Morgunblaðið - 07.03.2014, Blaðsíða 14

SVIÐSLJÓS
Björn Jóhann Björnsson
bjb@mbl.is
Úrslit í hugmyndasamkeppni um
skipulag og hönnun Geysissvæðisins í
Haukadal voru kynnt í gær. Alls bár-
ust 14 tillögur og mikill einhugur var
hjá dómnefndinni um vinningstillög-
una, sem var tillaga Landmótunar.
Nefnist hún „Geysir í Haukadal, hlýir
straumar náttúru og mannlífs.“
Höfundar tillögunnar eru Einar E.
Sæmundsen, landslagsarkitekt,
FÍLA, Guðrún Ragna Yngvadóttir
arkitekt, Jóhann Sindri Pétursson,
mastersnemi í landslagsarkitektúr,
Lilja K. Ólafsdóttir, landslags-
arkitekt, FÍLA, og Yngvi Þór Lofts-
son, landslagsarkitekt, FÍLA, í sam-
starfi við Argos arkitekta, Grétar
Markússon, arkitekt, AÍ, Stefán Örn
Stefánsson, arkitekt, AÍ, og Einar
Ásgeir E. Sæmundsen, landslags-
arkitekt, FÍLA. Ráðgjöf veitti Gag-
arín ehf, margmiðlunarstofa.
Önnur verðlaun hlaut Arkiteó;
Magdalena Sigurðardóttir arkitekt,
Hulda Sigmarsdóttir arkitekt og Ein-
ar Ólafsson, arkitekt, FAÍ.
Þriðju verðlaun hlutu Arkís arki-
tektar ehf., þau Birgir Teitsson, arki-
tekt, FAÍ, og Sara Axelsdóttir arki-
tekt en ráðgjafar við tillögugerð voru
þeir Hermann Ólafsson, landslags-
arkitekt, FÍLA, og Guðjón L. Sig-
urðsson, lýsingarhönnuður, PLDA.
Auk verðlaunatillagna þá keyptu
aðstandendur samkeppninnar
ákveðnar hugmyndir og útfærslur á
svæðinu, t.d. á útsýnisskífu.
Þjóðvegur verði fluttur til
Í áliti dómnefndar um vinnings-
tillögu segir að heildarlausn sé vel út-
færð og að tillagan leysi vel þær for-
sendur sem lagt hafi verið upp með.
„Lega stíganna er raunhæf og til
þess fallin að mynda gott flæði. Upp-
lifunarstígum og útsýnispöllum er vel
fyrirkomið. Sjónlínum er haldið
hreinum og er aðgangur opnaður að
fleiri hverum,“ segir í áliti dómnefnd-
ar. Áhersla tillögunnar var að líta á
hverasvæðið umhverfis Geysi heild-
stætt. Með bættu stígakerfi og áning-
arstöðum ykist öryggi gesta og
tryggði náttúrulega framvindu
hverasvæðisins. Tillagan felur einnig
í sér flutning á þjóðveginum suður
fyrir þjónustukjarnann. Þannig náist
betri tenging milli hverasvæðisins og
þjónustukjarnans og betri og skil-
virkari aðkoma að svæðinu.
Framkvæmdasjóður ferðamanna-
staða veitti Bláskógabyggð 20 millj-
óna króna styrk til þess að efna til
samkeppninnar, sem var haldin í
samvinnu við landeigendur Geysis-
svæðisins og Arkitektafélag Íslands.
Í ávarpi sínu við afhendingu verð-
launa í gær sagði Drífa Kristjáns-
dóttir, oddviti Bláskógabyggðar og
ritari dómnefndar, að með sam-
keppninni hefði verið lagður grunnur
að áframhaldandi vinnu. „Hér hefur
verið lyft grettistaki og það veitir mér
ómælda gleði. Barnið er fætt en nú
þarf að koma því á legg, sinna því og
móta til framtíðar,“ sagði Drífa.
Vonaðist hún til þess að Landeig-
endafélagið og ríkið bæru gæfu til að
taka höndum saman og vinna málið
áfram. Það væri vel hægt nú þegar
ramminn væri kominn og tillögur
lægju fyrir. Drífa hét á ríkisstjórnina
að grípa tækifærið og koma mynd-
arlega að málum og vinna hratt og vel
með Landeigendafélaginu og Blá-
skógabyggð að uppbyggingu Geysis-
svæðisins.
Drífa sagði í samtali við Morg-
unblaðið að gríðarlega mikilvægt
væri að halda verkefninu áfram.
Semja þyrfti við vinningshafann um
áframhaldandi hönnun en miðað við
tillögu Landmótunar væri að hennar
mati hægt að byrja á hluta svæðisins
og vinna verkið síðan í áföngum.
„Hugmyndasamkeppnin og nið-
urstaða hennar er algjör lykill að því
að geta haldið hér áfram. Menn hafa
verið fastir í umræðu um eignarhald
og ég vil ekki einu sinni taka þátt í
umræðu um gjaldtöku á Geysi, það er
bara annað mál. Við viljum bara horfa
á möguleika til að geta byggt Geysis-
svæðið upp, þetta er í fyrsta sinn sem
sá möguleiki liggur fyrir,“ sagði Drífa
við Morgunblaðið.
Grettistaki lyft og barnið fætt
 Landmótun sendi inn bestu tillöguna að uppbyggingu á Geysissvæðinu  Úrslitin kynnt í gær
 Gert ráð fyrir stígum, brúm og útsýnispalli  Lykillinn að því að halda áfram, segir oddvitinn
Vinningstillaga Landmótunar um Geysissvæðið
Tjaldsvæði
Torg
Gönguleið milli tjald-
svæðis og þjónustu
Verslun
Bílastæði
Hótel Geysir
Sleppistæði fyrir rútur
Sleppistæði fyrir rútur
Nýtt torg myndast milli bílastæða
Svæðið sunnan og
austan við Geysi er friðað
og umferð takmörkuð
Timburstígur
Setsvæði
í kringum
Strokk
Tröppustígur
Upplifunarstígur
og tröppur upp að
Konungshver
Áhorfendapallur/
áningarstaður
Upplifunarstígur
og tröppur upp að
útsýnisstað
Allur gróður mun halda
sér með náttúrulegri
framvindu
Möguleg
gönguleiðatenging
við tjaldsvæði
Gönguleiðir eru
afmarkaðar með
leiðurum sem lýsa
upp gönguleiðir
Áningarstaðir úr
timbri fyrir hópa,
upplýsingaskilti og
setbekkir
Áningarstaðir úr
timbri fyrir hópa,
upplýsingaskilti og
setbekkir
Nýr inngangur
Inngangur er látinn
halda sér en skal
lagfærður fyrir
gjaldtöku
Gistiheimili Ný rútustæði
Ný bílastæði
Rútustæði skv. deiliskipulagi
Sísjóðandi
Upplýsingaskilti skal
koma fyrir hjá hvernum
Óþverrishola
Pallur nær að honum svo hægt
sé að virða hann fyrir sér
Blesi
Útsýnispallur er
ofan við hverinn
ÚTSÝNISSKÍFA
Timburpallur
ÚTSÝNISPALLUR OG
MARGMIÐLUNARSKÁLI
Útsýnispallur og/eða skáli
verður fyrir ofan Geysir
Konungshver
Tvíburapallar liggja
um hverinn
Móri
Smiður
Litli Strokkur
Vigdísarhver
Litli Geysir
Strokkur
Geysir
Þykkvuhverir
Sóði
Upplifun -
göngustígur
liggur yfir hverinn
Tölvumynd/Landmótun
Vinningstillaga Svona gæti Geysissvæðið litið út, með timburstígum og brú.
14 FRÉTTIRInnlent
MORGUNBLAÐIÐ FÖSTUDAGUR 7. MARS 2014
Formaður dómnefndar í hug-
myndasamkeppninni var Hall-
dóra Vífilsdóttir, arkitekt og að-
stoðarforstjóri Framkvæmda-
sýslu ríkisins. Aðrir í dómnefnd
voru Birgir Þröstur Jóhannsson
arkitekt, FAÍ, Pétur Ingi Haralds-
son skipulagsfulltrúi, fulltrúi
Bláskógabyggðar, Sigurður Más-
son, fulltrúi Landeigendafélags
Geysis ehf., og Ulla Rolfsigne
Pedersen landslagsarkitekt,
FÍLA. Drífa Kristjánsdóttir, odd-
viti Bláskógabyggðar, var ritari
dómnefndar.
Allar innsendar tillögur verða
til sýnis á Geysi í Haukadal.
Þau voru í
dómnefnd
GEYSISSVÆÐIÐ
Hátúni 6a • 105 Rvk • Sími 552 4420 • fonix.is
ELDHÚSTÆKI