Morgunblaðið - 20.02.2014, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 20. FEBRÚAR 2014
H
V
ÍT
A
H
Ú
S
IÐ
/S
ÍA
–
1
3
-2
9
1
9
Draumaferð á hverjum degi
Ef þú vilt sparneytinn og rúmgóðan fjölskyldubíl sem kemur skemmtilega á óvart er óþarfi
að leita lengra. Nýr Mercedes-Benz B-Class eyðir frá 4,1 l/100 km í blönduðum akstri og
mengar svo lítið að hann fær frítt í stæði í Reykjavík í 90 mínútur. Gerðu allar ferðir að
draumaferðum á Mercedes-Benz B-Class.
Hjá Öskju á Krókhálsi 11 bíður þín glæsilegur B-Class til sýnis og reynsluaksturs.
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook
Mercedes-Benz B-Class 160 CDI,
dísil, beinskiptur 6 gíra. Verð frá 4.790.000 kr.
Ómar Friðriksson
omfr@mbl.is
Össur Skarphéðinsson, fyrrverandi
utanríkisráðherra, segir að utanrík-
isráðuneytið hafi talið áður en aðild-
arviðræðurnar við ESB hófust að
þær gætu a.m.k. staðið yfir í 18 mán-
uði eða jafnvel lengur. Þessi skoðun
hafi byggst að verulegu leyti á mati
og reynslu Evrópusambandsins og sé
ekki frábrugðið því mati sem fram
kom á sínum tíma í samtölum Evr-
ópunefndarinnar við Olli Rehn, þá-
verandi stækkunarstjóra ESB, sem
hafi verið mjög bjartsýnn.
Vakin er athygli á því í skýrslu
Hagfræðistofnunar um stöðu aðild-
arviðræðnanna við ESB að í upphafi
hafi utanríkisráðuneytið talið að að-
ildarviðræðurnar gæu hafist í byrjun
árs 2010 og verið
lokið um mitt ár
2011. Óljóst sé
hvers vegna mið-
að var við hraða
umsóknarferlis
sem ekki hafi
lengur verið unnið
eftir við mat á því
hve langan tíma
tæki að ljúka við-
ræðunum.
,,Okkar mat á ferlinu byggðist á
samtölum og ráðgjöf frá Brussel,“
segir Össur. ,,18 mánuðirnir sem við
töluðum um var sá tími sem átti að
taka frá því að viðræðurnar sjálfar
hófust og þangað til að þeim lyki. Mat
Brussel var að það myndi taka enn
skemmri tíma,“ bætir hann við. Ís-
lensk stjórnvöld hafi hins vegar gert
ráð fyrir að viðræðurnar gætu orðið
mjög erfiðar um sjávarútvegsmálin,
þannig að einnig mætti gera ráð fyrir
að þær tækju lengri tíma. Tekið hafi
verið skýrt fram við utanrík-
ismálanefnd að þetta væri óvissu
undirorpið og því ávallt verið haldið
til haga.
Stækkunarstefna ESB hefur tekið
breytingum á umliðnum árum. Össur
bendir á að árið 2006 tók sambandið
upp nýjar reglur í framhaldi af
stækkunarlotum um að fara yrði í ná-
kvæma rýni á löggjöf umsóknarríkja
til að bera saman hvar löggjöf þeirra
og ESB greindi á. Það hafi því legið
skýrt fyrir að halda þyrfti tvöfalda
rýnifundi. Hins vegar sé Ísland senni-
lega fyrsta ríkið sem sækir um aðild
eftir að hafa átt svo langa samleið
með ESB í gegnum EES- og Schen-
gensamstarfið. Af þeim sökum hafi
það verið skoðun manna í upphafi að
e.t.v. væri ekki þörf á svo náinni rýni-
vinnu varðandi EES kaflana en 21
samningskafli fellur undir gildissvið
EES-samningsins. Fulltrúar ESB
hafi talað um að kannski þyrfti ekki
að halda nema annan rýnifundinn um
EES kaflana. „Þegar á hólminn kom
þá var það ekki svo vegna þess að það
voru ríki sem töldu að það ætti að
beita algerlega sömu vinnubrögðum
líka gagnvart EES-köflunum,“ segir
hann.
„Af því að Ísland hafði ákveðna
sérstöðu var erfitt á þessum tíma að
gera sér nákvæmlega grein fyrir
hvað þetta myndi taka langan tíma en
við höfðum alltaf skýran fyrirvara á
að það færi algerlega eftir því hvernig
viðræðurnar gengju.“
„Höfðum alltaf skýran fyrirvara“
 ,,Okkar mat á ferlinu byggðist á samtölum og ráðgjöf frá Brussel,“ segir Öss-
ur Skarphéðinsson um hvað aðildarviðræðurnar við ESB gætu tekið langan tíma
Össur
Skarphéðinsson
Björn Már Ólafsson
Hjörtur J. Guðmundsson
Farið var í umsóknarferlið að Evr-
ópusambandinu sumarið 2009 á
fölskum forsendum sem ekki voru til
þess fallnar að skapa sátt í samfélag-
inu á tíma þegar það var í sárum.
Þetta sagði Gunnar Bragi Sveinsson,
utanríkisráðherra, í umræðum á Al-
þingi í gær um skýrslu Hagfræði-
stofnunar Háskóla Íslands um stöðu
umsóknarinnar og þróun ESB.
Gunnar Bragi sagði fullkomlega
óábyrgt að halda viðræðunum við
Evrópusambandið áfram. Gert væri
ráð fyrir því að umsóknarríki stefndu
á aðild að sambandinu og viðræðurn-
ar færu fram á forsendum þess. Um
væri að ræða aðlögunarferli sem
gengi út á það að aðlögun færi fram
samhliða viðræðunum.
Benti ráðherrann ennfremur á að
umsóknarferlið opnaði á það að ein-
stök ríki innan Evrópusambandsins
gætu notað það til þess að ná fram
eigin markmiðum í málum sem gætu
verið algerlega óskyld ferlinu. Mak-
ríldeilan og framganga Breta og Hol-
lendinga í henni væri gott dæmi um
slíkt.
Viðræðuhlé of snemma
„Af því að hlé var gert á aðildarvið-
ræðunum of snemma, fengum við Ís-
lendingar ekki svar við efnislegum
spurningum,“ sagði Árni Páll Árna-
son, formaður Samfylkingarinnar, í
umræðunum.
„Ræða utanríkisráðherra var ræða
manns sem var andsnúinn Evrópu-
samvinnu. Það merkilega er að Sjálf-
stæðisflokkurinn skuli láta teyma sig
eins og hund í bandi þegar forystu-
menn í ríkisstjórninni fara fram með
þessum hætti. Ræða utanríkisráð-
herra var varnarræða manns sem
óttast umheiminn. Hann reynir að
rýna í kristalskúlu til að finna rök-
semdir fyrir kyrrstöðu,“ sagði Árni
Páll.
Hann sagði að meiri umræða þyrfti
að eiga sér stað í nokkrum málum.
„Við þurfum frekari umfjöllun um
peningamál og þá stöðu sem við erum
í. Spurningin um aðild tengist afnámi
hafta og hvaða leið við veljum okkur í
framhaldinu. Við þurfum betri grein-
ingu á sjávarútvegsþættinum. Við
þurfum betri greiningu á stöðu og
framtíð EES samningsins heldur en
aðeins þá skýrslu sem hér um ræðir.
Við búum ekki kyrrstöðu heldur í
heimi sem þroskast áfram.“
Tekist á um undanþágur
„Enn er tekist á um það á Alþingi
hvort mögulegt sé að við náum und-
anþágum á ákveðnum sviðum. Sér-
lausnir virðast vera aðalumræðuefn-
ið hér á Alþingi,“ sagði Bjarni
Benediktsson, fjármálaráðherra, í
umræðunni, og fór svo yfir eðli þeirra
undanþágna sem Evrópusambandið
hefur áður veitt og undir hvaða
kringumstæðum þær voru veittar.
„Hvernig bar undanþágan að sem
Danir fengu í gjaldeyrismálum? Það
var þannig að verið var að útvíkka
samstarf evruríkjanna og við þær að-
stæður átti hvert og eitt aðildarríki
neitunarvald sem gat sett allt stækk-
unarferlið í algert uppnám. Við þær
aðstæður náðu Danir sinni undan-
þágu.“
Katrín Jakobsdóttir, formaður VG,
sagði m.a. í umræðunni, að hún hefði
viljað sjá dýpri umfjöllun í skýrslunni
um Evrópusambandið og þróun þess.
Umræða um skýrsluna stóð fram á
kvöld í gær og heldur áfram á Alþingi
í dag.
Farið var í ESB-umsóknar-
ferlið á fölskum forsendum
 Viðræðuhlé leiddi til þess að svör vantar við efnislegum spurningum
Morgunblaðið/Kristinn
Á þingi Alþingismenn fjölluðu í gær um skýrslu um stöðu aðildarviðræðn-
anna og voru skoðanir mjög skiptar. Áfram verður rætt um skýrsluna í dag.
Orðrétt
’
ESB-málið hefur klofið flokka,
klauf síðustu ríkisstjórn og hefur
síðast en ekki síst rekið fleyg í þjóð-
málaumræðu í þessu landi á sama
tíma og önnur ærin viðfangsefni hafa
setið á hakanum.
Gunnar Bragi Sveinsson
’
Ég vil lýsa því yfir, að það er sér-
stök lífsreynsla að vera svona
mikið ósammála einum manni á jafn-
skömmum tíma.
Guðmundur Steingrímsson
(um Gunnar Braga)
’
Utanríkisráðherra vill ekki fá
svarið frá Evrópusambandinu
vegna þess að hann er andvígur aðild.
Hann veit að Evrópusambandið mun
bjóða Íslandi sérlausn í sjávarútvegs-
málum.
Helgi Hjörvar
’
Þessi skýrsla er ein stór staðfest-
ing á því að það er ekki mögulegt
að fá það sem (er kallað) varanlegar
sérlausnir.
Ásmundur Einar Daðason
’
Ríkisstjórnin er stöðugt að finna
leiðir til þess að forðast að fá
efnisleg svör við þeim spurningum
sem þjóðin þarf á að halda að fá svör
við í þessu stóra máli.
Árni Páll Árnason
’
Þótt við séum andvíg aðild Ís-
lands að Evrópusambandinu höf-
um við talið þetta mál sem eðlilegt er
að þjóðin taki afstöðu til með ein-
hverjum hætti.
Katrín Jakobsdóttir
’
Mér finnst ekki skýrt hjá þing-
manninum hvernig það getur far-
ið saman að leiða viðræður til lykta
og komast yfir þær pólitísku hindr-
anir sem fylgja því að ljúka samninga-
viðræðum ef ekki fylgir hugur máli.
Bjarni Benediktsson
(um ræðu Katrínar Jakobsdóttur)
’
Ég veit ekkert hvort (skýrslan)
gagnast okkur eitthvað, ég sé
svolítið eftir þessum 25 milljónum
sem fóru í þetta.
Páll Valur Björnsson um
skýrslu Hagfræðistofnunar
’
Það er mikilvægt að draga lær-
dóm af fortíðinni. Minn lærdómur
er sá að menn fóru af stað óund-
irbúnir.
Unnur Brá Konráðsdóttir
’
Það er önnur skýrsla á leiðinni.
(…) Eftir því sem sagt er verður
meira hagsmunamat í þeirri skýrslu
og meira tillit tekið til hagsmuna
launþega og atvinnurekenda.
Valgerður Bjarnadóttir
’
Það sem ég óttast mest af öllu í
sambandi við Evrópusambandið
er að okkar mál verði afgreidd í
Brussel, nákvæmlega eins og Ísfirð-
ingar þurfa að fara til Reykjavíkur.
Pétur H. Blöndal