Morgunblaðið - 18.02.2014, Qupperneq 17

FRÉTTIR 17Erlent
MORGUNBLAÐIÐ ÞRIÐJUDAGUR 18. FEBRÚAR 2014
Framrúðuviðgerðir
Gerum við og skiptum um
bílrúður fyrir öll tryggingafélög
Skeifan 2 • Sími 530 5900 • www.poulsen.is
Stöðugt er deilt um loftslagsbreyt-
ingar og hvað valdi þeim, aðgerðir
manna eða náttúrulegar sveiflur í
veðurfari. Miklir þurrkar hafa herj-
að í Kaliforníu og fyrir skömmu
sagði Barack Obama forseti að
þessar hamfarir væru dæmi um það
sem aðrir hlutar landsins ættu í
vændum vegna loftslagsbreytinga
af mannavöldum.
En í grein í The New York Times
á sunnudag er sagt að hann hafi
fullyrt meira en vísindaleg þekking
um tengsl loftslagsbreytinga og
þurrka réttlæti. Þótt hugsanlegt sé
að aukin tíðni þurrka á sumum
svæðum heims geti tengst loftslags-
breytingum sé alls ekki eining um
það í röðum vísindamanna að um
hnattræna þróun sé að ræða.
„Ég er nokkuð viss um að það hve
þurrkarnir eru miklir stafi af eðli-
legum sveiflum í náttúrunni,“ segir
Richard Seager, loftslagsfræðingur
sem rannsakar vatnsbúskap og
starfar við Columbia-háskóla.
Blaðið segir að almennt virðist
þróunin vera í átt
til lægri tíðni
þurrkaskeiða í
landinu og einnig
sumum öðrum
heimshlutum.
Því hafi reyndar
verið lengi spáð
að úrkomurík
svæði í heiminum
yrðu enn blautari með hlýnandi
loftslagi en þurr svæði enn þurr-
viðrasamari.
En er auðvelt að útskýra öll fyr-
irbæri í veðurfari? „Séð með augum
vísindamanna er ekki hægt að segja
um eitt einasta afmarkað dæmi um
öfgar í veðri, storm, flóð eða þurrk,
að það hafi stafað af hnattrænum
loftslagsbreytingum,“ sagði vís-
indaráðgjafi forsetaembættisins í
Washington, John P. Holdren, ný-
lega. En hann bætti við að loftslags-
breytingar vegna aukinnar losunar
koldíoxíðs af völdum manna hefðu
nánast alls staðar haft áhrif á veð-
urfar. kjon@mbl.is
Miklir þurrkar
í Kaliforníu
Skrælnuð jörð.
 Rangt að rekja einstaka storma, flóð
eða þurrka beint til loftslagbreytinga
Breskir vísinda-
menn hafa beitt
erfðatækni til að
þróa kartöflu
sem sýkist ekki
af kartöflu-
myglu, að sögn
BBC.
Frjóduftið
dreifist ekki frá
ökrunum vegna
þess að plantan
er ófrjó. Bandarískt fyrirtæki mun
framleiða nýju jurtina. Mikil and-
staða er við genabreytt matvæli í
Evrópu, strangar reglur valda því
að taka myndi 10 ár að fá leyfi til að
nýta hana þar. kjon@mbl.is
Genabreytt og
því ónæm fyrir
kartöflumyglunni
Heilbrigðar
kartöflur.
Kristján Jónsson
kjon@mbl.is
Draga á leiðtoga Norður-Kóreu og
helstu embættismenn þeirra fyrir al-
þjóðlegan dómstól vegna glæpa gegn
mannkyninu, að mati hóps á vegum
Mannréttindanefndar Sameinuðu
þjóðanna sem rannsakað hefur þessi
mál í tæpt ár. Í skýrslu hans, sem birt
var í gær, segir að íbúar landsins hafi
þurft að upplifa ótrúlegar og skelfi-
legar hörmungar af hendi yfirvalda.
Ólíklegt þykir að öryggisráð SÞ
samþykki að fylgja skýrslunni eftir
með raunverulegum aðgerðum; Kína
hefur þar neitunarvald og hefur
ávallt haldið verndarhendi yfir norð-
urkóreskum valdamönnum. Stjórn-
völd í Pjongjang höfnuðu allri sam-
vinnu við skýrsluhöfunda en safnað
var upplýsingum hjá flóttafólki og
sérfræðingum um málefni landsins,
einnig var notast við gervihnatta-
myndir, m.a. til að staðsetja fanga-
búðir. „Kerfisbundin, víðtæk og fjöl-
mörg mannréttindabrot eru framin
af hálfu Verkamannaflokksins
[stjórnarflokks Kim Jong-uns, leið-
toga landsins] og stofnana og emb-
ættismanna hans,“ segir í skýrsl-
unni.
Talið er að 80-120 þúsund pólitísk-
ir fangar séu nú í landinu. Nefnd eru
dæmi um hrottalegar pyntingar og
kynferðislegt ofbeldi norðurkór-
eskra yfirvalda. Í frétt AFP er sagt
frá konu sem var neydd til að
drekkja barni sínu, tíu ára barn var
sent í fangabúðir og var þar í 28 ár
vegna þess að afi þess hafði flúið
land.
„Skelfilegar hörmungar“
 Nefnd SÞ lýsir hrikalegum mannréttindabrotum ráðamanna í Norður-Kóreu
 Ógnanir, nauðganir og pyntingar daglegt brauð í fangabúðum Kim Jong-uns
Fylgst með öllum
» Haft er stöðugt og kerfis-
bundið eftirlit með öllum íbú-
um, 24 milljónum, af hálfu yfir-
valda. Allir eru líka eindregið
hvattir til að skýra frá brotum
samborgara sinna.
» Þúsundum manna hefur
verið rænt erlendis og þeir
fluttir til N-Kóreu.
Íranskar konur og stúlkur hylltu í gær voldugasta
mann landsins, Ali Khamenei erkiklerk, á fundi í Te-
heran, myndin var birt á vefsíðu leiðtogans. Khamenei,
sem er í reynd mun áhrifameiri en forseti Írans, sagðist
í gær ekki vera mótfallinn því að aftur yrðu hafnar við-
ræður um kjarnorkutilraunir Írana við vesturveldin.
En hann sagðist ekki vera bjartsýnn á árangur. „Þetta
er gagnslaust og mun ekki bera neinn árangur.“
AFP
„Gagnslausar“ kjarnorkuviðræður
Aðgerðasinnar í Víetnam minntust
þess í gær með fundahöldum að liðin
voru 35 ár frá innrás Kínverja í norð-
urhéruð landsins. Innrásin 1979 var
gerð til að refsa Víetnömum fyrir að
hafa hrakið frá völdum stjórn Rauðu
kmeranna í grannlandinu Kambódíu
sem naut stuðnings Kína.
Aðgerðir Kínverja stóðu aðeins í
nokkra daga en tugþúsundir manna
féllu úr liði beggja, einnig er fullyrt
að Kínverjar hafi rænt verulegu
magni ýmiss búnaðar handan landa-
mæranna. Báðir aðilar sögðust hafa
sigrað en kínverska liðið hvarf á
brott. Eins og fleiri þjóðir sem eiga
land að Suður-Kínahafi deila þessar
tvær þjóðir hart um yfirráð á eyja-
klösum sem talið er að séu afar verð-
mætir vegna olíu- og gaslinda.
En Kína hefur um árabil verið eitt
af helstu viðskiptalöndum Víetnama
og námu viðskiptin yfir 40 milljörð-
um dollara árið 2012. Ráðamenn í
Hanoi, höfuðborg Víetnams, efndu
því ekki til neinna opinberra athafna
núna til að minnast átakanna 1979.
kjon@mbl.is
EPA
Samkennd Hópur Filippseyinga tók í gær þátt í mótmælum Víetnama við
kínverska ræðismannsskrifstofu nálægt Manila vegna atburðanna 1979.
Minnast innrásar Kín-
verja í Víetnam 1979