Morgunblaðið - Sunnudagur - 23.03.2014, Blaðsíða 18

F
ólk í ævintýrahug er sífellt
að finna leiðir til að
ferðast á óvenjulegri, og
ódýrari, hátt um heiminn.
Undanfarin misseri hafa íbúða-
skipti verið mjög vinsæl þar sem
fólk notar vefsíður á borð við
HomeExchange.com, HomeLink.-
com og LoveHomeSwap.co.uk til
að býtta á heimilum og geta
þannig sótt heim staði hingað og
þangað, jafnvel með stóra fjöl-
skyldu, án þess að eyða fúlgum í
hótelkostnað og bílaleigubíl. Þá
gefur þessi leið líka möguleika á
að kynnast stöðunum á annan
hátt en hinn hefðbundni ferða-
maður.
Annar möguleiki sem nú nýtur
aukinna vinsælda eru vefsíður þar
sem fólk leitar að ábyrgum ein-
staklingum til að gæta gæludýra
og/eða heimila sinna meðan það
sjálft er í burtu á ferðalagi, oft í
lengri tíma þannig að óhentugt er
að senda dýrin í pössun á meðan.
Þá er mörgum illa við að láta hí-
býli sín standa auð í langan tíma
og vilja frekar leyfa einhverjum
að nota heimilið á meðan.
Traust er útgangspunkturinn í
svoleiðis skiptum, enda heitir ein
vinsælasta síðan TrustedHouse-
Sitters.com. Kaupa þarf aðgang
að henni (um 6.000 krónur fyrir
þriggja mánaða áskrift) og þá
geta væntanlegir „passarar“ sett
inn myndir og upplýsingar um
sjálfa sig þar og best er að hafa
umsagnir frá fólki, vinum eða
ættingjum, sem maður hefur þeg-
ar passað hús og/eða gæludýr
fyrir. Svo er hægt að leita að
verkefnum eftir löndum og borg-
um, eða tímabilum ef litlu skiptir
hvert maður vill fara í fríinu.
Spjallað við „passarana“
gegnum vefmyndavél
Í sumum auglýsingunum er verið
að leita að einhverjum til að
passa hús og dýr í allt að þrjá
mánuði, ef eigendurnir hyggja á
heimsreisu eða vilja heimsækja
ættingja í fjarlægum löndum. En
það eru margir um hituna svo
maður þarf að vera snöggur að
svara auglýsingunum. Fæstir
stökkva til og velja „passara“
fyrr en eftir nokkur samskipti,
vilja gjarnan spjalla við viðkom-
andi í síma eða með myndavél
gegnum netið því fólk er jú að
leggja bæði eigur sínar og gælu-
dýr í hendurnar á ókunnugum.
En í langflestum tilvikum gengur
allt eins og í sögu, enda krefst
skráningin inni á vefsíðunni þess
að allar upplýsingar liggi fyrir
svo ef eitthvað kæmi upp á
slyppi hvorugur aðilinn við afleið-
ingarnar.
Báðir aðilar græða því á sam-
komulaginu; heimilis/dýraeigend-
urnir geta farið að heiman
áhyggjulausir og „passararnir“ fá
að njóta þess að dvelja á nýjum
stað, skoða sig um og kynnast
nýju gæludýri. Það er eiginlega
það versta við að fara út í heim
til að passa dýr, maður þarf að
skilja við þau aftur – horfa í
kærleiksrík augun og kjassa dýrið
í kveðjuskyni án þess að greyið
geri sér grein fyrir að þið hittist
sennilega aldrei aftur. Já, grein-
arhöfundur hefur tárvota reynslu
af þessu en mælir þess utan
óhikað með þessari leið til að
flýja hversdagsleikann um stund!
Nánari upplýsingar má finna á
www.trustedhousesitters.com
AFP
NÝ LEIÐ TIL AÐ FERÐAST ÓDÝRT
Út í heim að
passa hús og dýr
VÆRIRÐU TIL Í AÐ SKREPPA TIL NEW YORK OG EYÐA
HÁLFUM MÁNUÐI Í ÍBÚÐ Á MANHATTAN – ÓKEYPIS?
EÐA BÚA FRÍTT Í FIMM HERBERGJA HÚSI MEÐ SUNDLAUG
Í SUÐUR-FRAKKLANDI? EF ÞÚ ERT DÝRAUNNANDI ERU
ÞETTA RAUNHÆFIR KOSTIR Í SUMARFRÍINU.
Ingibjörg Rósa Björnsdóttir ingibjorgrosa@gmail.com
Á ferðalögum er áhyggjuleysi það sem flestir þrá. Þess
vegna getur það hentað bæði dýraeigendum og þeim
sem vilja ferðast án þess að hafa miklar fjárhagsáhyggjur
að notast við vefi sem leiða saman þá sem vilja passa
dýr og þá sem eiga dýr og hús sem þarf að gæta.
Dýraeigendur geta sjaldnast tekið bestu vinina með í flugvél og margir fara þá
leið að leita eftir fólki til að passa hús og dýr meðan á fríinu stendur.
Ferðalög
og flakk
Leikdagur með pöndu
AFP
*Í Chengdu-rannsóknarstöðinni (www.panda.org.cn) íSichuan-héraði í Kína er að finna 50 risapöndur, en þar erunnið að verndun risapöndustofnsins sem nú telur aðeins2.000 dýr. Nú hefur verið tekið upp á þeirri nýbreytni aðgefa gestum kost á að leika við pöndurnar, gefa þeim ogbaða þær undir eftirliti dýrahirðis. Fyrir almenna heim-sókn í garðinn eru greiddar um þúsund krónur en fyrir
leikdag með pöndu sem lúxusferðaskrifstofan Remote
Lands skipuleggur þarf að reiða fram milljónir.
Mars byrjaði á Rosenmontag eða Rósamánudeginum. Þá er hápunktur
karnivalsins í þýskumælandi löndum Evrópu. Karnival-tímabilið byrjar
11.11, kl.11:11, ár hvert, og endar kl. 00:00 daginn sem fasta hefst eða á
öskudaginn. Fólk á öllum aldri klæðir sig upp yfir tímabilið en síðustu
dagana má m.a. sjá lækna, lögfræðinga og bankastarfsmenn í ýmiskonar
búningum. Hér í Köln fer stærsta karnivalskrúðgangan fram en margir
íbúar eru í karnival-félögum, sem ákveða árlega sinn búning í skrúð-
göngunni. Fólk gengur eða stendur uppi á litríkum vögnum og hendir
nammi eða blómum til áhorfenda. Við tókum þátt í ár, klæddum okkur
upp í búninga og hittum vini nálægt endamörkum göngunnar. Lúðra-
þytur og trumbusláttur heyrðist langar leiðir. Göngufólk var eflaust
þreytt, enda fer skrúðgangan um 9 km vegalengd.
Solveig Sara og Rannveig Sif Það er litríkt og mikið fjör þegar vagnar skrúðgöngunnar fara hjá. Fylgst með litríkri skrúðgöngunni.
Rósamánudegi fagnað
Solveig Sara, Rannveig og vinkona.
PÓSTKORT F
RÁ KÖLN