Morgunblaðið - Sunnudagur - 09.03.2014, Side 32

32 MORGUNBLAÐIÐ SUNNUDAGUR 9.3. 2014
Matur og drykkir
M
ig langaði að hafa þetta létt og ferskt en um leið sjúklega girnilegt.
Mér finnst mikilvægt að láta hráefnið ráða og byrja á að kaupa það.
Bláberin eru til dæmis einstaklega góð núna og því voru þau í aðal-
hlutverki í melónusalatinu og hrákökunni,“ segir Þorbjörg Mar-
inósdóttir, forstöðumaður markaðsdeildar Skjásins, jafnan nefnd Tobba.
Hún segir gesti sína þetta laugardagshádegi vera mikla „matarperra“ en með-
al gesta hennar og sambýlismannsins, Karls Sigurðssonar borgarfulltrúa, voru
matarbloggari og eigandi veitingastaðarins Coocoo’s Nest.
„Hádegisboð eru vanmetinn kostur og góð leið til að ná barnafólki saman. Sjálf
er ég mjög kvöldsvæf enda komin 24 vikur á leið svo „brönsboðin“ eru mín partí
sem stendur.“
Tobba segir að henni þyki mjög
gaman að bjóða heim en eins og marg-
ir séu þau oft mjög upptekin og bókuð
langt fram í tímann. Að því leyti komi
hádegisverður einnig sterkur inn.
Tobba lumar á nokkrum fínum ráð-
um fyrir góð matarboð. „Að njóta sín
og vera ekki stressaður skiptir máli.
Ég hef eyðilagt heilu matarboðin með
því að færast of mikið í fang og vera
stressuð. Eiginlega bara leiðinleg eða
sofna ofan í súpuna! Þá þarf ekki allt
að vera flókið og oft má kaupa tilbúna eftirrétti og meðlæti sem er ótrúlega gott.
Einnig finnst mér um að gera að bjóða oftar og hafa minna fyrir því í stað þess
að bjóða fólki heim bara tvisvar á ári og þá í rándýrt fimm rétta drama.“
Tobba er líka á því að kerti, blóm og servéttur geti gert gæfumuninn. Svo ekki
sé talað um ilmkerti á baðherbergið og hrein handklæði.
„Það er gaman að gera eitthvað óvenjulegt, eins og flippaðan kokteil, frysta
bláber og myntu í klakabox og kaupa klósettpappír með grínmyndum á. Tónlistin
skiptir líka miklu máli. Kalli minn er snillingur í að búa til góða stemningu með
tónlist. Dean Martin er heiðursgestur þar.“
Tobba segir matinn hafa hitt í mark hjá öllum gestum sem voru allt frá nokk-
urra mánaða. Karlmennirnir hafi þó kunnað betur að meta beikonmúffurnar en
gríska jógúrtið.
Með matnum var boðið upp á súrdeigsbrauð sem Tobba segist kunna vel að
meta því það sé svo létt í maga og gott fyrir meltinguna.
Hádegisverðarhlaðborðið var afar girnilegt og ferskt og ávextir og grænmeti gegndu stóru hlutverki.
MIÐBÆJARNASL Á LAUGARDEGI
Hádegisverð-
arboð Tobbu
* Það er gaman aðgera eitthvaðóvenjulegt, eins og flipp-
aðan kokteil, frysta blá-
ber og myntu í klakabox
og kaupa klósettpappír
með grínmyndum á.“
ÞORBJÖRG MARINÓSDÓTTIR OG KARL SIGURÐSSON BUÐU
NOKKRUM VINUM HEIM Í HÁDEGISVERÐ Á LAUGARDEGI.
Júlía Margrét Alexandersdóttir julia@mbl.is
MÚFFUR
6 sneiðar eðalbeikon
6 egg
svartur pipar og salt eftir smekk
rifinn ostur
Notið sílíkon- eða álmúffumót. Setjið eina
sneið af beikoni í hvern hring í mótinu. Brjótið
eitt egg ofan á hverja sneið, saltið og piprið og
stráið rifnum osti yfir.
Bakið við 170°C í 10 mínútur.
Mímósa
appelsínusafi
Marini asti-freyðivín eða Martinellis, óáfengt
eplafreyðivín sem fæst í Kosti.
Eggja- og beikonmúffur og mímósa með
2 dollur grísk jógúrt
2 litlar dollur sykurlaust
vanillujógúrt
gott múslí
6 tsk. hunang
1 box jarðarber
Takið fram 6 lítil glös og þekið
botninn vel með múslí. Hrærið
jógúrtið því næst saman við.
Botnfylli af múslí sett í 6 lítil
glös. Jógúrt er hrært saman við
og blöndunni skipt í glösin. Jarð-
arberin skorin í bita og deilt of-
an á. Því næst er 1 tsk. hunang
sett ofan á hverja blöndu.
Jógúrtflipp með jarðarberjum