Morgunblaðið - 07.03.2014, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 7. MARS 2014
Kringlan / Sími 533 4533
Nýjar vörur
töskur
skart
klútar
slæður
kimono
föt
BAKSVIÐ
Baldur Arnarson
baldura@mbl.is
Sú ákvörðun að loka NA-SV-
brautinni á Reykjavíkurflugvelli er
þvert á samkomulag borgar, ríkis og
Icelandair Group um að leiða flugvall-
armálið til lykta í sátt.
Þetta er mat Friðriks Pálssonar,
formanns samtakanna Hjartans í
Vatnsmýrinni.
Eins og rakið
var í Morgun-
blaðinu í gær er
stefnt að því að
hefja fram-
kvæmdir við 850
íbúðir á Valssvæð-
inu við Hlíðarenda
fyrir árslok, en
forsenda fram-
kvæmdanna er sú
að NA-SV-brautin
verði aflögð. Hyggjast Valsmenn
krefjast bóta ef verkið tefst.
Vilji flugvöllinn í burtu
Friðrik telur áformin hluta af
stærri kapli. „Ákafi [Dags B. Egg-
ertssonar] formanns borgarráðs við
að koma Reykjavíkurflugvelli úr
Vatnsmýrinni er löngu þekktur. Nú
skal þrengt að flugvellinum smátt og
smátt með því að skipuleggja byggð
hér og þar í kringum hann þangað til
að hægt verði að lýsa því yfir að hann
standist ekki lengur kröfur sem Al-
þjóðaflugmálastofnunin og íslenskar
reglugerðir gera til flugvalla. Skellt
er skollaeyrum við áskorun nærri
70.000 landsmanna um að tryggja
flugvellinum framtíð í Vatnsmýrinni
og nú síðast er hagsmunum íbúa
borgar og landsins alls ýtt til hliðar til
að tryggja hagsmuni eins af knatt-
spyrnufélögum borgarinnar og aðila
tengdra því.
Ekkert nýtt hefur komið fram sem
réttlætir að m.a. ríkinu sé nú stillt
upp við vegg og því hótað fjárútlátum
ef ekki verði orðið við þeim kröfum
Valsmanna að hefja þegar í stað
byggingar á Hlíðarendareit. Ef borg-
in hefði haft minnsta áhuga á því á
undanförnum árum að reyna að
tryggja í sessi framtíð almannaflugs
og sjúkraflugs og mikilvæga atvinnu-
starfsemi á Reykjavíkurflugvelli
hefði hún auðveldlega getað leitað
eftir breytingum á skipulagi Hlíðar-
endareits, svo öryggisbrautin gæti
áfram sinnt hlutverki sínu. Nú sést
loks í snjáldrið á úlfinum í gegnum
sauðargæruna og sú pressa sem
Valsmenn setja á Reykjavíkurborg
er borgaryfirvöldum kærkomin.“
Hugur fylgi ekki máli
Friðrik heldur áfram: „Þarna er að
mati formanns borgarráðs stundin til
að lýsa því yfir að byggð sé hafin í
Vatnsmýrinni, eins og hann gerði á
fagnaðarfundi með Valsmönnum í
fyrradag. Því var fagnað án nokkurs
fyrirvara um framtíð neyðarbrautar.
Innanríkisráðherra, borgarstjóri
og forstjóri Icelandair Group ehf.
skrifuðu nefnilega undir samkomulag
um að koma á fót nefnd Rögnu Árna-
dóttur til að leiða flugvallarmálið til
lykta. Ég vonaði í byrjun, að hugur
fylgdi þar máli hjá öllum samnings-
aðilum. Hins vegar kom fljótt í ljós að
svo var ekki. Í bréfi frá innanrík-
isráðuneytinu til ISAVIA 30. desem-
ber sl. segir orðrétt og er meira að
segja feitletrað í bréfinu: „Rétt er að
ítreka að flugbrautinni skal þó ekki
lokað eða aðrar ákvarðanir teknar
sem leiða til þess að flugbraut 06/24
verði tekin úr notkun á meðan verk-
efnastjórn, sem nú starfar undir for-
ystu Rögnu Árnadóttur, skv. sam-
komulagi ríkisins, Reykjavíkur-
borgar og Icelandair Group, er enn
að störfum og ákvörðun á grundvelli
tillagna hennar liggur ekki fyrir.“
Af orðum og gerðum forsvars-
manna Reykjavíkurborgar undan-
farið er ljóst, að þeir hyggjast ekki
taka mikið mark á þessu bréfi ráðu-
neytisins. Það hefur Hjartað í Vatns-
mýrinni gert og aðrir þeir aðilar
sem í góðri trú hafa skipað fólk í
baknefnd Rögnunefndarinnar til að
vinna heils hugar að lausn á þessu
áratuga deilumáli sem staðsetning
Reykjavíkurflugvallar er.“
„Nú sést loks í snjáldrið á úlfinum“
Morgunblaðið/RAX
Reykjavíkurflugvöllur úr lofti í gær Hluti norðaustur-suðvesturbrautarinnar er fyrir miðri mynd. Hluti hennar
var hulinn snjó og nær hún til Skerjafjarðar. Innanríkisráðherra boðar lokun brautarinnar fyrir árslok.
 Formaður samtakanna Hjartans í Vatnsmýri segir borgina hafa að engu 70.000 undirskriftir
 Lokun öryggisbrautar sé liður í stærri áætlun um að þoka flugvellinum burtu úr Vatnsmýrinni
Baldur Arnarson
baldura@mbl.is
„Við stefnum að því að vera búin að
gefa út fyrir mánaðarlok hvaða kost-
ir verða fullkannaðir. Við höfum
tíma út árið til þess að leggja fram
niðurstöðu og skýrslu,“ segir Ragna
Árnadóttir, formaður stýrihóps um
könnun valkosta fyrir framtíðarlegu
flugvallar á höfuðborgarsvæðinu.
Spurð um gagnrýni forstjóra Ice-
landair Group svarar Ragna svo:
„Við höfum ákveðið að taka ekki
afstöðu til lokunar norðaustur-
suðvesturbrautarinnar. Það fellur
ekki innan okkar verksviðs að taka
afstöðu til brautarinnar. Hins vegar
höfum við lagt áherslu á að við fáum
nauðsynlegt svigrúm til þess að
sinna því verkefni sem okkur var fal-
ið. Í því sambandi höfum við orðið
sammála um ákveðnar forsendur.
Ég treysti því að það verði staðið
þannig að málum að við fáum að
ljúka okkar verkefni. Það er að full-
kanna flugvallarkosti á höfuðborg-
arsvæðinu. Við höfum orðið ásátt um
að nýjar útfærslur á flugvelli í
Vatnsmýri verði ekki útilokaðar.“
Matthías Sveinbjörnsson, fulltrúi
Icelandair í hinum sameiginlega
stýrihópi ríkisins, Reykjavíkur-
borgar og Icelandair Group, segir
tímasetningu tilkynningar um fyrir-
hugaða uppbyggingu á Valssvæðinu
hafa komið á óvart.
Áformin ekki í anda vinnunnar
„Við höfum rætt þetta innan
nefndarinnar, þ.e.a.s. að það hafi
staðið til að breyta deiliskipulagi og
hefja framkvæmdir á Valssvæðinu.
Það hefur komið fram að nefndin
vilji fá svigrúm til að vinna, að það sé
ekki verið að þrengja að flugvallar-
svæðinu og ganga á mögulega kosti
meðan sú vinna stendur yfir. Þessi
áform eru ekki í anda þess. Þarna er
enda verið að ganga inn á öryggis-
svæði sem gæti hugsanlega nýst í
nýrri útfærslu vallarins.“
Valkostir verða
kynntir í mars
 Fulltrúar stýrihóps vilja vinnufrið
Ragna
Árnadóttir
Matthías
Sveinbjörnsson
Björgólfur Jóhannsson, forstjóri
Icelandair Group, gagnrýnir að
Reykjavíkurborg skuli hafa greint
frá lokun NA-SV-brautarinnar áður
en stýrihópurinn lýkur störfum.
„Það kemur mér mjög á óvart
hvernig Reykjavíkurborg hefur
haldið á þessum málum og látið í
veðri vaka að það sé ekki annar
valkostur fyrir Vatnsmýrina en ein-
hvers konar uppbygging með
blandaðri byggð. Flugvöllurinn sé
sem sagt ekki valkostur í Vatns-
mýri. Það er alls ekki í þeim takti
sem við fórum af stað í þetta verk-
efni. Það er hreint með ólíkindum
að sjá borgina vinna í þessa átt, á
sama tíma og Icelandair Group og
vonandi ríkið eru heilshugar að
vinna að úttekt á valkostum fyrir
innanlandsflug með tilheyrandi
kostnaði. Auðvitað hefur maður
velt því fyrir sér hver sé þá tilgang-
urinn að vera í þessari vinnu.“
Er þetta málamyndagerningur?
„Allavega sýnist manni það mið-
að við hvernig málum er háttað
núna. Manni sýnist sem nefndin sé
í raun aðeins málamyndagerningur
og e.t.v. leið til þess að losna við
umfjöllun um málið fyrir kosningar
á komandi vori. Allir heilvita menn
sjá að borgin er ekki að vinna
í þessari nefnd með það í
huga að það sé valkostur
að Vatnsmýrin sé miðstöð
innanlandsflugs fyrir
Reykjavík.“
Framganga borgarinnar með ólíkindum
FORSTJÓRI ICELANDAIR GROUP GAGNRÝNIR BORGINA
Björgólfur
Jóhannsson
Friðrik
Pálsson