Morgunblaðið - 17.12.2013, Page 44

44 DÆGRADVÖL
MORGUNBLAÐIÐ ÞRIÐJUDAGUR 17. DESEMBER 2013
Stjörnuspá
21. mars - 19. apríl 
Hrútur Þú gerir átak í því að styrkja stuðn-
ingsnetið. Ef þú framkvæmir vissa sex hluti
í réttri röð kemstu sem næst því sem þú
þráir mest.
20. apríl - 20. maí 
Naut Þú skalt ekki vera vonsvikin/n þótt
eitthvað renni þér úr greipum. Gerðu áætl-
anir í dag svo þú getir nýtt þessi tækifæri til
fulls.
21. maí - 20. júní 
Tvíburar Ef verkefni reynist manni of auð-
velt lærir maður ekkert af því. En einn vinur
þinn þarfnast þín meira en allir hinir sam-
anlagt.
21. júní - 22. júlí 
Krabbi Þú ert stundvís, að vanda. Ekki nota
klisjuna „við þurfum að tala saman“, notaðu
frekar innsæið og sjarmann.
23. júlí - 22. ágúst 
Ljón Þú ættir að finna þér tíma til þess að
sinna þér betur. Skínandi orð einhvers ná-
komins dáleiða þig eins og gimsteinn. Við
látum allt of oft hjá líða að segja þessa hluti
hreint út.
23. ágúst - 22. sept. 
Meyja Þú kynnist manneskju, líklega meyju
eða vog, og sambandið þróast út í að verða
meira. Margt gott kemur út úr þeim sam-
skiptum.
23. sept. - 22. okt. 
Vog Það er mikil orka í loftinu í dag sem
bæði getur nýst til góðs og ills. Slæmt að
eyðileggja fyrir sér með smáónákvæmni.
Gerðu því ekkert af mikilli ástríðu og krafti.
23. okt. - 21. nóv.
Sporðdreki Þú munt eiga samræður við
einhvern sem varpa mun ljósi á málefni sem
þú hafðir ekki hugsað um áður. Sumt er
manni ekki gefið að skilja svo þú skalt ekki
einu sinni reyna það.
22. nóv. - 21. des.

Bogmaður Ringulreið heimafyrir leiðir til
opinskárra orðaskipta við nákomna. Byrjaðu
daginn á því að dreifa verkefnum til þeirra
sem eru til í að hjálpa þér.
22. des. - 19. janúar 
Steingeit Það er einstök regla í óreiðunni í
kringum þig þessa dagana. Rasaðu ekki um
ráð fram á lokasprettinum.
20. jan. - 18. febr. 
Vatnsberi Ótrúlega mikil hamingja fellur
þér í skaut svo lengi sem þú nærð ekki að
láta neikvæðar hugsanir stöðva hana. Láttu
það ekki slá þig út af laginu.
19. feb. - 20. mars

Fiskar Stundum verður maður að við-
urkenna staðreyndir sem eru manni á móti
skapi. Mundu að vini sína á maður að
rækta.
Bjarki Karlsson segir frá því, aðþeir Guðmundur Andri Thors-
son hafi lesið saman á fimmtudags-
kvöld. – „Ég las á undan,“ segir
Bjarki, „og fór með bálk um afa á
honum Rauð í anda alls kyns
skálda. Guðmundur Andri las svo
upp úr bók sinni um Benedikt Grön-
dal og pantaði því af mér ljóð í anda
Gröndals.
Ég kaus að nota bragarhátt og
andblæ ljóðs, sem Gröndal kallaði
„Nótt“ og hefst á orðunum „Sólin
er sigin til viðar“. Útkoman er
þessi:
Fimbulvetur
Öldungis sokkin er sunna
sífreri á bláma lítt spar.
Ísaldan utan af hafi
ólgandi treður mar.
Blár er á miðhimni máni
myrkheimi stoðar lítt.
Knapa og bikkju er blóði
blágráu í hríðina snýtt.
Rauður er hesturinn heitinn
hrímgaður, fannbarinn, grár.
Hvort afi er lífs eða liðinn
lítt veit né hirðir um klár.
Seint verður suður á bæjum
sykur að fá, hvað þá brauð.
Í nótt munu sálirnar sölna
og sáldrast í vindanna gnauð.“
Kvæði Gröndals, Nótt, lýkur svo:
Kyrrt er á Kerlingarskerjum,
kúrir und skútanum már,
sefur í Sviðholtshólma
selurinn strykinn og grár.
Einmana í fjörunni fetar
frammi við dökkleitan sæ
mærin sem undi sér áður
á enginu í vordaga blæ.
Þar hvarf mærin hin mæra –
myrkt er í klettanna þró –
gekk hún bak við dranginn hinn dimma
eða datt hún í kolbláan sjó?
Skýldu þér ekki í skýjum,
skiptu þér ei máni af því
hvort stúlkan er lífs eða liðin,
læðstu geiminum í.
Fyrir rúmri viku var „mikið að
gera á stjórnarheimilinu nú um
stundir við ákvörðun barnabóta“.
Davíð Hjálmar Haraldsson orti:
Faglega vinna fram á nætur,
fátækra vilja bæta hag.
Þau eru að sníða barnabætur,
bjuggu til göt í fyrradag.
Halldór Blöndal
halldorblondal@simnet.is
Vísnahorn
Afi minn á honum
Rauð og Gröndal
Í klípu
„ER ÞETTA SÁ SEM VAR AÐ
HEIMTA EINKAHERBERGI?“
eftir Mike Baldwin eftir Jim Unger
„ERTU VISS UM AÐ DÓMARINN HAFI EKKI
KÝLT MIG TVISVAR EÐA ÞRISVAR?“
Hermann
Ferdinand
Hrólfur hræðilegi
Grettir
... þegar þú getur ekki
hætt að segja vinum
þínum frá honum.
ÉG SKRÁÐI MIG Í BÓKA-
KLÚBB, GRETTIR! ÉG ÆTLA
AÐ ÚTVÍKKA HUGANN!
EN ÞÁ MUNU HATTAR
HÆTTA AÐ PASSA Á MIG!
OG ÉG GET
EKKI ORÐIÐ
KÚREKI!!!
LÁTTU
BÓKINA
NIÐUR, LÁKI!
ÞAÐ ER EKKI VÍST
AÐ ÉG LEIKI VEL Í
DAG, HRÓLFUR.
AF
HVERJU?
ÉG ER AÐ-
EINS FARINN
AÐ RYÐGA.
Víkverji fór um helgina í sína ár-legu ferð upp í Hvalfjörð að
höggva sér jólatré í landi Fossár.
Þetta hefur hann gert um margra
ára skeið og getur eiginlega ekki
hugsað sér annað fyrirkomulag. Það
er sjarmi yfir því að leita uppi og
höggva sitt eigið tré, að ekki sé talað
um útivistina og hreina loftið.
Víkverji fór með fjölmennt lið með
sér að þessu sinni og var hópnum að
vonum tekið með kostum og kynj-
um. Skapbetra afgreiðslufólk er
vandfundið en skógræktarfélögin í
Kópavogi, Mosfellsbæ, Kjalarnesi
og Kjós eiga svæðið og hafa plantað
þar í 40 ár. Allur ágóði rennur til
skógræktar og uppbyggingar úti-
vistarsvæðis í Fossárskógi.
Víkverji fékk að vanda prýðilegar
leiðbeiningar og úrvalsþjónustu sem
væri svo sem ekki í frásögur fær-
andi, menn eru góðu vanir á Fossá,
nema fyrir þær sakir að formlegum
afgreiðslutíma var lokið þennan dag-
inn. Enginn minntist á hinn bóginn á
það og Víkverji gerði sér satt best að
segja ekki grein fyrir því fyrr en
daginn eftir. Hann biðst hér með
velvirðingar á þessu og lofar að vera
fyrr á ferðinni að ári.
x x x
Ýmsir varnarmenn áttu erfitt upp-dráttar í ensku úrvalsdeildinni
um nýliðna helgi, ekki síst þeir sem
leika fyrir Lundúnaliðin Arsenal.
Tottenham Hotspur og Fulham.
Samtals fengu þessi ágætu lið á sig
fimmtán mörk. Englandsmeistarar
Manchester United hrukku líka öll-
um að óvörum í gang og tóku lán-
lausa leikmenn Aston Villa í bak-
aríið, 3:0. Sérstaklega átti spænski
vinstri-bakvörðurinn, Antonio Luna,
erfitt uppdráttar. Maðurinn sem
stuðningsmenn Villa kalla af aug-
ljósum ástæðum Tony Moon. Ekki
heillaðist Hörður Magnússon,
sparklýsandi Stöðvar 2 Sport 2, af
framgöngu kappans og fyrri hálf-
leikur var ekki nema liðlega hálfn-
aður þegar hann lét eftirfarandi orð
falla: „Ef Antonio Luna væri hestur
væri örugglega búið að skjóta
hann!“
Þetta er einhver harkalegasti
dómur sem Víkverji hefur heyrt
knattspyrnumann fá lengi.
víkverji@mbl.is
Víkverji
Ég er ljós í heiminn komið svo að
enginn, sem á mig trúir, sé áfram
í myrkri. (Jóhannesarguðspjall 12:46)
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957