Morgunblaðið - 28.02.2014, Blaðsíða 48

48 MENNING
MORGUNBLAÐIÐ FÖSTUDAGUR 28. FEBRÚAR 2014
Enska rokksveitin Arctic Monkeys
var sigursæl á verðlaunahátíð tíma-
ritsins NME sem fór fram í fyrra-
dag í Lundúnum. Hljómsveitin hlaut
fimm verðlaun, þar af sem besta
hljómsveit Bretlands, besta tón-
leikasveitin og fyrir bestu plötuna,
AM.
Lily Allen hlaut verðlaun sem
besti tónlistarmaðurinn og Harry
Styles úr hljómsveitinni One Direc-
tion hlaut hin furðulegu verðlaun
„Villain of the Year“, eða Óþokki
ársins. Þá hlaut pönksveitin Blondie
ekki síður einkennileg verðlaun,
„Godlike Genius“, eða Guðum líkur
snillingur og Paul McCartney var
verðlaunaður fyrir lagasmíðar.
Verðlaun fyrir nýsköpun hlaut
Damon Albarn og hljómsveitin Ha-
im var útnefnd besta alþjóðlega
hljómsveitin. Drenge var valin besta
nýja hljómsveitin og hljómsveitin
Disclosure hlaut verðlaun fyrir
besta lagið, „White Noise“.
Besta tónlistarmyndbandið þótti
myndbandið við lag Eagulls, „Nerve
Endings“ og besta tónlistarhátíðin
Glastonbury. Einnig voru veitt verð-
laun fyrir bestu sjónvarpsþáttaröð
og hlaut þau hin bandaríska Break-
ing Bad. Söngvarinn Morrissey
hlaut verðlaun fyrir bestu bókina,
sjálfsævisögu sína Autobiography
og Alex Turner úr Arctic Monkeys
var valinn hetja ársins.
Hljómsveitin The 1975 var svo
valin versta hljómsveit ársins og
hafa liðsmenn hennar líklega ekki
verið sáttir við þau verðlaun, ef verð-
laun skyldi kalla. Hátíðin fór fram í
O2 Academy í Brixton og tróðu m.a.
upp hljómsveitirnar The Horrors og
Metronomy.
AFP
Margverðlaunaðir Hljómsveitin Arctic Monkeys, eða Norðurskautsapar, er
skipuð Matt Helders, Nick O’Malley, Alex Turner og Jamie Cook.
Arctic Monkeys
hlaut fimm verðlaun
Helgi Snær Sigurðsson
helgisnaer@mbl.is
Smilewound, nýjasta breiðskífa
hljómsveitarinnar múm, kom út í
fyrra og hefur hlotið mikið lof gagn-
rýnenda víða um heim. Múm er til-
nefnd til Norrænu tónlistarverð-
launanna í ár fyrir plötuna og verða
þau veitt í Osló á morgun, 1. mars.
Múm er önnur af tveimur íslenskum
hljómsveitum sem tilnefndar eru til
verðlaunanna, hin er Hjaltalín fyrir
plötuna Enter 4. Fastir liðsmenn
múm eru Örvar Þóreyjarson
Smárason og Gunnar Örn Tynes og
á plötunni nýju snýr einn upphafs-
manna sveitarinnar aftur, Gyða Val-
týsdóttir. Aðrir sem leika og syngja
á plötunni eru Mr. Silla, Samuli
Kosninen, Hildur Guðnadóttir og
Ólöf Arnalds. Múm er síbreytileg
stærð og Örvar segir það mikilvægt
heilsu hennar.
Vönduð verðlaun
„Þetta var ógurlega gaman, mjög
notalegt. Mér sýnist líka allt vera
mjög vandað í kringum þessi verð-
laun, margar skemmtilegar plötur
tilnefndar og ekki alltaf það aug-
ljósasta. Þetta er góður hópur að
vera í,“ segir Örvar, spurður að því
hvernig það sé að vera tilnefndur til
Norrænu tónlistarverðlaunanna.
En hvernig skyldi vera að keppa
við vini sína í Hjaltalín? „Við höfum
unnið mikið saman, við Gunni kom-
um báðir að fyrstu Hjaltalín-
plötunum og við höfum samið lög
saman. Högni spilaði með okkur í
múm á tímabili og það er einmitt lag
á Smilewound sem var upphaflega
samið fyrir plötuna okkar, á undan
Sing Along to Songs You Don’t
Know (fimmtu breiðskífa múm) og
passaði ekki inn á hana þannig að
Hjaltalín notaði það á sinni plötu,“
segir Örvar og á þar við „Sweet Im-
pressions“, eitt laga Terminal. Örv-
ar segir múm því eiga eftir að fagna
með Hjaltalín, hljóti Enter 4 verð-
launin enda sé platan æðisleg.
– Þessi plata er töluvert frábrugð-
in þeirri síðustu eins og við var að
búast, þið fetið alltaf nýjar slóðir...
„Við gefum aldrei sömu plötuna
út tvisvar, þá myndum við fljótt fá
leiða á þessu,“ svarar Örvar. Lögin
á Smilewound eru frá ólíkum tímum
og Örvar segir það oft eiga við um
plötur múm. „Við eigum alltaf mjög
stóran banka af lögum og svo eru
þau tilbúin á mismunandi tímum.
Það er t.d. lag á þessari plötu sem
var samið á kassagítar 2005, svona
kassagítarsgutlslag, og það virkaði
aldrei neitt að taka það upp. Við
breyttum því algjörlega í elektrón-
ískt lag og það endaði í allt öðrum
búningi á plötunni.“
Misskildu leikstjórann
Einn flytjenda á Smilewound er
öðrum frægari, ástralska poppdívan
og leikkonan Kylie Minogue. Hvern-
ig stendur á því að hún syngur í lagi
múm, „Whistle“?
„Það bara atvikaðist einhvern
veginn. Við gerðum tónlist fyrir bíó-
mynd, Jack & Diane, fyrir nokkrum
árum, tveimur eða þremur, sem hún
var að leika í. Leikstjóranum fannst
vanta lag fyrir klúbbatriði í mynd-
inni og datt í hug að við gætum gert
lag sem hún gæti sungið. Ég var að
tala við leikstjórann í síma og sam-
bandið var svo lélegt að ég heyrði
ekki almennilega hvað hann var að
segja. Þannig að við sömdum lag
sem okkur fannst henta henni vel og
áttuðum okkur ekkert á því að þetta
ætti að vera eitthvert klúbbalag. Við
sendum leikstjóranum það og þá
kom í ljós að við höfðum misskilið
hann svona hrapalega. Svo hringdi
hann aftur nokkrum vikum seinna
og vildi endilega láta af þessu verða
og hún gerði þetta.“ Blaðamaður
veltir því í kjölfarið fyrir sér hversu
þekkt múm sé orðin á heimsvísu,
hvar hún sé stödd í „meikinu“. Örv-
ar segist ekki vita það almennilega
en múm sé þó orðin þekkt stærð í
ákveðnum kreðsum enda búin að
gefa út fjölda platna og spila um all-
an heim margoft. „Það væri skrítið
ef nafnið væri ekki fljótandi ein-
hvers staðar. Síðan eru þetta bara
tilviljanir, hlutirnir gerast bara ein-
hvern veginn og ef maður er opinn
fyrir því gerist eitthvað jákvætt,“
segir hann. Beðinn um að nefna þau
lönd sem hann telji múm hvað vin-
sælasta í nefnir Örvar Japan, Hong
Kong, Singapúr, Taíland, Ítalíu og
Pólland.
Smilewound er dreift um Evrópu,
Bandaríkin og Asíu af þýska fyr-
irtækinu Morr Music sem hefur gef-
ið út síðustu tvær plötur múm. Áður
var múm á mála hjá enska fyrirtæk-
inu FatCat Records og Örvar segir
landslagið í plötuútgáfu hafa verið
allt annað á þeim tíma. „Það seldust
ennþá diskar en eins og staðan er
núna eru allir að reyna að laga sig
að þessum nýja heimi, það veit eng-
inn almennilega hvað er að gerast,“
segir Örvar. Tónleikahald múm hafi
þó verið nokkuð stöðugt frá því önn-
ur plata hennar, Finally We Are No
One, kom út árið 2002.
Titill frá Sin Fang
Smilewound er forvitnilegur
plötutitill og Örvar er beðinn að
segja aðeins frá honum. „Við vorum
mikið að hræra með þetta og kasta
hugmyndum á milli með ýmsu fólki.
Sindri „Sin Fang“ á eiginlega heið-
urinn af titlinum, hann var að snúa
út úr einhverjum hugmyndum sem
við vorum með og ég held að hann
hafi verið að reyna að vera fyndinn.
Okkur fannst þetta passa svo vel,
bæði inn í nafnahefðina hjá okkur -
við erum alltaf með hugmyndir í titl-
unum sem takast á, smá togstreitu –
og þetta var líka einfalt, eitt orð.
Þessi plata er líklega einfaldari en
allar hinar plöturnar okkar og titill-
inn nær að vera jákvæður og bjart-
ur en líka dálítið ofbeldisfullur,
margir textanna fjalla um ofbeldi.“
– Hvers vegna ofbeldi?
„Ég veit það ekki, þetta æxlaðist
þannig núna. Ég er búinn að vera í
kvikmyndafræði í Háskóla Íslands
síðustu þrjú ár, horfa á kvikmyndir
allan daginn og ég áttaði mig á því
að svo mikið af okkar menningu;
skáldsögum, kvikmyndum og um-
ræðum í samfélaginu, snýst um of-
beldi. Mér fannst gaman að skoða
hvernig það teygir anga sína, í
mörgum textanna er fjallað um of-
beldi í hversdagsleikanum.“
– Þið hafið fengið jákvæða dóma
fyrir Smilewound, m.a. í Slant sem
segir hana aðgengilegustu plötu
ykkar til þessa. Ertu sammála því?
„Já, ég held að það geti alveg ver-
ið. Ég veit líka ástæðuna fyrir því.
Síðan við gerðum Go Go Smear the
Poison Ivy, sem var rosalega flókin
plata, 160-70 rásir í hverju lagi og
20-30 hljóðfæri, þá settum við okkur
lítið verkefni, að einfalda músíkina
okkar tímabundið. Það er skemmti-
legt að einfalda hlutina, gerðum það
á Sing Along ... og gengum lengra á
þessari plötu. Þetta er einfaldasta
platan okkar til þessa og ég held að
það skili sér kannski líka í því að
hún sé aðgengileg,“ segir Örvar.
„Einfaldasta platan
okkar til þessa“
 Múm keppir um Norrænu tónlistarverðlaunin í ár
Ljósmynd/Hörður Sveinsson
Múm Hljómsveitin í fyrra, f.v. Samuli Kosminen, Mr. Silla, Gyða Valtýsdótt-
ir, Gunnar Örn Tynes, Hildur Guðnadóttir og Örvar Þóreyjarson Smárason.
Plötuumslagið prýðir málverk
eftir myndlistarmanninn Söru
Riel og segja má að andstæður
mætist í því, líkt og í titlinum.
„Við duttum mjög snemma nið-
ur á þetta, einfalt þríhyrnings-
form sem passaði mjög vel við
músíkina á plötunni, þetta er
einfaldari músík en oft áður og
einföld form. Síðan er þetta
bros vísun í titilinn, þríhyrning-
urinn lítur út eins og bros og
svo eru þessar tennur eitthvað
hrátt, groddalegt og e.k. frum-
mennska í því að sýna tenn-
urnar,“ segir Örvar. Litaþræð-
irnir sem tennurnar hanga vísa
svo í tónlistina, enda litir oft
notaðir til að lýsa tónlist og hún
er litrík þegar múm á í hlut.
Tennur og
litþræðir
PLÖTUKÁPAN
Við bjóðum öll afmælisbörn
velkomin og gefum þeim fría
n
eftirrétt í tilefni dagsins.
afmaeli?
Attu´
Til hamingju!!!
H
ug
sa
sé
r!