Morgunblaðið - 11.03.2014, Qupperneq 4

4 FRÉTTIRInnlent
MORGUNBLAÐIÐ ÞRIÐJUDAGUR 11. MARS 2014
Guðni Einarsson
gudni@mbl.is
„Það hefur verið þreytandi tíðarfar
í vetur og lítil sýn til fjalla. Þetta
hefur verið leiðinlegur vetur,“ sagði
Sigríður Hallgrímsdóttir, húsmóðir
á Grímsstöðum á Fjöllum. Hún hef-
ur átt heima þar í 39 ár og er gift
Braga Benediktssyni bónda. Þau
eru með nokkrar kindur fyrir heim-
ilið. Féð hefur verið á gjöf frá því
um miðjan september.
„Mér finnst þetta hafa verið leið-
inlegur vetur. Maður hefur lítið séð
til sólar. Alltaf skafrenningur, úr-
koma eða éljagangur. Það er kom-
inn mikill snjór þótt oft hafi hann
verið meiri eins og seinni partinn í
fyrra vetur. Nú eru gríðarlegir
skaflar við hús og víðar.“ Sigríður
sagði að tíðarfarið hefði verið
óstöðugt frá því um miðjan desem-
ber og legið í austanáttum. Vetur-
inn kom um miðjan september með
áhlaupi. Eftir það kom ágætur kafli
þar til leiðindin byrjuðu. Síðan hef-
ur varla dúrað og ekki komið hæg-
viðriskaflar inn á milli.
Sem kunnugt er hafði Huang
Nubo hug á að byggja upp aðstöðu
fyrir ferðamenn og gera golfvöll á
Grímsstöðum. Líklega viðrar ekki
vel nú til að iðka þar golf?
„Nei, ekki eins og er,“ sagði Sig-
ríður. „Það væri margt annað
betra, held ég.“
Erfitt hefur verið að komast af
bæ vegna ófærðarinnar og reyndar
gerir hún fólki erfitt fyrir um flest,
að sögn Sigríðar. Afleggjaranum að
bænum er ekki haldið opnum. Þau
Bragi eiga öflugan jeppa á stórum
dekkjum og nota hann til að komast
út á þjóðveg. „Svo reynir maður að
vera ekki mikið á ferðinni í svona
tíðarfari,“ sagði Sigríður.
Ferðamenn í hrakningum
Ferðaþjónusta og gisting er á
Grímsstöðum. Fáir koma vegna
ófærðarinnar. Ferðamenn hafa lent
í hrakningum undanfarið í ná-
grenni Grímsstaða. Á sunnudaginn
var dró Bragi til dæmis lausa tvo
bíla sem fastir voru í sköflum á
þjóðveginum. Vegurinn var lokaður
en ökumennirnir fóru hann samt.
Sigríður sagði að um tíma hefðu
komið allmargir góðir vetur og það
kunni að sitja í fólki. Nú finnst
henni tíðarfarið vera farið að líkjast
því sem hún man frá því á árum áð-
ur – alvöru snjóavetur.
Ljósmynd/Bragi Benediktsson
Grímsstaðir á Fjöllum Veturinn hefur verið erfiður á Fjöllum. Skafrenningur, úrkoma eða éljagangur hefur verið flesta daga frá miðjum desember.
Viðrar ekki vel fyrir golf
 Veturinn hefur verið erfiður á Grímsstöðum á Fjöllum  Ófærð og leiðinda-
veður frá því í desember  Alvöru snjóavetur eru komnir aftur eftir nokkurt hlé
Ljósmynd/Bragi Benediktsson
Farið í fjárhúsin Sigrún Arnarsdóttir, barnabarn hjónanna á Grímsstöðum,
og Anna Bragadóttir, móðir hennar, komu í heimsókn og litu í fjárhúsin.
Þórunn Kristjánsdóttir
thorunn@mbl.is
Forinnritun til náms í framhaldsskóla er hafin og verður
til 11. apríl, fyrir nemendur í 10. bekk grunnskóla, fædda
árið 1998 eða síðar. Nemendum og foreldrum mun berast
bréf með veflykli að innritunarvef þar sem skráningin fer
fram. Þó hafa nemendur í 10. bekk frest til að sækja um
nám eða breyta umsókn úr forinnritun til 10. júní.
4.271 nemandi tók samræmd próf í 10. bekk síðastliðið
haust. Ætla mætti að þessi fjöldi, auk annarra nemenda
sem ekki þreyttu samræmt próf, sækti um nám í fram-
haldsskólum landsins. Inntökuskilyrðin eru mismunandi
eftir skólum og brautum innan skólanna. Þær upplýs-
ingar er að finna á heimasíðum þeirra.
Forgangsraðað eftir einkunnum
Réttur nemenda á svokölluðum heimaskóla er fyrir-
komulag sem er ekki lengur við lýði. Nú er skólum í
sjálfsvald sett hvernig þeir haga inntöku nemenda í skól-
ann, en reglur þar að lútandi og inntökuskilyrði sem skól-
arnir setja er að finna á heimasíðum hvers skóla. Hins
vegar er það svo að sumir skólar eyrnamerkja tiltekinn
fjölda inntökuplássa nemendum úr sínu hverfi, sam-
kvæmt upplýsingum frá Námsmatsstofnun. Forsendan
er þó sú að nemendurnir sæki um skólavist hjá skólanum,
en þeim er þá forgangsraðað inn í þessi pláss eftir ein-
kunnum. Þeir komast jafnvel inn þrátt fyrir að vera með
lægri einkunn en þeir nemendur sem sækja um skólavist
en eru ekki í hverfinu.
Ljóst er að það komast ekki allir nemendur í þá skóla
sem þeir sækja um. Í fyrra voru það u.þ.b. 100 nemendur
af 4.143, rétt rúmlega 2%, sem ekki komust í skóla sem
þeir sóttu um. Þeim var úthlutað skólavist í einhverjum
þeim skólum sem áttu laus pláss að loknu innritunarferl-
inu eða höfðu svigrúm til að taka við þeim, samkvæmt
upplýsingum frá Námsmatsstofnun.
Undanfarin ár hefur Verslunarskóli Íslands verið á
meðal eftirsóttustu skólanna. VÍ tekur um 308 nemendur
inn í 3. bekk (fyrsta árið). Um inntökuskilyrði á heima-
síðu skólans segir að nemendur verði að hafa náð að lág-
marki 6,0 í einkunn í hverri grein. Einnig stendur: „Bent
skal á að nám við Verzlunarskólann er kröfuhart og
reynslan sýnir að nemendum með einkunn undir 7,0 í ís-
lensku og stærðfræði hefur ekki vegnað vel í skólanum.“
Þá er einnig tilgreint að ákveðinn fjöldi nemenda verð-
ur tekinn inn á grundvelli annarra þátta.
Forinnritun hafin
í framhaldsskólana
 Sumir skólar eyrnamerkja tiltekin pláss fyrir nemendur
Morgunblaðið/Eyþór
Skólar Sl. haust þreytti 4.271 nemandi samræmt próf,
ætla má að stór hluti sæki um framhaldsskólanám.
Ferðafélag Íslands
Mörkinni 6 | 108 Reykjavík | S: 568 2533 | www.fi.is
Aðalfundur
Ferðafélags Íslands
verður haldinn þriðjudaginn 18. mars
kl. 20 í sal FÍ Mörkinni 6.
Hefðbundin aðalfundarstörf.
Stjórnin.
Sérstakur sak-
sóknari hefur
ákært Lyf og
heilsu hf. og tvo
karlmenn á sex-
tugsaldri, þá Karl
Emil Wernersson
og Guðna Björg-
vin Guðnason,
fyrir meiriháttar
brot gegn ársreikningalögum. Karl
var stjórnarformaður og fram-
kvæmdastjóri fyrirtækisins frá 1.
september 2010 en Guðni var fram-
kvæmdastjóri þess til 31. ágúst 2010.
Mennirnir eru sakaðir um að hafa
vanrækt að standa skil á ársreikn-
ingum hlutfélagsins á lögmæltum
tíma. Karl vegna áranna 2008, 2009
og 2010 en Guðni vegna áranna 2008
og 2009.
Fram kemur í ákærunni, sem var
gefin út 20. febrúar sl., að brot
mannanna varði við 2. mgr. 262. gr.
almennra hegningarlaga og brot fyr-
irtækisins við ákvæði laga um árs-
reikninga. Þess er krafist að ákærðu
verði dæmd til refsingar og til
greiðslu alls sakarkostnaðar.
Meint brot á
lögum um
ársreikninga
 Sakamál gegn
Lyfjum og heilsu
Karlmaður sem kom hingað til lands
23. febrúar án vegabréfs, farseðils,
fjár til að fjármagna dvölina og allra
skilríkja hefur verið úrskurðaður í
farbann til 3. apríl næstkomandi.
Maðurinn er grunaður um að afla
sér fjár með lögbrotum.
Maðurinn er grunaður um líkams-
árás og þjófnaði á töskum gesta á
veitingastöðum í miðborg Reykja-
víkur. Líkamsárásin átti sér stað að
kvöldi 4. mars í Reykjavík. Mað-
urinn neitar árásinni og var kröfu
lögreglustjórans á höfuðborgar-
svæðinu um gæsluvarðhald yfir hon-
um hafnað í héraðsdómi.
Úrskurðaður
í farbann
Lögreglan á höfuðborgarsvæðinu lagði hald á um hálft
kíló af kannabisefnum við húsleit á tveimur stöðum í
austurborginni í síðustu viku. Karl á þrítugsaldri var
handtekinn en efnin fundust á heimili hans og í bílskúr
sem hann hefur til umráða annars staðar. Á heimili
mannsins var einnig lagt hald á talsvert af peningum,
sem taldir eru vera tilkomnir vegna fíkniefnasölu.
Í óskyldu máli, einnig í austurborginni, stöðvaði lög-
reglan kannabisræktun og lagði hald á tæplega 30
kannabisplöntur. Karl á sjötugsaldri var yfirheyrður en
í híbýlum hans var mikið af búnaði til ræktunar.
Hald lagt á hálft kíló af kannabisefnum
Kannabis Ræktun
var stöðvuð.