Morgunblaðið - Sunnudagur - 15.09.2013, Blaðsíða 61

inni, það er ljóst. Enginn býst við að bókin hans Ferguson verði
eitthvert léttmeti þar sem talað verður undir rós.
Kaflinn um Rooney
Wayne Rooney hlýtur að vera áhyggjufullur enda er hann í
miðjum klíðum að reyna að semja frið við stjórn, þjálfara og
stuðningsmenn. Rooney hefur verið vandræðabarn hjá Man-
chester-liðinu í þrjú ár og Ferguson þurfti að lúta honum og
umboðsmanni hans, Paul Stretford. Sá tebolli rann ekki ljúft
niður hjá Fergie. Rooney bað um að vera seldur 2010 og efaðist
um metnað félagsins. Eftir gífurlega launahækkun efaðist hann
ekki lengur og skrifaði undir nýjan samning. Svo fór hann eitt-
hvað aftur að efast, sérstaklega eftir að hafa verið settur á
bekkinn gegn Real Madrid í Meistaradeildinni og Fergie sagði
eftir síðasta heimaleik sinn gegn Swansea að Rooney hefði vilj-
að vera seldur.
Varla verður kaflanum um Rooney sleppt. Það getur varla
verið. Fergie hefur gefið út tvær bækur áður. 6 Years at Unit-
ed og Managing My Life sem Fergie gaf út 1999. Þar sleppti
hann engu um samband sitt við Brian Kidd og Gordon Strac-
han. Hann sagði að Kidd væri flókinn og óöruggur persónuleiki
og landa sínum Strachan sagðist hann ekki treysta fyrir neinu.
Hver fær á baukinn
Síðan 1999 hefur svo ofboðslega margt gerst í kringum Man-
chester United og Ferguson en þá kom síðasta bók hans út.
David Beckham fékk skurðinn sinn fræga, var seldur til Real
Madrid, Jose Mourinho kom í deildina, hvarf úr deildinni og
kom síðan aftur, Chelsea kom með allar sínar milljónir, Liver-
pool fær væntanlega sinn skammt af gagnrýni og svona mætti
lengi telja. Luis Suárez, Manchester City, Carlos Tevez, Kia
Joorabchian, Rafael Benítez. Listinn er nánast ótæmandi.
Það er allavega ljóst að bókin hans Ferguson verður í ein-
hverjum jólapökkum í ár.
Jaap Stam í baráttu við landa sinn Jimmy Floyd Hasselbaink árið 2000. Stam gaf
út bók sem opinberaði margt í klefa Manchester og var seldur skömmu síðar.
Enska úrvalsdeildin:
1993, 1994, 1996, 1997, 1999, 2000, 2001, 2003, 2007, 2008, 2009,
2011, 2013
Enski bikarinn:
1990, 1994, 1996, 1999, 2004
Enski deildabikarinn:
1992, 2006, 2009, 2010
Meistaradeildin:
1999, 2008
HM félagsliða:
2008
Ofurbikar Evrópu:
1992
Evrópukeppni félagsliða:
1991
Samfélagsskjöldurinn:
1990, 1993, 1994, 1996, 1997, 2003, 2007, 2008, 2010, 2011
Titlar
Alex Ferguson
með Manchester United
15.9. 2013 MORGUNBLAÐIÐ SUNNUDAGUR 61