Morgunblaðið - 21.11.2013, Blaðsíða 18

18 FRÉTTIRErlent
MORGUNBLAÐIÐ FIMMTUDAGUR 21. NÓVEMBER 2013
Guðmundur Sv. Hermannsson
gummi@mbl.is
Jafnaðarmannaflokkurinn fékk
flest atkvæði í sveitarstjórn-
arkosningum, sem fóru fram í
Danmörku á þriðjudag. Fékk
flokkurinn, sem fer með forustuna
í dönsku ríkisstjórninni, 29,5%
greiddra atkvæða í kosningunum
en Venstre, stærsti stjórnarand-
stöðuflokkurinn, fékk 26,6%.
Skoðanakannanir höfðu bent til
þess að jafnaðarmenn myndu tapa
miklu fylgi. Raunar sendi danska
útvarpið, DR, frá sér útgönguspá
eftir að kjörstöðum var lokað á
þriðjudagskvöld, sem benti til þess
að Venstre hefði fengið flest at-
kvæði. Fréttaskýrendur og stjórn-
málamenn trúðu þessari spá og
Helle Thorning-Schmidt, forsætis-
ráðherra og leiðtogi Jafn-
aðarmannaflokksins, flutti ávarp á
kosningavöku flokksins, harmaði
ósigurinn og sagðist axla ábyrgð á
honum. Um nóttina kom síðan í
ljós að spáin var kolröng og hefur
DR verið gagnrýnt harðlega í kjöl-
farið.
Jafnaðarmannaflokkurinn hefur
átt undir högg að sækja á lands-
vísu að undanförnu ef marka má
skoðanakannanir en kosn-
ingaúrslitin nú benda til þess að
flokkurinn sé að rétta úr kútnum.
Fréttaskýrendur veltu vöngum yf-
ir því í gær hvort Thorning-
Schmidt mundi nú nota tækifærið
og boða til þingkosninga snemma á
næsta ári en síðast var kosið til
þings í Danmörku haustið 2011.
Sósíalíski þjóðarflokkurinn, sem
situr í ríkisstjórn ásamt Jafn-
aðarmannaflokknum og Radikale
Venstre, tapaði miklu fylgi í kosn-
ingunum. Einingarlistinn, sem
styður ríkisstjórnina, bætti hins
vegar við sig fylgi og telst vera
sigurvegari kosninganna.
Venstre með flesta
bæjarstjóra
Þótt Jafnaðarmannaflokkurinn
sé áfram stærsti flokkur Danmerk-
ur í sveitarstjórnum gekk flokkn-
um ekki eins vel þegar kom að því
að semja um meirihlutasamstarf í
gær. Að sögn danskra fjölmiðla
hafði flokkurinn síðdegis í gær
tryggt sér oddvitasætið í 35 bæj-
arstjórnum en var áður í forustu
49 sveitarfélaga. Venstre hafði
hins vegar tryggt sér 41 bæj-
arstjóra og bætt við sig 10. Þá
koma 12 bæjarstjórar úr röðum
Íhaldsflokksins. Sérstaka athygli
vakti, að í Køge, þar sem jafn-
aðarmenn hafa ráðið ríkjum í 92
ár, sest íhaldsmaðurinn Flemming
Christensen nú í bæjarstjórastól-
inn.
Í Kaupmannahöfn náðu Venstre,
Frjálslynda bandalagið og Íhalds-
flokkurinn samkomulagi um meiri-
hlutasamstarf í borgarstjórninni
ásamt Danska þjóðarflokknum,
sem fær eitt af borgarstjóraemb-
ættunum í sinn hlut. Er þetta í
fyrsta skipti sem fulltrúi flokksins
gegnir slíku embætti. Jafn-
aðarmaðurinn Frank Jensen verð-
ur þó áfram yfirborgarstjóri.
Jafnaðarmenn áfram stærstir
 Röng útgönguspá olli uppnámi  Venstre með flesta bæjarstjóra  Fulltrúi
Danska þjóðarflokksins einn af borgarstjórum Kaupmannahafnar
AFP
Á kjörstað Helle Thorning Schmidt forsætisráðherra greiðir atkvæði í Kaupmannahöfn á þriðjudag.
Ný rannsókn á líkamsástandi
barna um allan heim bendir til
þess, að mörg börn geti ekki
hlaupið eins hratt og foreldrar
þeirra gátu á sama aldri.
Rannsóknin, sem var birt á árs-
fundi bandarísku hjartavernd-
arsamtakanna, byggist á gögnum
frá 46 ára tímabili eða frá 1964 til
2010. Rannsökuð voru gögn um 25
milljónir barna á aldrinum 9-17
ára í 28 löndum. Rannsakendur
segja, að börn hlaupi nú eina
enska mílu, um 1,6 kílómetra, að
jafnaði á 90 sekúndum lengri tíma
en börn gerðu fyrir þrjátíu árum.
„Ef ungmenni eru almennt í
slæmu formi er meiri hætta á að
þau þrói með sér hjartasjúkdóma
síðar á ævinni,“ segir Grant Tom-
kinson, aðalhöfundur skýrslu um
rannsóknina, á vef bandarísku
stofnunarinnar.
Niðurstöður rannsóknarinnar
benda til þess að mjög hafi dregið
úr úthaldi barna eða sem svarar
til 5% á hverjum áratug. Ástæðan
er einkum rakin til þess, að börn
hafa almennt þyngst, einkum þó á
Vesturlöndum, en sama þróun á
sér líka stað sumstaðar í Asíu, svo
sem Suður-Kóreu, Hong Kong og
á meginlandi Kína.
Tomkinson segir, að hvetja
þurfi börn til að hreyfa sig í að
minnsta kosti í einn klukkutíma
daglega. Liður í því geti verið að
ganga eða hljóla í skólann og taka
þátt í leikjum á skólalóðinni.
„Ungt fólk getur verið í góðu
formi á ýmsan hátt. Það getur
haft krafta á við lyftingamann,
verið liðugt eins og fimleikafólk
eða snöggt eins og tennisleikarar.
En þessar tegundir líkamsræktar
stuðla ekki allar að almennu heil-
brigði. Mikilvægast er heilbrigði
hjartans og til að stuðla að því
þarf fólk að geta stundað kröftug-
ar æfingar í langan tíma, svo sem
að hlaupa nokkra hringi á íþrótta-
leikvangi,“ segir Tomkinson .
gummi@mbl.is
Morgunblaðið/Styrmir Kári
Holl hreyfing Börn eru hvött til
þess að hreyfa sig í að minnsta kosti
klukkustund á dag.
Líkamsástandi
barna hrakar
 Börn hlaupa ekki eins hratt og áður
Ali Khamenei, erkiklerkur og æðsti
leiðtogi Írana, sagði í ræðu í gær að
landið myndi ekki afsala sér „agnar-
ögn“ af réttindum í væntanlegum við-
ræðum við Vesturveldin um kjarn-
orkumál. Khamenei sagðist ekki
myndu blanda sér í viðræðurnar, sem
verða í Genf í Sviss nú síðari hluta
vikunnar, en hann hefði lagt línur
sem samningamenn Írana ættu að
fylgja.
Barack Obama Bandaríkjaforseti
hvatti hins vegar bandaríska þing-
menn til að samþykkja ekki nýjar
viðskiptaþvinganir á Íran meðan á
viðræðum stæði. Obama sagði hins
vegar óljóst hvort samkomulag við
Írana um kjarnorkumál væri í sjón-
máli.
Íranar hafa ávallt fullyrt að kjarn-
orkuáætlun þeirra snúist eingöngu
um að framleiða rafmagn í frið-
samlegum tilgangi en Vesturveldin
grunar að markmið íranskra stjórn-
valda sé að komast yfir kjarnorku-
vopn.
Í viðræðunum í Genf munu fulltrú-
ar Bandaríkjanna, Bretlands, Frakk-
lands, Kína, Rússlands og Þýska-
lands ræða við írönsku
samningamennina.
David Cameron, forsætisráðherra
Bretlands, ræddi í gær við Hassan
Rouhani, forseta Írans, í síma um
kjarnorkumálið í aðdraganda
fundanna í Genf. Rúmur áratugur er
liðinn frá því leiðtogar Breta og Írana
áttu slíkt samtal síðast.
Íranar gefa
„ekki agnar-
ögn“ eftir
Erkiklerkur Ali Khamenei.
Ístak hf. er eitt stærsta og öflugasta byggingarfyrirtæki landsins, með
stóran hluta tekna sinna erlendis, aðallega í Noregi, á Grænlandi
og í Færeyjum. Félagið byggir á 43 ára farsælli sögu, miklum mannauði
og góðu orðspori.
Landsbankinn hf. býður til sölu 99,9% af hlutafé í Ístaki.
Áhugasömum fjárfestum er bent á að hafa samband við Fyrirtækjaráðgjöf
Landsbankans, með tölvupósti á netfangið istak@landsbankinn.is.
Fjárfestar þurfa að gera grein fyrir þekkingu og reynslu, fjárhagslegum
styrkleika og stefnu sinni varðandi framtíð Ístaks.
Nálgast má stutta sölukynningu, trúnaðaryfirlýsingu og eyðublað vegna
hæfismats á vef bankans, landsbankinn.is. Þeir fjárfestar sem uppfylla
skilyrði fyrir þátttöku í söluferlinu fá afhent ítarleg kynningargögn
um Ístak og býðst að gera tilboð, með fyrirvara um áreiðanleikakönnun,
á grundvelli þeirra gagna.
Frestur til að skila tilboðum er til kl. 12:00, föstudaginn 20. desember 2013.
Ístak var stofnað árið 1970 og hefur um áratugaskeið verið eitt öflugasta
verktakafyrirtæki landsins. Félagið er einn af fáum innlendum valkostum þegar
kemur að stórri mannvirkjagerð. Ístak hefur náð góðum árangri í verktöku á sviði
virkjanagerðar, jarðgangagerðar og smíði hafnarmannvirkja. Hjá félaginu starfa
um 550 manns, þar af ríflega helmingur á Íslandi.
Söluferli Ístaks hafið