Morgunblaðið - 23.01.2014, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 23. JANÚAR 2014
Sölustaðir: Hagkaup Kringlunni, Garðabæ og Smáralind, apótek Lyfju, Askja og Fríhöfnin.
Kaupaukar í takmörkuðu magni í tilefni
Bóndadagsins, m.a. tölvutöskur.
SVIÐSLJÓS
Þorsteinn Ásgrímsson
thorsteinn@mbl.is
Stefnt er að því að framkvæmdir við
nýtt hótel við hliðina á Hörpu og
íbúðarhúsnæði á nærliggjandi lóð
hefjist á þessu ári og ljúki á fyrri-
hluta ársins 2017. Heildarfjárfesting
verkefnisins er áætluð um 14 millj-
arðar, en í heild verða rúmlega 250
herbergi í hótelinu og 90 íbúðir auk
verslana í þeim fimm byggingum
sem verða reistar næst hótelinu.
Í viðtali við Morgunblaðið fara
þeir Bala Kamallakharan fjárfestir,
Tryggvi Jónsson, framkvæmdastjóri
mannvirkja hjá Mannviti, og Ásgeir
Ásgeirsson, arkitekt hjá T-Ark arki-
tektastofunni, yfir framvindu verk-
efnisins, upphaf þess og framtíðar-
horfur. Þá eru í fyrsta sinn sýndar
myndir af útliti fyrirhugaðra íbúða á
lóðinni, en gert er ráð fyrir bili á
milli þeirra. Þremenningarnir eru í
forsvari fyrir Auro Investments,
sem er í eigu indverskra fjárfesta
hjá Auro Investment Partners LLC,
Mannvits og T-Ark.
Upphafið að samstarfinu nær aft-
ur til ársins 2009, en þá var Bala í
samskiptum við Ásgeir og T-Ark
vegna annars verkefnis. Á þeim tíma
ræddu þeir möguleikann á hótelupp-
byggingu á þessum reit, en stuttu
áður hafði öllum áformum sem sett
voru upp fyrir hrun verið frestað. T-
Ark sá um hönnun á Hilton-hótelinu
og segir Ásgeiri að félagið hafi feng-
ið nokkra reynslu af hóteluppbygg-
ingu með því verkefni. Mannvit hafi
svo verið fengið að borðinu, en fyrir-
tækið sá meðal annars um hönnun
Hörpu.
Þegar Sítus, fyrrverandi eigandi
lóðarinnar, bauð hana til sölu árið
2011 ákváðu þeir að leggja inn til-
boð. Alþjóðlegir fjárfestar undir
merkjum World Leisure Investment
var hinsvegar boðið til samninga.
Þær viðræður leiddu ekki til niður-
stöðu og Tryggvi segir að í apríl árið
2013 hafi Auro Investments verið
kallað að borðinu. Í lok sumars var
svo gengið frá samningi við Sítus og
í september greiddi Auro Invest-
ments fyrir lóðina.
Upphaflegar hugmyndir um hót-
elið gengu út á að það væri 30 þús-
und fermetrar með 450 herbergjum,
en Tryggvi segir að þeir hafi fljót-
lega séð að þær hugmyndir væru of
stórtækar. Því var ákveðið að
minnka hótelið töluvert og byggja
íbúðir og verslunarhúsnæði á um
helmingi lóðarinnar. Íbúðirnar
verða 90 samtals, en verslunar- og
þjónustuhúsnæði verður á neðstu
hæðinni. Ásgeir bendir á að sam-
kvæmt aðalskipulagi er það mark-
mið að fjölga íbúðum á efri hæðum
miðsvæðis í Reykjavík. „Við vissum
að við gætum nýtt þetta í annað en
hótel,“ segir hann.
Hótelið 16.400 fermetrar
Þrátt fyrir að hótelið verði minnk-
að segjast þeir alltaf hafa viljað hafa
það í hæsta gæðaflokki. Tryggvi
segir að þarna sé besta staðsetning-
in í borginni fyrir hótel og því kjörið
að nýta tækifærið og reisa fimm
stjörnu hótel þar. Herbergin verða
rúmlega 250 á 16.400 fermetrum, en
þar af verða nokkrar stórar svítur.
Venjuleg herbergi verða 30 fermetr-
ar, en algengt er að herbergi hér á
landi á stærri hótelum séu 18 til 24
fermetrar. Ásgeir segir að auk þess
verði 25 svítur, en áætlað er að þær
verði 45 fermetrar. Þá verða þrjár
stórar svítur upp á 90 fermetra og
ein forsetasvíta sem verður 150 fer-
metrar að stærð.
Í fyrra var tilkynnt að viðræður
stæðu yfir við tvær stórar alþjóð-
legar hótelkeðjur um rekstrarsamn-
ing (e. management agreement).
Valið stendur á milli Marriott og W
Hotels en endanlegt val verður til-
kynnt á næstunni þegar búið verður
að semja við kjölfestufjárfesta um
fjármögnun verkefnisins. Tryggvi
segir svona rekstrarsamning vera
tímamót í hótelrekstri hér á landi.
Hann er frábrugðinn einkaleyfis-
samningi á þann veg að fjárfestirinn
á reksturinn og hótelið, en keðjan
kemur að rekstrinum, t.d. með því
að útvega hótelstjóra. Þá eru ekki
greidd leyfisgjöld, heldur skipta
fjárfestar og keðjan hagnaðinum á
milli sín eftir því hvernig afkoman er
af rekstrinum. Þannig sé hagur
beggja að vel gangi. Hótelið er svo
tekið inn í alþjóðlegt markaðs- og
sölukerfi keðjunnar og segir Bala að
ef lítið sé að gera geti þeir beint því
til markaðsstofu keðjunnar að draga
að stórar ráðstefnur.
Óhræddir við sveiflur
Nokkur umræða hefur verið uppi
um það hvort bólumyndun sé í hót-
elgeiranum, en Bala segir að þótt
alltaf komi sveiflur séu þeir ekki
hræddir að takast á við slíkt. Hann
bendir á að ekki hafi verið byggt
nýtt hótel frá grunni í Reykjavík í
langan tíma. Síðustu ár hafi ákveðin
leiðrétting átt sér stað og markaður-
inn jafnað mikla vöntun á hótel-
rýmum. Enn sé framboðið ekki
nægjanlegt, sem sjáist t.d. með vin-
sældum heimasíðna á borð við
Airbnb. Tryggvi bendir á að fimm
stjörnu hótel sé allt önnur vara held-
ur en fjögurra stjörnu hótel. Segir
hann að með fimm stjörnum sé verið
að styrkja núverandi hótelmarkað
en ekki taka af sömu sneið og aðrir.
Tölvumynd/T.ark
Nýja hótelið Hörpureiturinn mun vissulega breyta um svip þegar hótelið og íbúðabyggingarnar hafa risið.
Sex byggingar rísa á Hörpureit
 Framkvæmdir við hótel og íbúðarhúsnæði eiga að hefjast á þessu ári  250 herbergja hótel og 90
íbúðir  Forsetasvítan 150 fermetrar  Heildarfjárfesting verkefnisins er áætluð um 14 milljarðar
Bala Kamallakharan segir að ekki
sé verið að skuldsetja hótelið of
mikið eins og svo oft vill verða þeg-
ar mikil uppbygging á sér stað,
heldur sé stefnan sett á að afla
nægjanlegs eiginfjár. Með rekstr-
arsamningnum fái þeir einnig að-
gang að mjög öflugu hótelneti þar
sem það er hagur keðjunnar að
reksturinn verði sem allra bestur.
„Erum við hræddir við bólu? Já, en
við teljum okkur geta unnið á
henni,“ segir Bala.
Næsta verkefni, meðfram því að
ganga frá nokkrum tæknilegum at-
riðum í rekstrarsamningnum, er að
finna kjölfestufjárfesta. Bala segir
að nú þegar séu þeir í viðræðum við
áhugasama fjárfesta um aðkomu að
verkinu, en Arionbanki hefur um-
sjón með fjármögnun verkefnisins.
Segir Bala að bæði innlendir og er-
lendir fjárfestar hafi sýnt verkefn-
inu áhuga. Gangi áform eftir segir
hann að haldið verði áfram að tala
við nokkra hópa á næstunni, en að
svo verði samið við einn eða tvo um
að koma með fjármagn. Segir hann
að Auro Investments vilji áfram
vera hluti af verkefninu og nýta
þekkingu sína og reynslu til þess að
klára uppbygginguna, en að horft
sé til þess að nýr fjárfestir verði
meirihlutaeigandi.
Töluverð hönnunarvinna er enn
eftir, en Tryggvi segir að ef allt
gangi samkvæmt áætlun gætu
framkvæmdir hafist fyrir lok þessa
árs. Hann segir að reiknað sé með
því að framkvæmdin skapi jafnvel
yfir 200 ný störf og að á milli 100 og
150 starfsmenn vinni svo á hótelinu
sjálfu þegar það er tilbúið.
„Þetta er gott verkefni fyrir
Reykjavík, byggingargeirann,
efnahagslífið og hótelgeirann á Ís-
landi,“ segir Tryggvi, en heildar-
kostnaður við byggingu hótelsins
og íbúðanna er áætlaður rúmlega
14 milljarðar.
Stefnt er að því að hótelið verði
ráðstefnuhótel með tengingu við
Hörpu, en ráðstefnugestir eyða að
jafnaði hæstu fjárhæðunum á
ferðalögum. Aðspurður hvort horft
verði á náið samstarf við ferðaþjón-
ustufyrirtæki segir Bala að gestir
hótelsins muni eins og gestir ann-
arra hótela sækja í afþreyingu og
upplifun og því sé slík tenging
nauðsynleg. „Þarna eru mörg tæki-
færi fyrir frumkvöðla að ná til vel
efnaðra ferðamanna,“ segir hann.
Hörpureitur Hótelbyggingin rís næst Hörpu og við hlið hennar verða fimm byggingar með íbúðum og verslunum.
Reiknað með að framkvæmdin
skapi allt að 200 ný störf