Morgunblaðið - Sunnudagur - 15.09.2013, Page 14

14 MORGUNBLAÐIÐ SUNNUDAGUR 15.9. 2013
Í
áratugi hefur Björgvin Halldórsson verið í hópi
fremstu tónlistarmanna þjóðarinnar. Nú, laugardag-
inn 14. september, heldur hann stórtónleika í Há-
skólabíói þar sem hann flytur úrval laga úr efnis-
skrá sinni ásamt hljóðfæraleikurum, en þar á meðal
eru Jón Ólafsson, Jóhann Hjörleifsson, Jón E. Haf-
steinsson og Friðrik Sturluson. Tónleikarnir hafa yfirskrift-
ina Bestu lög Björgvins og ekki ætti að koma á óvart að
uppselt er á þá.
Spurður um tónleikana segir Björgvin: „Jón Ólafsson pí-
anóleikari hefur verið með prógramm undanfarin ár í
Salnum sem heitir Af fingrum fram þar sem listamenn
mæta, flytja lög sín og spjalla við gesti. Ég hef nokkrum
sinnum verið með í þessu prógrammi Jóns í Salnum þar
sem hann spurði mig spjörunum úr og persónulegra
spurninga sem ég svaraði og við tókum lagið. Prógrammið
tókst mjög vel. Ég var hikandi í fyrstu að taka þátt í
svona uppsetningu en sló svo til og líkaði vel. Við höfum
farið nokkuð víða með þetta prógramm og í kjölfarið
ákváðum við að færa okkur í stærri hús og uppfæra pró-
grammið og hafa það enn opnara. Tónleikarnir byggjast á
því að við Jón tölum saman og við gestina og segjum sög-
una á bak við lagið og segjum frá laginu á bak við sög-
una og ég ræði um feril minn. Þannig að þessir tónleikar
eru bæði tónar og tal, ólíkt Jólagestum Björgvins sem eru
með allt öðru sniði.“
Tónleikarnir hafa yfirskriftina Bestu lög Björgvins. Áttu
þér uppáhaldslög af þeim sem þú hefur flutt?
„Það er ekki hægt að draga lög í dilka og segja: Þetta
er það besta. En lagalistinn byggist vitanlega á vinsældum
laganna og hversu mikil eftirspurn hefur verið eftir þeim.
Þau eru orðin ansi mörg lögin sem ég hef hljóðritað og
því var erfitt að velja á milli. Ég á mér mörg uppáhalds-
lög, þar á meðal lögin eftir Gunna Þórðar eins og Vetr-
arsól og Himinn og jörð, og lög eftir Magnús Eiríksson
eins og Sönn ást og Þjóðvegurinn, og síðan lög sem ég
hef sjálfur samið eins og Skýið, Riddari götunnar og
Vertu ekki að plata mig og fleiri. Það má kannski segja
innan gæsalappa að þessi lög séu í hópi bestu laga Björg-
vins.“
Áttu þér uppáhaldssöngvara og er einhver einn söngvari
sem hefur haft meiri áhrif á þig en aðrir?
„Uppáhaldssöngvarar mínir eru ansi margir. Það er
náttúrlega Elvis og svo Ray Charles, Dean Martin, Louis
Prima og Louis Armstrong og svo þeir íslensku söngvarar
sem mótuðu alla íslenska söngvara sem eru að syngja í
dag: Haukur Morthens, Alfreð Clausen, Elly Vilhjálms,
Raggi Bjarna, Vilhjálmur Vilhjálmsson. Af þessum söngv-
urum hafði Haukur Morthens mest á hrif á mig, rödd
hans var einstök. Þegar maður heyrir í þessum söngvurum
sem ég var að telja upp þá þekkir maður þá um leið.
Þetta eru söngvarar sem fundu sína eigin rödd. Svo eru
líka margir af samtímasöngvurum mínum óðum að bætast
í hóp minn af uppáhaldssöngvurum.“
Kaldhæðni besti húmorinn
Þú ert búinn að skemmta í áratugi, líður þér alltaf vel á
sviði?
„Ég er yfirleitt alltaf nokkuð taugaóstyrkur áður en ég
fer á svið. Ef ég er það ekki þá er fyrst ástæða til að
Alltaf
að reyna
að toppa
sjálfan mig
BJÖRGVIN HALLDÓRSSON RÆÐIR
Í VIÐTALI UM ÆSKUNA, SÖNGFERILINN
OG NÆSTU VERKEFNI. KALDHÆÐNISLEGUR
HÚMOR KEMUR EINNIG VIÐ SÖGU OG
SÖMULEIÐIS METNAÐURINN SEM HELDUR
SÖNGVARANUM GANGANDI.
Kolbrún Bergþórsdóttir kolbrun@mbl.is
Svipmynd