Morgunblaðið - 14.03.2014, Blaðsíða 54

54 MENNING
MORGUNBLAÐIÐ FÖSTUDAGUR 14. MARS 2014
Einar Falur Ingólfsson
efi@mbl.is
Nú er kannski kominn tími til að leið-
rétta gamlan misskilning,“ segir leik-
arinn og myndlistarmaðurinn Tómas
Lemarquis þegar hann er spurður
hvernig standi á því að hann sé aftur
valinn til að leika albínóa. Tómas
vakti fyrst athygli
á hvíta tjaldinu
þegar hann lék
Nóa í kvikmynd
Dags Kára, Nóa
albínóa. Síðan
hefur hann tekist
á við ýmis hlut-
verk í kvikmynd-
um en leikur nú
aftur mann sem
kallaður er „Alb-
ínóinn“ í nýrri
bandarískri spennumynd, 3 Days to
Kill, sem nú er sýnd hér á landi, með
stjörnuleikaranum Kevin Costner.
Costner leikur launmorðingja á
vegum ríkisstjórnarinnar sem fær að
vita að hann sé með banvænan sjúk-
dóm. Hann segir starfi sínu lausu til
að verja síðustu ævidögunum með
fjölskyldunni en þegar ríkisstjórnin
býður honum nýtt lyf sem gæti
bjargað lífi hans, í skiptum fyrir eitt
lokaverkefni, getur hann ekki neitað
– þó að það þýði að hann þurfi að elt-
ast við hættulegasta hryðjuverka-
mann í heimi.
Út fyrir þægindarammann
„Nói rímar við albínói og því hefur
hann þetta viðurnefni í myndinni,“
útskýrir Tómas. „En hann sker sig
úr fjöldanum og því felst ákveðinn
symbólismi í viðurnefninu. En hann
er ekki albínói.
Það má segja að þetta sé líka við-
urnefni í 3 Days to Kill. Yfirmaður
minn er kallaður The Wolf – ekki „of
Wall Street!“ eða Úlfurinn og ég
Albinóinn. En við fórum ekkert út í
það að reyna að láta mig á nokkurn
hátt líkjast alvörualbínóa. Ég er
einnig kallaður „pale face“ eða föla
andlit.“
Tómas bætir við að persónurnar í
þessum tveimur kvikmyndum séu
eins og svart og hvítt, og það séu
kvikmyndirnar sjálfar líka.
„Leikarar eru eins og svampar
sem drekka í sig og aðlagast um-
hverfinu. Ég er alltaf sá sami en þó
ekki, því allt umhverfis mig er ólíkt
hverju sinni. Sagan og stíllinn sem
myndin er gerð í kalla fram ólíka
þætti sem allir leynast samt í
manni,“ segir hann um starf leikar-
ans. „Nói er næmt lítið blóm sem er
misskilinn af umhverfi sínu meðan
þessi persóna er kaldrifjaður sadisti
sem misskilur umhverfi sitt. Sem
leikari reynir maður að kryfja þann
misskilning eða hugsanavillu. Það er
mjög heillandi að setja sig í spor kar-
akters, því maður verður að fara út
fyrir eigin þægindaramma og geta
fundið til með einhverjum sem er
jafnvel að upplagi mjög ólíkur manni
sjálfum. Sú vinna felur í sér krufn-
ingu á eigin tilfinningum, sem er
mjög áhugaverður fylgifiskur leik-
arastarfsins.“
Byrjar með góðu handriti
Tómas segir að það sé að ýmsu
leyti mikill munur á því að vera þátt-
takandi í íslenskri kvikmyndagerð og
stórum erlendum kvikmyndum.
„Samt þurfa allir sömu grunn-
þættirnir að vera fyrir hendi, á hvaða
skala sem kvikmyndin er. Það byrjar
með góðu handriti og svo koma hæfi-
leikar þeirra sem taka þátt – engir
peningar geta breytt því.“
Hann segir hvort tveggja hafa sína
kosti og galla. „Það er frábært að
geta haft næga peninga til að láta allt
líta vel út með öllum bestu græjun-
um. En þá getur líka verið erfiðara
að halda utan um allt batteríið þegar
fleiri tugir og jafnvel hundruð manna
eru á settinu. Þá þarf þeim mun
betra skipulag og aga til þess að fók-
usinn tvístrist ekki.
Annars hafa báðar „stórmynd-
irnar“ sem ég hef tekið þátt í með
Hollywoodleikurum ekki verið raun-
verulegar Hollywoodmyndir. 3 Days
to Kill kemur úr smiðju [franska
leikstjórans og handritshöfundarins]
Lucs Bessons og var tekin í Frakk-
landi og Serbíu en er meðframleidd
af Relativity Media sem er reyndar í
Hollywood. Og Snowpiercer“ – kvik-
mynd sem Tómas lék í ásamt leik-
urum á borð við Tildu Swinton og
Jamie Bell og var frumsýnd í fyrra –
„var tekin upp í Prag, að mestu fyrir
kóreskan pening.“
Tómas var ellefu daga í tökum fyr-
ir þessa mynd, í París og Belgrad.
Útlitið er styrkur
Gegnum árin hefur því heyrst
fleygt að Kevin Costner sé ekki alltaf
auðveldur í samstarfi en Tómas
kannast ekki við það.
„Mín reynsla af honum er mjög
góð. Mikill fagmaður,“ segir hann.
„Svo er annað, að hann er í grunninn
leikstjóri og hafði skoðanir á mörgu,
það gætu sumir flokkað sem „ekki
auðvelt“. Fólk er oft hrætt við þá
sem hafa sjálfstæðar skoðanir. Að
það eigi bara að hlýða yfirmanninum.
En fyrir mér er það skylda leikarans
að kryfja allt svo vel að ekki sé pláss
fyrir eitthvað óljóst eða eitthvað sem
ekki gengur upp. Í lok dagsins er það
leikarinn sem fólk mun horfa á en
ekki leikstjórinn.
Mér finnst að í öllum tilfellum
verði leikstjórinn að stjórna en leik-
arinn ber líka sína ábyrgð.“
Þegar Tómas er spurður hvort
hann lendi mikið í að vera boðið svip-
uð hlutverk, eða að leika svipaða kar-
aktera, segir hann sitt sérstaka útlit
vera bæði veikleika og styrk. „Ég hef
þó kosið að gera það alfarið að styrk
mínum í seinni tíð. Ef ég myndi alltaf
fókusera á öll þau hlutverk sem ég
get ekki fengið myndi lítið gerast.
Maður verður að búa til heiminn
sem maður lifir í, ekki vera fórnar-
lamb hans.
Fyrir tíu árum hefði fólk hlegið ef
því hefði verið sagt að rauðhærður
fyrrverandi pönkari og núverandi
grínari yrði borgarstjóri. Í dag þykir
það ekkert athugavert. Það er okkar
sem erum fyrir utan kassann að
þenja hann út svo að fleiri og fleiri
rúmist í kassanum – uns allur heim-
urinn kemst í hann.
Ég vil trúa því að ég geti búið mér
til heim þar sem ég leik sem ólíkasta
karaktera, þar sem allur tilfinninga-
skalinn nýtist. En það má ekki
gleymast að hlutverk vondu kallanna
eru oft þau skemmtilegustu …“
Tómas er menntaður myndlistar-
maður en segir að því miður hafi
hann lítið getað sinnt myndlist upp á
síðkastið. Hann hafi þó stundum ein-
beitt sér að henni um tíma, þótt eng-
in sýning sé í farvatninu. „Það er
bara svo nærandi að skapa. Í hvaða
formi sem það er. Þorvaldur Þor-
steinsson heitinn var þar fremstur
meðal kennara minna, hvað sköpun-
ina varðar, og verð ég honum ævin-
lega þakklátur fyrir það.“
Þegar rætt er við Tómas er hann
staddur í Los Angeles og verður þar
í tvo og hálfan mánuð.
„Ég hef verið að hitta umboðs-
menn og aðra slíka. Svona að reyna
að hamra járnið á meðan það er
heitt. Hér í englaborginni er heill
aragrúi af spennandi fólki í öllum
sínum ólíku birtingarmyndum. Allt
frá mjög fátækum yfir í mjög ríka.
Mjög innilegt og mjög yfirborðs-
kennt. Öll flóran samankomin á ein-
um stað – hvað getur leikari beðið
um meira?“ segir hann.
Persónan er kaldrifjaður sadisti
 Tómas Lemarquis leikur með Kevin
Costner í kvikmyndinni 3 Days to Kill
Ljósmynd/Julian Torres
Illmennið „Mikill fagmaður,“ segir Tómas um stjörnuleikarann Kevin Costner, sem hann situr hér á við tökur.
Tómas
Lemarquis
PÖNTUNARFRESTUR AUGLÝSINGA:
fyrir kl. 16 mánudaginn 31. mars.
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
Brúðkaupsblaðið
Föstudaginn 4. apríl
kemur út Brúðkaupsblað
Morgunblaðsins
SÉRBLAÐ
Fatnaður fyrir brúðhjónin,
förðun og hárgreiðsla,
brúðkaupsferðin, veislu-
matur, veislusalir og
brúðargjafir verða meðal
efnis í blaðinu.
-Meira fyrir lesendur
Ragnheiður – ópera eftir
Gunnar Þórðarson
og Friðrik Erlingsson
NÝ SÝNING
SUNNUDAGINN 6. APRÍL
KOMIN Í SÖLU!
15. MARS - UPPSELT
16. MARS - UPPSELT
22. MARS - UPPSELT
29. MARS - UPPSELT
6. APRÍL - LAUS SÆTI
ALLAR SÝNINGAR HEFJAST KL. 20
MIÐASALA Í HÖRPU OG Á HARPA.IS
MIÐASÖLUSÍMI 528 5050
H.A. DV
J.S. FBL
Um þessar mundir stendur yfir í
Listasal Mosfellsbæjar fjórða einka-
sýning Guðlaugar Drafnar Gunn-
arsdóttur. Sýninguna kallar hún
„Vorið, kæri vinur“ og á henni eru
stór olíumálverk á striga þar sem
viðfangsefnin eru landslag, nátt-
úra, ljós og dýr. Einnig eru teikn-
ingar gerðar á plexígler og fugla-
myndir teiknaðar með hvítri
málningu og kastast sem skuggar á
vegginn þegar ljós fellur á.
Guðlaug útskrifaðist með meist-
aragráðu frá École Nationale Su-
périeure d’Art, Villa Arson, í
Frakklandi árið 2007 og hlaut þar
viðurkenningu fyrir framúrskar-
andi vinnuaðferðir og tækni. Hún
hefur tekið þátt í fjölda samsýninga
víða erlendis og á Íslandi.
Guðlaug Dröfn er einnig tónlist-
arkona og hefur síðustu fimm ár
leikið með þjóðlagapoppsveitinni
Miklagarði.
Guðlaug Dröfn sýnir í Mosfellsbæ
Hrafn Verk á sýningu Guðlaugar Drafnar.