Morgunblaðið - 07.03.2014, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 7. MARS 2014
Stórhöfða 21 | sími 545 5500 | flis.is
flottir í flísum
Viðar Guðjónsson
vidar@mbl.is
Komin er á markað sérstök munn-
tóbakssprauta sem ber heitið Mort-
ar. Sprautan er gerð eftir íslenskri
hönnun en framleidd í Kína. Árni
Björn Guðjónsson er einn þriggja
eigenda fyrirtækisins Mortar ehf.
sem hannaði munntóbaksspraut-
una. Að sögn hans kom hún á mark-
að á fimmtudag í síðustu viku og
segir hann söluna framar vænt-
ingum.
Kostar 795 krónur
Eins og stendur er hún eingöngu
til sölu í verslunum N1 en að sögn
Árna hafa margir áhugasamir sett
sig í samband við fyrirtækið.
Sprautan kostar 795 krónur. Árni
segir að tekið hafi verið mið af
plastsprautum, sem seldar eru í
apótekum, við hönnunina.
Sala munntóbaks er óleyfileg á
Íslandi en Árni segir að það hafi
ekki stöðvað fyrirtækið í að hasla
sér völl á þessu sviði. „Mikill meiri-
hluti þeirra sem kaupa íslenskt nef-
tóbak notar það sem munntóbak.
Því er í raun ekki réttnefni að kalla
þetta eingöngu neftóbak,“ segir
Árni. Hann segir að fyrirtækið
stefni að því að fara á markað er-
lendis. Af þeim sökum eru merking-
ar á umbúðum á ensku. Sala munn-
tóbaks hefur til þessa verið leyfð í
Svíþjóð, Noregi og Danmörku af
Evrópulöndum, auk þess að vera
leyfileg í Bandaríkjunum.
Íslensk tóbakssprauta
 Hönnuðu munn-
tóbakssprautu
 Salan sögð góð
Morgunblaðið/Viðar Guðjónsson
Sprauta Mortar er munntóbakssprauta sem er gerð eftir íslenskri hönnun.
Þórunn Kristjánsdóttir
thorunn@mbl.is
„Hægt er að koma tæknikennslu að
innan ólíkra greina skólans, ekki
eingöngu í tölvufræði. Í raun hefur
tæknin áhrif á hvert einasta fag.
Með því að vera vakandi fyrir því
að blanda tækninni inn í kennslu
þá er alltaf sá möguleiki fyrir hendi
að áhugi á tölvugeiranum kvikni.
Hann er langt frá að vera bundinn
við nördalegt fag sem eingöngu er
á færi karlmanna að tileinka sér,“
segir Adda Birnir stofnandi og for-
stjóri fyrirtækisins Skillcrush.
Hún er stödd hér á landi til að
halda fyrirlestur á ráðstefnu Sam-
taka sjálfstæðra skóla. Erindi
hennar nefnist: Hvernig á að hugsa
út fyrir rammann?
Adda Birnir hefur töluverða
reynslu af slíku. Þrátt fyrir ungan
aldur þá hefur hún stofnað tvö fyr-
irtæki og fyrir tæpu ári var hún
valin sú sjöunda á lista Business
Insider yfir 30 áhrifamestu konur í
tæknigeiranum undir þrítugu.
Adda heitir fullu nafni Hallfríður
Adda Birnir. Hún flutti út til Kali-
forníu þegar hún var 10 vikna göm-
ul og hefur verið búsett í Banda-
ríkjunum upp frá því. Hún heldur
þó fast í íslenskar rætur sínar og
er dugleg að rækta frændgarðinn
þegar hún bregður sér til landsins.
Hún útskrifaðist úr Yale-háskól-
anum árið 2007 í ljósmyndun.
Foreldrar hennar eru Inga Dóra
Björnsdóttir, mannfræðingur og
rithöfundur, og Björn Birnir
stærðfræðiprófessor. Bæði hafa ár-
um saman kennt við Kaliforníuhá-
skólann í Santa Barbara sem og við
Háskóla Íslands.
Tími örra tækniframfara
„Það sem er heillandi við
tæknina er hversu gagnvirk hún er.
Hægt er að setja saman efni á fjöl-
breyttan og ólíkan hátt og birta á
netinu. Mér finnst mikilvægt að
sýna fram á hversu skapandi tækn-
in er.“
Adda bendir á að við lifum á tím-
um mikilla tækniframfara og
starfsgreinar þurfi að tileinka sér
þessar nýjungar. Sjálf fékk hún
áhuga á tæknigeiranum í gegnum
starf sitt sem blaðamaður. Það kom
henni á óvart hversu auðvelt það
var að læra inn á tæknimiðlun. „Ég
segi ekki að það hafi verið ofur-
einfalt en ekki eins flókið og ég
hafði gert mér í hugarlund.“
Hún segist vonast til þess að
konur hugsi á þá leið þegar þær
sjá hana í þessu starfi: „Fyrst hún
gat þetta þá hlýt ég að geta það
líka.“
Ótrúleg breyting
á starfsframa
Adda segir að áhrifin sem þetta
hafi haft á starfsferil hennar hafi
vægast sagt verið ótrúleg. Eftir
þetta fór hún að starfa hjá fjöl-
miðlarisum á borð við New York
Times, The Huffington Post og
WNYC. Við þetta stóra stökk
hugsaði hún með sér að fleiri gætu
nýtt sér þetta því hún greindi
brýna þörf fyrir fólk, einkum kven-
fólk, sem byggi yfir tæknikunnáttu.
Úr varð að hún stofnaði sitt annað
fyrirtæki, Skillcrush, sem miðar að
því að efla tæknikunnáttu kvenna.
Adda segir að mikill mannauður
búi innan fjölmiðlafyrirtækja. Hann
þurfi að virkja svo unnt sé að leiða
fyrirtækin áfram í átt að breyttum
tímum í miðlun efnis.
„Ég vonast til að geta fjölgað
kvenmönnum í tæknigeiranum,“
segir Adda og bendir á að hver
kona sem starfar í tæknigeiranum
laðar a.m.k. 5 til 10 aðrar inn í
stéttina. „Það er virkilega hvetj-
andi. Mig langar að fá fleiri konur
til að sitja við þetta borð.“
Spurð út í hvaða merkingu það
hafi fyrir hana að vera í sjöunda
sæti á lista yfir áhrifamestu konur,
segir hún það fyrst og fremst mik-
inn heiður. Og gaman að hafa áhrif
á samfélagið til hins betra.
Efla tæknikennslu í skólum
 Vill fjölga kven-
fólki í tæknigeir-
anum  Skapandi
og skemmtilegt
Morgunblaðið/Ómar
Áhrifakona Adda Birnir er forstjóri Skillcrush sem hún stofnaði sjálf. Hún er búsett í Bandaríkjunum en er stödd
hér á landi til að halda fyrirlestur á ráðstefnu. Erindi hennar nefnist: Hvernig á að hugsa út fyrir rammann?
Adda Birnir er sjöunda áhrifamesta konan í tæknigeiranum undir þrítugu
Hæstiréttur hef-
ur dæmt karl-
mann á sjötugs-
aldri í 12 mánaða
fangelsi, þar sem
níu mánuðir eru
bundnir skilorði,
fyrir kynferð-
isbrot gegn 14
ára pilti. Mað-
urinn keypti
vændi af piltinum fyrir allt að 30
þúsund kr.
Brotin framdi maðurinn í janúar
eða febrúar á árinu 2011. Héraðs-
dómur Vesturlands hafði áður
dæmt manninn í 18 mánaða fang-
elsi en Hæstiréttur taldi töf sem
varð á meðferð málsins ekki rétt-
lætanlega og því yrði refsingin að
hluta bundin skilorði.
Maðurinn hafði í tvö skipti kyn-
ferðismök við piltinn gegn greiðslu,
og án þess að gæta nægjanlegrar
varúðar um aldur hans. Var mann-
inum gert að greiða piltinum 600
þúsund krónur.
Í niðurstöðu dóms héraðsdóms
kom fram að pilturinn hefði verið
að leita leiða til að fjármagna fíkni-
efnaneyslu. Ákærði hefði verið í yf-
irburðastöðu gagnvart honum
vegna aldursmunar og reynslu.
Þyki hann hafa brotið gróflega
gagnvart brotaþola.
Dómur vegna
kynferðisbrots
mildaður vegna tafa
Olíuflutningabíll
frá Skeljungi fór
út af á vest-
anverðri Kleifa-
heiði rétt fyrir
klukkan sjö í
gærkvöldi og
valt á hliðina.
Engin slys urðu
á fólki en bif-
reiðin skemmd-
ist talsvert. Þeir sem vinna að mál-
inu fyrir fyrirtækið fóru á staðinn
og hófu aðgerðir á vettvangi í
gærkvöldi.
Fyrsta skoðun benti til að ekki
læki olía úr tanki bifreiðarinnar,
að sögn Einars Arnar Ólafssonar,
forstjóra Skeljungs.
Unnið var við að losa olíu úr
bílnum og koma fyrir á öðrum
tanki. Að því verki loknu átti að
velta bílnum á hjólin og athuga
betur hvort olía hefði hellst niður.
Gert var ráð fyrir að aðgerðir
myndu standa fram undir morgun.
Einar segir að mjög slæm færð
hafi verið á Kleifaheiðinni þegar
bíllinn fór út af veginum.
Olíuflutningabíll
fór út af Vestfjarða-
vegi á Kleifaheiði
Skillcrush er fyrirtæki sem Adda
Birnir stofnaði árið 2012 ásamt
fleirum. Það sérhæfir sig í nám-
skeiðum þar sem grunnatriði for-
ritunar eru kennd og markhóp-
urinn er einkum kvenfólk.
Námskeiðin eru þriggja vikna
löng og miða að því að bæta við
þá þekkingu sem fólk hefur þegar
öðlast í gegnum nám og störf.
Markmiðið er að efla starfsgetu
fólks á sviði tækniþekkingar. Boð-
ið er upp á námskeið m.a. í html.
Mikið er lagt upp úr samskiptum
við nemendur og kennara.
Hugmyndin að fyrirtækinu
kviknaði þegar Adda sjálf starfaði
sem blaðamaður, þá fékk hún
áhuga á miðlun og á tæknilegu
hliðinni. Í kjölfarið tók starfsferill
hennar stakkaskiptum.
Hægt er að kynna sér námið
frekar á vefsíðunni skillc-
rush.com.
Grunnatriði í forritun kennd
FYRIRTÆKIÐ SKILLCRUSH