Morgunblaðið - 23.01.2014, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 23. JANÚAR 2014
Suðurlandsbraut 20, Reykjavík | Sími 588 0200 |www.eirvik.is
Amerískir með klakavél
Kynningarverð
án klakavélar kr. 299.900
með klakavél kr. 399.900
Sigurður Bogi Sævarsson
sbs@mbl.is
Á Siglufirði eru hafnar framkvæmdir
við byggingu nýs 68 herbergja hótels
sem stefnt er að að taka í notkun á
næsta ári. Að grunnfleti verður húsið
um 3.400 fermetrar og er bygging-
arkostnaður áætlaður um 1,2 millj-
arðar króna. Það er Siglfirðingurinn
Róbert Guðfinnsson, fjárfestir og at-
hafnamaður, sem stendur að þessu
verkefni. Á hans vegum voru á sínum
tíma undir merkjum Rauðku hf. end-
urgerðar byggingar á hafnarsvæðinu
á Siglufirði þar sem í dag eru veit-
inga- og matsölustaðirnir Hannes
boy, Kaffi Rauðka og Bláa húsið.
Ferðamönnum sem koma til Siglu-
fjarðar hefur fjölgað mikið á síðustu
árum. Það helst í hendur við betri
samgöngur um Héðinsfjarðargöng og
svo almenna uppbyggingu í ferða-
þjónustu. „Nú vantar tilfinnanlega
meira gistirými svo ferðaþjónusta hér
í bænum nái að dafna á þann hátt sem
forsendur eru fyrir. Menn skjóta á að
hingað komi um 40-50 þúsund ferða-
menn yfir árið og vetrargestum fjölg-
ar mjög, til dæmis í tengslum við
skíðasport,“ segir Finnur Yngvi
Kristinsson, verkefnisstjóri hjá
Rauðku.
Gistihúsið nýja, Hótel Sunna eins
og það á að heita, verður tveggja
hæða bygging og hvert herbergjanna
68 tekur tvo til þrjá gesti. „Þetta er
mjög spennandi verkefni og fram-
kvæmdir hafa farið vel af stað. „Vel
hefur viðrað frá áramótum og nú er
búið að steypa sökkla. Svona tökum
við hvern áfangann á fætur öðrum.
Ætlum við okkur að opna í maí á
næsta ári, það er 2015,“ segir Finnur.
Það er Selvík, systurfélag Rauðku,
sem stendur að byggingu hótelsins en
iðnaðarmenn úr Fjallabyggð eru í
eldlínu framkvæmdanna.
Morgunblaðið/Sigurður Ægisson
Smíði Björn Jónsson með sögina. Fyrir miðri mynd er Hólshyrna, fjallið sem setur mjög sterkan svip á bæinn.
 Fjárfesting fyrir 1,2 milljarða króna  Opnað vorið 2015
Morgunblaðið/Sigurður Ægisson
Bæjarmynd Við höfnina, þar sem áður stóð brakki sem kallaður var Sunna.
Eftir honum verður hótelið nefnt og hér sést hvar það verður staðsett.
Glæsihús Eftir þessari tölvumynd arkitekta verður hótelið byggt, en það
verður 3.400 fermetrar og herbergin verða 68, tveggja til þriggja manna.
Stórt Sunnuhótel í
byggingu á Siglufirði
Viðar Guðjónsson
vidar@mbl.is
Íþróttafélögum voru á síðasta ári
send bréf þar sem þau voru hvött til
þess huga að því að standa rétt að
skattskilum. Deildar meiningar eru
um það á milli Ríkisskattstjóra og
sumra íþróttafélaga hvort félögum
sé leyfilegt að greiða starfsfólki
verktakagreiðslur, sérstaklega þeg-
ar kemur að leikmönnum.
Skúli Eggert Þórðarson, ríkis-
skattstjóri, telur að ákvæði séu skýr
í lögum og að greiða beri starfsfólki í
samræmi við lög um launþega. Þá
eru einnig deildar meiningar um það
hvort sala á auglýsingaskiltum sé
styrkur til íþróttafélaga eða tekjur
sem beri að greiða virðisaukaskatt
af. „Þó að menn séu ekki sammála
Ríkisskattstjóra þá þýðir það ekki
að menn geti ákveðið hvað sé rétt og
rangt í þessum málum,“ segir Skúli
Spurður hvort grunur hafi verið
um að ekki sé rétt staðið að skatt-
skilum hjá íþróttafélögunum segir
Skúli: „Við sendum ekki svona bréf
til allra landsmanna, heldur til þessa
hóps í þessu tilfelli.“
Hann bendir á að umhverfi
íþróttahreyfingarinnar hafi breyst á
undanförnum árum og að atvinnu-
mennska hafi færst í vöxt. Slíkt kalli
á að skerpa þurfi á því hvernig
standa beri að skattheimtu.
Málið fyrir skattanefnd
Jón Rúnar Halldórsson, formaður
knattspyrnudeildar FH, segir að
deildin sé ein fjögurra knattspyrnu-
deilda sem beðnar voru um afrit af
upplýsingum úr bókhaldi á síðasta
ári. Að þremur mánuðum liðnum var
þeim tilkynnt um að skatturinn
hygðist ekki aðhafast sérstaklega.
Að sögn Jóns Rúnars eru enn deild-
ar meiningar Ríkisskattstjóra og fé-
laganna um það hvort greiða megi
leikmönnum verktakagreiðslur í
stað þess að þeir séu launþegar.
Komist aðilar ekki að sam-
komulagi á Jón Rúnar von á því að
málinu verði skotið til skattanefndar
sem úrskurðar um slík álitamál.
„Leikmaður er í nánast öllum til-
vikum í annarri vinnu eða námi.
Maður gerir aldrei langtímasamning
við leikmenn. Okkur finnst vanta
skilning á hlutverki leikmanna innan
félaganna,“ segir Jón. Hann er hins
vegar sammála þeim sjónarmiðum
að þjálfarar og aðrir starfsmenn fé-
laganna í fullri vinnu séu launþegar.
„FH er t.a.m. með um 100 manns í
vinnu hjá félaginu. Langflestir eru
verktakar. Gera má ráð fyrir því að
kostnaður aukist um 30% ef sjón-
armið skattsins verða ofan á að
fullu,“ segir Jón Rúnar.
Deildar meining-
ar um skattskil
 Ríkisskattstjóri telur óheimilt að
greiða leikmönnum verktakagreiðslur
Morgunblaðið/Ómar
Launagreiðslur Deilt er um hvort
heimilt sé að greiða launuðum leik-
mönnum verktakagreiðslur.
Erlendum leikmönnum, sem fá greidd laun frá
íþróttafélögum, ber að greiða 18% skatt af tekjum
sínum auk þess að standa við greiðslur til sveitarfé-
laga. Að sögn Jóns Rúnars hefur borið á því að ekki
hafi verið greiddur skattur af slíkum verktaka-
greiðslum. Telur hann að í þeim tilfellum þurfi félög-
in að halda eftir hlut opinberra aðila af greiðslum til
leikmannanna.
Skúli Eggert bendir á að einn angi skattskila snúi
að samkeppnismálum. „Sum félög eru með þetta al-
veg í lagi á meðan önnur eru það ekki. Það er samkeppni um íþrótta-
menn. Því er mikilvægt að félögin greiði sömu skatta og sömu skyld-
ur,“ segir Skúli.
Jöfn samkeppni um leikmenn
BORIÐ Á ÞVÍ AÐ ERLENDIR LEIKMENN GREIÐI EKKI SKATT
Jón Rúnar
Halldórsson
Starfsmenn Veðurstofunnar stað-
festu í gær að Skaftárhlaupið um
síðustu helgi kom úr vestari Skaftár-
katlinum í Vatnajökli. Þá sáu þeir að
Eystri-Skaftárketillinn er fullur af
vatni og löngu kominn tími á að
hlaup verði úr honum.
Að sögn Magnúsar Tuma Guð-
mundssonar, prófessors í jarðeðlis-
fræði hjá raunvísindastofnun HÍ, er
óvenjulangt um liðið frá síðasta
hlaupi úr eystri sigkatlinum. Það
varð í júní 2010. Hléið sé jafnlangt
því lengsta sem komið hafi undan-
farin fjörutíu ár.
Yrði stærra hlaup
„Það getur ekki verið langt í að
hann hlaupi. Það eru kannski auknar
líkur á að hann hlaupi beint í kjölfar-
ið af þessu hlaupi en annars hlýtur
hann að koma á næstu mánuðum,“
segir hann. Þá væri um að ræða tals-
vert stærra hlaup en það sem hófst á
dögunum og er nú í rénun. Atburð-
irnir nú eru eftirtektarverðir en ekki
stóratburðir að sögn Magnúsar
Tuma.
„Það er ekki þess að vænta að
venjulegt Skaftárhlaup, þó stórt sé,
valdi einhverjum stórkostlegum
truflunum. Sé fylgst þokkalega með
þessu og það umgengist af hæfilegri
virðingu á enginn að vera í hættu.“
Eystri ketill kominn á tíma
 Óvenjulangt um liðið frá síðasta hlaupi úr sigkatlinum
Morgunblaðið/Jónas Erlendsson
Rennsli Um 50 Skaftárhlaup hafa
orðið síðustu 60 ár. Mynd úr safni.
Ofmetið rennsli
» Veðurstofumenn telja að
rennsli Skaftár við Sveins-
tind sé líklega ofmetið vegna
íss í árfarveginum. Hlaupið
muni sjatna áfram á næstu
dögum.
» Þeir greina engin sjáanleg
merki um að hlaup sé að
hefjast úr eystri katlinum.