Morgunblaðið - 28.02.2014, Blaðsíða 26

26 FRÉTTIRErlent
MORGUNBLAÐIÐ FÖSTUDAGUR 28. FEBRÚAR 2014
Skeifan 2 • Sími 530 5900 • www.poulsen.is
Bílalakk
Blöndum alla bílaliti
og setjum á spreybrúsa
Bjóðum uppá
heildarlausnir
í bílamálun
frá DuPont og
getum blandað
liti fyrir allar
gerðir farartækja
ÚTSÖLULOK
SÍÐUSTU DAGAR BÓKAÚTSÖLUNNAR
Íslenskar og erlendar bækur á frábæru verði.
Tilboð á rekstrarvörum og ritföngum.
Opið alla daga til kl.22:00
Franski listamaðurinn Paulo Grangeon opnar sýn-
inguna „Pöndur á ferð“ í Taipei. Sýndar eru 1.600
pöndur sem Grangeon gerði úr endurunnum pappír og
eiga að tákna 1.600 risapöndur sem lifa í náttúrunni
samkvæmt talningu í Kína fyrir tíu árum. Sýningin er á
vegum náttúruverndarsamtakanna WWF til að vekja
athygli á aðgerðum til að vernda pönduna sem er álitin
í útrýmingarhættu.
EPA
Pöndur á ferð í höfuðborg Taívans
Bandarískir vísindamenn, sem hafa
rannsakað gögn frá geimsjónauk-
anum Kepler, segja að hann hafi
fundið 715 áður óþekktar fjar-
reikistjörnur, þ.e. plánetur utan sól-
kerfis okkar.
Stjörnurnar eru allar í marg-
stirnakerfum og um 95% þeirra eru
smærri en Neptúnus, sem er fjórum
sinnum stærri en jörðin. Fjórar af
reikistjörnunum eru minna en 2,5
sinnum stærri en jörðin og ganga
um sól sína á „lífbelti“, þ.e. á þeim
stað í sólkerfinu þar sem fljótandi
vatn getur verið á yfirborðinu. Fjar-
reikistjörnurnar eru í hundraða ljós-
ára fjarlægð frá jörðu og of langt í
burtu til að hægt sé að rannsaka þær
nákvæmlega.
Áður hafði Kepler fundið 246
reikistjörnur utan sólkerfis okkar.
Alls hefur því geimsjónaukinn fund-
ið 961 fjarreikistjörnu frá því að
Geimvísindastofnun Bandaríkjanna,
NASA, skaut honum á braut um
jörðu árið 2009. Þetta er meira en
helmingur af öllum fjarreikistjörn-
um sem fundist hafa á síðustu 20 ár-
um, eða frá því að fyrsta plánetan ut-
an sólkerfis okkar fannst.
Fréttavefur BBC hefur eftir
Douglas Hudgins, vísindamanni hjá
NASA, að niðurstöður rannsókn-
anna sýni að stjörnukerfi, þar sem
margar reikistjörnur ganga á braut
um eina stjörnu, líkt og sólkerfi okk-
ar, séu algeng í vetrarbrautinni sem
sólkerfi okkar tilheyrir.
Keplerssjónaukinn er sá fyrsti
sem er fær um að greina fjar-
reikistjörnur á stærð við jörðina á
lífbelti annarra stjarna. Meginmark-
miðið með rannsóknum Kepler er að
finna út hve algeng sólkerfi eru og
hvernig þau eru uppbyggð, að því er
fram kemur í grein um geimsjón-
aukann á stjörnufræðivefnum,
stjornufraedi.is. bogi@mbl.is
Geimsjónaukinn Kepler fann 715
áður óþekktar fjarreikistjörnur
 Langflestar eru smærri en Neptúnus og fjórar á lífbelti
Ítalski skipstjórinn Francesco Schettino úthúð-
aði fjölmiðlamönnum í gær þegar hann kom í
fyrsta skipti um borð í skemmtiferðaskipið
Costa Concordia eftir að það steytti á skeri ná-
lægt eyjunni Giglio við vesturströnd Ítalíu 13.
janúar 2012 með þeim afleiðingum að 32 fór-
ust. Schettino hefur verið ákærður fyrir mann-
dráp og að hafa yfirgefið skipið á undan far-
þegum.
Þegar fjölmiðlamenn spurðu Schettino
hvers vegna hann hefði farið af skipinu á und-
an farþegum húðskammaði hann þá fyrir að
saka hann um hugleysi, uppnefna hann m.a. „kafteininn kjarklausa“. „Þið
eruð enn að tala um að ég hafi yfirgefið skipið!“ hrópaði hann. „Það þýðir
að þið hafið ekki skilið neitt, fjárinn hafi það!“
Schettino kveðst hafa hrasað og dottið ofan í björgunarbát þegar slysið
varð. Hann segist síðan hafa ákveðið að fara í land á björgunarbátnum til
skipuleggja björgun farþeganna þaðan.
RÉTTARHÖLD VEGNA STRANDS COSTA CONCORDIA
Skipstjórinn sagði fjölmiðlum til syndanna
Francesco Schettino
Könnun í sex Vestur-Evrópulöndum hefur leitt í ljós að
hjúskaparbrot eru algengust meðal karlmanna í Frakk-
landi og á Ítalíu. Að sögn talsmanns fyrirtækisins IFOP,
sem gerði könnunina, ætti þessi niðurstaða ef til vill ekki
að koma á óvart í ljósi frétta um kvennamál sumra af
stjórnmálaleiðtogum landanna tveggja, m.a. François
Hollande Frakklandsforseta og Silvio Berlusconi, fyrr-
verandi forsætisráðherra Ítalíu. „Þeir virðast vera
nokkuð dæmigerðir fyrir karlmenn í löndum sínum,“
hefur fréttaveitan AFP eftir talsmanninum.
Um 55% franskra og ítalskra karlmanna í könnuninni
viðurkenndu að hafa haldið framhjá maka sínum og ein af hverjum þremur
frönskum og ítölskum konum. Um 42% breskra og 46% þýskra karlmanna
sögðust einhvern tíma hafa haldið framhjá maka sínum. Munurinn milli
kynjanna í þessum efnum var minnstur í Þýskalandi þar sem 43%
kvennanna viðurkenndu framhjáhald. Á Ítalíu var hlutfallið meðal kvenna
34%, 32% meðal kvenna í Frakklandi og 29% í Bretlandi.
KÖNNUN Á HJÚSKAPARBROTUM Í VESTUR-EVRÓPULÖNDUM
Ótryggðin algengust meðal Frakka og Ítala
François Hollande