherjar
menningarveisla sem stendur frá
fimmtudegi til sunnudags, þetta ár-
ið 5. til 8. september. Fjöldi listsýn-
inga verður opnaður um allan bæ á
morgun, fimmtudag, og þær hafðar
opnar til síðdegis á sunnudag. Á
föstudag verða tvö listaverk af-
hjúpuð, annars vegar vatnstank-
urinn við Vatnsholt, þar sem lista-
hópur á vegum Toyista hefur verið
að störfum undanfarnar vikur við
að mála tankinn. Mikil leynd hefur
hvílt yfir verkinu sem og listafólk-
inu og eru margir spenntir að líta
afraksturinn. Parísartorg verður
einnig afhjúpað á föstudag, en það
er hringtorg á mótum Sunnubraut-
ar, Krossmóa og Flugvallarvegar og
það prýðir snúinn Eiffel-turn eftir
listamanninn Stefán Geir Karlsson.
Súpa Skólamatar verður á sínum
stað við Duushús á föstudagskvöld
og slegið verður upp Bryggjuballi á
sama tíma. Viðar Oddgeirsson mun
halda áfram sýningum á mannlífinu
í bænum í Nýja bíói á laugardag og
keflvíska listakonan Gunnhildur
Þórðardóttir er listamaður ljósa-
nætursýningar listasafnsins. Á
laugardag er árgangagangan fræga
sem endar við sviðið á Bakkalág um
kl. 14 á laugardag og þá verður
formleg setning Ljósanætur. Í fram-
haldi verður fjölbreytt dagskrá um
allan bæ sem lýkur með stór-
tónleikum á láginni og flugeldasýn-
ingu. Nánari upplýsingar um dag-
skrá Ljósanætur er að finna á
vefsíðunni www.ljosanott.is.
LJÓSANÆTURHÁTÍÐIN
Morgunblaðið/Helgi Bjarnason
Litagleði Börn slepptu blöðrum af mismunandi litum á Ljósanótt árið 2008.
Fjöldi listsýninga um allan bæ
BLÁTT Spírulína
gefur jafna
orku
sem endist
Aukið streituþol og bætir einbeitingu. Nærir taugakerfið.
Frábær meðmæli við athyglisbrest og eirðarleysi.
Fyrir þá sem eru undir miklu líkamlegu eða andlegu álagi.
Inniheldur lifræna næringu samtals 29 vítamín og steinefni, aminosýrur og
50% meira af Phycocyanin en annað Spírulína. Rannsóknir hafa sýnt að það
eflir ónæmiskerfið og styður getu tauga og líkama til þess að starfa eðlilega
þrátt fyrir streituálag. Phycocyanin er kallað undrasameindin sem eykur
virkni mikilvægra ensíma. Eingöngu ræktuð næringaefni, ekkert GMO.
Gæðastaðall: ISO 14001, ISO 22000.
Útsölustaðir: Lyfja, Hagkaup, Krónan,
Heilsuhúsið, Fjarðarkaup og Græn heilsa.
Hrein orka og einbeiting
BETRI FRAMMISTAÐA,
LENGRA ÚTHALD