Morgunblaðið - 03.04.2014, Blaðsíða 20

20 FRÉTTIRErlent
MORGUNBLAÐIÐ FIMMTUDAGUR 3. APRÍL 2014
Bílaverkstæði Jóa býður upp á alla almenna
þjónustu fyrir flestar gerðir bifreiða.
með allt fyrir bílinn
Dalvegi 16a - 201 Kópavogi | Sími: 564 5520 | bilajoa@bilajoa.is | www.bilajoa.is
Opið
mánudaga til
fimmtudaga
8-17
föstudögum
8-15
Þarf bíllinn þinn á þjónustu að halda?564 5520
bilajoa.is
Stærstu skipulögðu glæpasamtök
Japans, Yamaguchi-gumi, hafa
hleypt af stokkunum eigin vefsíðu
með tónlist og áróðri gegn fíkniefna-
neyslu. Vefsíðan er tilraun samtak-
anna til þess að hressa upp á ímynd
sína og reyna að snúa við fækkun fé-
lagsmanna.
Á vefsíðunni má meðal annars sjá
mafíósana undirbúa nýársgleði og
hjálpa til við hreinsunarstarf eftir
flóðbylgjuna árið 2011.
Japanska mafían fæst við allt frá
vændi til fjárkúgana og efnahags-
brota. Samtökin eru hins vegar ekki
ólögleg í Japan og hafa yfirvöld yf-
irleitt umborið þau. Færri sækja
hins vegar í mafíulífið og er talið að
meðlimafjöldinn hafi í fyrsta skipti
farið niður fyrir 60.000 á síðasta ári.
Mafían í almanna-
tengslaherferð
Auglýsing Vefsíða Yamaguchi-gumi.
JAPAN
látist, fjórir karlar og tvær konur,
fórst allt í borgunum Iquique og
Alto Hospicio. Það lést þegar það
varð fyrir hrynjandi veggjum eða
fékk hjartaáfall, að sögn embættis-
manna í Síle. Skemmdir urðu á þús-
undum heimila og annarra bygg-
inga í skjálftanum samkvæmt
fyrstu athugunum í gær.
Upplausnarástandið varð til þess
að rúmlega þrjú hundruð konur
sluppu úr kvennafangelsi í Iquique.
Lögreglu- og hermenn leituðu þær
uppi og hafði tekist að hafa hendur í
hári um hundrað þeirra í gær.
Síle er stærsti koparframleiðandi
í heimi og tók verð á málminum
stökk í gær í kjölfar hamfaranna.
Engar fregnir hafa borist af
skemmdum á koparnámum en ótti
greip um sig á markaðnum um að
framleiðsla mundi minnka vegna
ringulreiðarinnar.
Hundruð þúsunda flúðu
heimili sín við ströndina
 Risajarðskjálfti upp á 8,2 stig undan Kyrrahafsströnd Síle á þriðjudagskvöld
AFP
Tjón Fjöldi fiskiskipa í Iquique skemmdist, sökk eða skolaði á haf út í flóðbylgju sem fylgdi í kjölfar jarðskjálftans.
Flóðbylgjan gekk hins vegar ekki langt upp á land og í gær virtist ekki mikið tjón hafa orðið af henni á landi.
Kjartan Kjartansson
kjartan@mbl.is
Að minnsta kosti sex eru látnir eftir
jarðskjálfta upp á 8,2 stig sem gekk
yfir norðanverða Kyrrahafsströnd
Síle á þriðjudagskvöld. Í kjölfarið
gáfu yfirvöld út viðvörun vegna
hættu á flóðbylgju fyrir alla strand-
lengju landsins sem er rúmlega
4.300 kílómetra löng. Flúðu yfir
900.000 manns heimili sín þar í kjöl-
farið. Flóðbylgjuviðvaranir voru
einnig gefnar út í löndum Suður- og
Mið-Ameríku við Kyrrahafsströnd-
ina.
Jarðskjálftinn reið yfir kl. 20.46
að staðartíma á sama tíma og marg-
ir voru á leið heim frá vinnu. Hann
átti upptök sín á um tíu kílómetra
dýpi, um 86 kílómetra norðvestur af
námuborginni Iquique samkvæmt
upplýsingum bandarísku jarðfræði-
stofnunarinnar.
Umferðaröngþveiti skapaðist
þegar sírenur byrjuðu að væla og
fólki var skipað að koma sér á hærri
grundu vegna hættu á flóðbylgju.
Þúsundir manna höfðust við í
hæðunum í kringum Iquique í fyrri-
nótt á meðan þeir biðu þar til flóð-
bylgjuviðvöruninni var aflétt. Öldur
allt að rúmir tveir metrar á hæð
gengu inn á land sums staðar og
fylgdi rafmagnsleysi, eldsvoðar og
aurskriður í kjölfarið.
Fjöldi smærri eftirskjálfta mæld-
ist aðfaranótt miðvikudags, sá
stærsti 6,2 að stærð. Flóðbylgju-
viðvöruninni var aflétt um tíu
klukkustundum eftir að skjálftinn
reið yfir.
300 fangar sluppu úr haldi
Stjórnvöld lýstu því yfir að ham-
faraástand ríkti í héruðunum Tara-
paca, Arica og Parinacota og sendu
hermenn þangað, að sögn til þess að
koma í veg fyrir gripdeildir og ófrið
líkt og braust út í kjölfar jarð-
skjálfta upp á 8,8 stig sem reið yfir
landið árið 2010.
Fólkið sem staðfest er að hefur
Mögulegt er að hulunni verði aldrei
svipt af ástæðu þess að flugvél í flugi
MH370 hvarf í byrjun mars. Ríkis-
lögreglustjóri Malasíu, Khalid Abu
Bakar, sagði í gær að sakamálarann-
sókn á hvarfi vélarinnar gæti haldið
áfram lengi enn.
„Þegar rannsókninni lýkur er
mögulegt að við vitum ekki einu
sinni raunverulegu orsökina. Við
munum jafnvel ekki vita ástæðuna
fyrir slysinu,“ sagði lögreglustjórinn
við fjölmiðlamenn.
Hann sagði þó að lögreglan væri
búin að hreinsa alla farþegana af
grun um að hafa rænt vélinni, unnið
skemmdarverk á henni eða þjáðst af
geðrænum eða persónulegum
vandamálum.
Alls hefur lögreglan tekið 170
skýrslur af skyldmennum flugmann-
anna og áhöfn vélarinnar auk þess
sem farmurinn og matvælin sem
voru um borð í vélinni hafi verið
könnuð.
Najib Razak, forsætisráðherra
Malasíu, flaug til Ástralíu í gær til að
ræða við þarlenda ráðamenn um
leitina að braki úr vélinni. Leitar-
svæðið í gær var um 221.000 ferkíló-
metrar en lítið skyggni torveldaði
leitina. Kafbátur breska sjóhersins
hefur nú bæst í hóp skipa og flugvéla
sem leita braksins.
AFP
Brakið Leitarflugvél leggur af stað frá Perth í leit að braki úr vélinni.
Afdrif vélarinnar
kannski aldrei ljós
Nærri því fjórð-
ungur evrópskra
hunangsflugu-
tegunda er í
útrýmingar-
hættu vegna
loftslagsbreyt-
inga og iðnaðar-
landbúnaðar.
Þetta er niður-
staða rann-
sóknar sem Evr-
ópusambandið kostaði meðal
annars. Alls er tæpur helmingur 68
tegunda hunangsflugna í hnignun í
álfunni.
Hunangsflugur gegna lykilhlut-
verki í vistkerfinu því að þær bera
frjókorn á milli plantna. Af fimm
mikilvægustu frjóberum evrópskra
plantna eru þrjár hunangsflugna-
tegundir.
Hunangsflugur í
hættu í Evrópu
Hunangsflugan í
útrýmingarhættu.
EVRÓPA
Jarðskjálftinn sem reið yfir Síle á
þriðjudagskvöld átti upptök sín á
mörkum tveggja jarðfleka, Nazca-
og Suður-Ameríkuflekans. Kyrra-
hafið hvílir á Nazca-flekanum á
þessu svæði en hann gengur undir
Suður-Ameríkuflekann við strend-
ur álfunnar. Það gerir þetta svæði
eitt það jarðfræðilega virkasta í
heimi.
Aðeins fjögur ár eru liðin frá því
að jarðskjálfti upp á 8,8 stig reið
yfir við Maule, sunnar í Síle. Þá
fórust um fimm hundruð manns
og er talið að eignatjónið hafi
numið um 30
milljörðum
Bandaríkjadoll-
ara.
Svæðið þar
sem skjálftinn
nú átti upptök
sín hefur verið
tiltölulega rólegt
undanfarin ár.
Síðasti stóri
jarðskjálfti sem átti sér stað þar
var árið 1877. Hann var 8,8 stig og
létust um tvö þúsund manns í hon-
um.
Eitt virkasta svæði í heimi
UPPTÖKIN Á MÖRKUM TVEGGJA JARÐFLEKA
Skemmdir af völd-
um skjálftans.