Morgunblaðið - Sunnudagur - 09.03.2014, Side 24

24 MORGUNBLAÐIÐ SUNNUDAGUR 9.3. 2014
Heilsa og hreyfing
„Jafnvægi, er það ekki bara eitthvað fyrir
fimleikadrottningar? Aldeilis ekki, góur-
inn,“ segir Fannar Karvel, íþróttafræð-
ingur hjá Spörtu líkamsrækt.
Hann segir jafnvægi vera álíka mikilvægt
fyrir mannskepnuna og öndunin.
„Að vísu hrökkvum við ekki upp af án
jafnvægis en við myndum hinsvegar ALLT-
AF liggja í gólfinu. Eftir því sem aldurinn
færist yfir okkur verður jafnvægið enn
mikilvægara og því er gott að byrja
snemma í að vinna í þessari grunnstoð.
Stökktu nú upp, taktu þér stöðu og
haltu hnénu uppi og farðu 20 hringi í
hvora átt. Endurtaktu alla seríuna þrisvar
sinnum á hvorn fót og ef þér finnst þetta
of létt skaltu prófa að loka augunum.“
ÆFING VIKUNNAR
Hring eftir
hring
1Stattu upprétt/-ur með vinstra hné ímjaðmarhæð. 2Taktu það næsta sem þú finnur; bolta, penna,bók eða kaffibolla (ekki fullan af kaffi samt). 3 Færðu hlutinn í hring utan um vinstra læri,fyrst réttsælis og svo rangsælis. Stígðu rólega
niður og gerðu það sama fyrir hægri fótinn.
H
andknattleikskonan Ólöf Kolbrún
Ragnarsdóttir telur að búið sé
að ryðja brautina betur í þess-
um málaflokki kvennamegin en
hjá körlunum.
„Ef eitthvað er fannst mér auðveldra að
koma út úr skápnum innan íþróttahreyf-
ingarinnar en úti í samfélaginu. Þetta er
þéttur hópur innan kvennahandboltans og
þar þekkja allir alla. Það ríkir ekki jafn-
mikil þöggun um þetta og hjá körlunum,“
segir Ólöf en hún leikur með liði HK í
Kópavoginum.
Daníel Örn Einarsson, handknattleiks-
maður hjá KR, segir fordóma og fáfræði
enn til staðar innan íþróttahreyfing-
arinnar. „Ég finn ekki fyrir beinum for-
dómum í minn garð vegna samkyn-
hneigðar minnar en ég finn enn fyrir
óbeinum fordómum. Ég hef t.d. heyrt út-
undan mér hvernig handboltamenn leyfa
sér að tala um mig þegar ég er ekki
nærri og ef þeir þekkja mig ekki per-
sónulega.“
Danni hommi og Kolla markmaður
Daníel segir marga íþróttamenn taka hann
út fyrir rammann með því að skilgreina
hann eingöngu út frá kynhneigð en ekki
öðrum eiginleikum.
„Ég er t.d. ávallt þekktur sem Danni
hommi á meðan Ólöf Kolbrún er þekkt
sem Kolla markmaður. Þetta er merki um
muninn sem er við lýði á milli kynjanna
og það er greinilega miklu minna pælt í
þessu kvennamegin en karlamegin. Það er
eins og fólk telji homma í íþróttum ekki
passa inn í hugmyndir um staðalímyndir
þar sem íhaldsemi er enn ráðandi í hugs-
unarhætti hins karllæga íþróttasamfélags..“
Ólöf Kolbrún tekur í sama streng og
segir fordóma sýnilegri hjá íþóttakörlum
en íþróttakonum. „Íþróttamenningin er svo
karllæg að ef stelpur eru góðar í fótbolta
er oft talað um þær sem strákastelpur.
Ég fékk strax viðurkenningu, fann ekki
fyrir breyttu viðhorfi í minn garð og
þurfti ekki að berjast fyrir tilverurétti
mínum innan íþróttarinnar. Þá er orðið
lessa ekki notað með sama niðrandi hætti
og strákar nota orðið hommi,“ segir Ólöf.
Íþróttahreyfingin situr eftir
Daníel telur að menning í kringum
íþróttaiðkun karla hafi setið á eftir al-
mennri þróun í samfélaginu síðustu ár.
„Það hefur orðið mikil vakning úti í sam-
félaginu varðandi samkynhneigð á síðustu
árum en íþróttahreyfingin karlamegin hef-
ur ekki alveg fylgt þessu eftir. Það ríkir
meiri íhaldssemi og þöggun innan íþrótta-
hrefingarinnar og þar er þröngsýnt við-
horf leyfilegra og viðurkenndara,“ segir
Daníel.
Hann hefur þurft að sanna sig með því
að rífa kjaft og berjast en samt finnur
hann fyrir því viðhorfi að hann sé álitinn
í lagi þar sem hann er ekki eins og „hin-
ir hommarnir“. Hann telur fordómana
liggja fyrst og fremst í því að nýir liðs-
félagar hans haldi að hann sé mjög frá-
brugðinn öðrum vegna kynhneigðar sinnar.
„Ráðandi íhaldssöm menning gerir það að
verkum að fólk veit ekki hvernig það á
að haga sér og sumir handboltamenn virð-
ast halda að ég gangi afturábak í bleikum
háhæluðum skóm áður en þeir kynnast
mér.“
Daníel segir stráka úr öðrum íþrótta-
greinum hafa sett sig í samband við sig
og lýst yfir áhyggjum yfir því að koma út
úr skápnum innan íþróttahreyfingarinnar.
Þá þekkir hann einnig dæmi þess að sam-
kynhneigðir strákar hrökklist úr íþróttum
sökum kynhneigðar sinnar. „Auðvitað viltu
umgangast fólk þar sem þú getur leyft
þér að vera þú sjálfur og þar af leiðandi
leiðast margir efnilegir samkynhneigðir
íþróttamenn inn á aðrar brautir í lífinu.“
Margir í felum
Bæði Ólöf og Daníel telja fjölmarga sam-
kynhneigða karlkyns íþróttamenn vera í
felum hér á landi. „Ég efast ekki um það
og íhaldssöm menning íþróttahreyfing-
arinnar karlamegin gerir það að verkum
að þeir virðast ekki treysta sér til að
koma til dyranna eins og þeir eru klædd-
ir,“ segir Ólöf.
Daníel hvetur alla samkynhneigða til að
lifa lífinu í sátt við sjálfan sig hvort sem
þeir sinna íþróttum eða ekki. „Það væri
að sjálfsögðu mun skemmtilegra á loka-
hófinu hjá mér ef það væru fleiri sam-
kynhneigðir handboltamenn á svæðinu og
því kalla ég bara eftir fleiri hommum í
handboltann,“ segir Daníel og hlær.
FORDÓMAR ENN VIÐ LÝÐI INNAN ÍÞRÓTTAHEIMSINS
Íþróttaheimurinn
opnari fyrir lesbíum
Íþróttafólkið Daníel Örn Einarsson og Ólöf Kolbrún Ragnarsdóttir er sammála um að auðveld-
ara sé fyrir íþróttakonur að koma út úr skápnum hér á landi heldur en íþróttakarla.
Morgunblaðið/Þórður
* Úr kvennaknattspyrnu á Íslandi erufjölmörg dæmi um samkynhneigðar konur
sem stunda íþrótt sína.
* Eingöngu 0,173% karlkyns íþrótta-manna í efstu deild í hand-, fót- og körfu-
bolta viðurkenndi samkynhneigð sína á síð-
asta leiktímabili samkvæmt útreikningum
Karls Fannars Sævarssonar mannfræðings.
* Almennt er erfitt er að mæla hlutfallsamkynhneigðra í samfélaginu en í opnum
vestrænum samfélögum er almennt talað
um tölur á bilinu 2-10%.
* Í bandarískri rannsókn frá árinu 2011kom fram að 3,8% Bandaríkjamanna væru
samkynhneigð, tvíkynhneigð eða kynskipt-
ingar.
* Burtséð frá því hvaða viðmiðunartalaer notuð er ljóst að fjöldi íslenskra sam-
kynhneigðra íþróttakarla endurspeglar á
engan hátt almennar tölur um samkyn-
hneigð í mannlegum samfélögum.
EINGÖNGU EINN KARLKYNS LEIKMAÐUR Í EFSTU DEILD Í HÓPÍÞRÓTT HÉR
Á LANDI HEFUR GREINT FRÁ SAMKYNHNEIGÐ SINNI OPINBERLEGA.
ÖNNUR LÖGMÁL VIRÐAST GILDA UM ÍÞRÓTTAKONUR AÐ ÞESSU LEYTI
ÞVÍ FJÖLDI ÞEIRRA HEFUR OPINBERAÐ SAMKYNHNEIGÐ SÍNA.
Jón Heiðar Gunnarsson jonheidar@mbl.is
Margir sérfræðingar segja ber af ýmsu tagi vera allra meina bót og telja þau geta minnkað líkur
á krabbameini. Þau innihalda m.a. andoxunarefni og önnur náttúruleg vítamin og steinefni sem
talin eru vinna gegn krabbameini. Vísindamenn við Clemson háskólann fundu út að jarðarber
og bláber geta dregið úr vexti krabbameinsfrumna bæði í brjósti og leghálsi.
Ber gegn krabbameini