Morgunblaðið - 07.03.2014, Blaðsíða 21

Peking. AFP. | Kínverskir fjölmiðlar
hafa leitast við að réttlæta aukin út-
gjöld Kína í varnarmálum og segja
engum stafa ógn af aðgerðunum,
þvert á móti stuðli þær að heimsfriði.
Kínversk stjórnvöld tilkynntu á mið-
vikudag að þau hygðust hækka út-
gjöld til hersins um 12,2% á þessu
ári, í 132 milljarða Bandaríkjadala,
en ákvörðunin hefur mætt mikilli
gagnrýni, einkum í Japan og Banda-
ríkjunum.
„Kína hefur engar fyrirætlanir um
að kollvarpa ríkjandi öryggismynstri
í heiminum,“ sagði í leiðara Global
Times, sem hefur sterk tengsl við
Kommúnistaflokkinn. „Kína mun
aldrei sækjast eftir yfirráðum.“ Í
China Daily, sem rekið er af hinu op-
inbera, sagði m.a. að þörf væri á
hernaðarlega sterkara Kína en að
mála mynd af Kína sem kúgara væri
algjörlega á skjön við raunveruleik-
ann.
Eyða þrefalt á við Tókýó
Aukin útgjöld Kínverja til her-
mála og aukinn máttur þeirra á því
sviði hafa vakið stjórnvöldum í
Bandaríkjunum og Asíu ugg en tals-
maður japönsku ríkisstjórnarinnar,
Yoshihide Suga, sagði á miðvikudag
að skortur á gegnsæi hvað varðaði
fjárútlát Kínverja til varnarmála
væri alþjóðasamfélaginu áhyggju-
efni.
Japanska dagblaðið Asahi Shimb-
un vakti m.a. athygli á því í gær að
útgjöld Kína væru þreföld útgjöld
stjórnvalda í Tókýó. „Það dregur
ekki úr þenslu kínverska hersins,“
sagði í leiðara blaðsins. „Hver er til-
gangur þess að hraða hernaðar-
þenslunni? Það kemur ekki á óvart
að alþjóðasamfélagið hefur þungar
áhyggjur.“
Ekkert ríki í heiminum ver meiru
til varnarmála en Bandaríkin en
áætluð útgjöld landsins 2014 nema
633 milljörðum Bandaríkjadala.
Skýrendur segja hins vegar að raun-
veruleg útgjöld Kína vegna hermála
séu mun hærri en þarlend stjórnvöld
gefa upp.
Réttlæta aukin út-
gjöld til varnarmála
 Segja enga ógn stafa af Kína  Japanir hafa áhyggjur
AFP
Eldur Hugdjarfur kínverskur hermaður á heræfingu í Heilongjiang-héraði.
Eyðsla
» Samkvæmt Global Times
telja Kínverjar að útgjöld þeirra
til varnarmála ættu að nema
helmingi eða tveimur þriðju af
útgjöldum Bandaríkjanna.
» Þá eigi Kína að standa Jap-
an framar hvað þetta varðar,
þar sem Japanir standi í skjóli
Bandaríkjamanna.
FRÉTTIR 21Erlent
MORGUNBLAÐIÐ FÖSTUDAGUR 7. MARS 2014
i d e x . i s – s í m i 4 1 2 1 7 0 0
Með samsettu Larson álklæðningunum frá Alucoil færð þú það sem þú ert að
leita að - slétta álklæðningu sem lítur ekki út eins og sjórekin olíutunna.
Larson álklæðningarnar sameina styrk, léttleika og umfram allt eru þær sléttar.
Helstu kostir:
u Eldþolnar
u Léttar og sléttar
u Einstakt veður– og efnaþol
u Burðarkerfi sem henta mismunandi verkefnum
u Hávaða– og hitaeinangrun
u Umhverfisvænar ( endurvinnanlegt efni )
u Fjöldi lita og efnisáferða
u Allt að 20 ára ábyrgð
ÞEGAR SLÉTT SKAL VERA SLÉTT
Stjórnendur Legoland í Bretlandi
hafa ákveðið að loka hóteli staðarins
um næstu helgi, eftir að hægri öfga-
menn höfðu í hótunum við skemmti-
garðinn fyrir að hafa bókað fjöl-
skyldudag fyrir múslíma.
Hótelið var tekið á leigu af Muslim
Research and Development Founda-
tion og var von á 1.000 fjölskyldum
til dvalar yfir helgina. Legoland af-
bókaði hópinn hins vegar í síðustu
viku, í kjölfar þess að fjöldi hótana
barst í gegnum Facebook-síðu stað-
arins frá ónafngreindum „hægri-
hópum“.
Legoland hefur ekki gefið upp um
hvaða hópa var að ræða en eftir að
hafa haft samráð við skipuleggj-
endur fjölskyldudagsins og lög-
regluyfirvöld, var ákveðið að loka
hótelinu yfir helgina.
Áður en viðburðinum var aflýst
sagði bloggari og félagi í Breska
þjóðarflokknum að Legoland ætti að
„skammast sín fyrir að beygja sig
fyrir þessum múslímum“.
Öryggi í fyrirrúmi
„Legoland Windsor-skemmtigarð-
urinn hefur neyðst til þess að loka
hótelinu laugardaginn 8. og sunnu-
daginn 9. mars 2014 eftir hótanir frá
hægrihópum,“ sagði talskona Lego-
land. „Velferð og öryggi gesta okk-
ar og starfsfólksins er fremst í for-
gangsröðinni og þess vegna höfum
við tekið þá erfiðu ákvörðun að loka
hótelinu,“ sagði hún.
Lögregluyfirvöld sögðu að móðg-
andi og ógnandi skilaboð yrðu ekki
liðin og að rannsakað yrði hvort ein-
hver brot hefðu verið framin.
AFP
Legoland Lögregla hefur Facebook-hótanirnar nú til rannsóknar.
Hótelinu lokað
í kjölfar hótana
 Bókuðu fjölskyldudag múslíma