Morgunblaðið - Sunnudagur - 06.04.2014, Blaðsíða 17

6.4. 2014 MORGUNBLAÐIÐ SUNNUDAGUR 17
Hvar og hvenær? Verslunarmiðstöðinni Firðinum,
Hafnarfirði, laugardag kl. 12-16.
Nánar: Blásið verður til skottsölu í Firðinum en þar
munu nokkrir selja varning úr skottinu á bílnum sínum.
Skottsala í Firðinum* Tveir hausar eru betri en einn.Lumiere úr Fríða og Dýrið.
Berglind Guðmundsdóttir held-
ur úti matarblogginu Gul-
urRauðurGrænn&salt,
www.grgs.is. Hún er hjúkr-
unarfræðingur og fjögurra
barna móðir. Auk þess gaf hún
nýverið út sína fyrstu mat-
reiðslubók, Fljótlegir réttir fyr-
ir sælkera.
Þátturinn sem allir geta horft
á? Hraðfréttir eru í miklu uppá-
haldi hjá öllum fjölskyldu-
meðlimum. Mikið hlegið, mikið
gaman!
Maturinn sem er í uppáhaldi
hjá öllum? Súrsæti kjúklinga-
rétturinn í aðalrétt, panna cotta
með hindberjasósu í eftirrétt og
Kúlugott í eftireftirrétt, allt
uppskriftir af matarblogginu
mínu GulurRauðurGrænn&salt
(www.grgs.is).
Skemmtilegast að gera
saman? Okkur finnst hrika-
lega gaman að ferðast og
reynum að gera mikið af
því. Elskum jafn-
framt að fara
norður í
Laxárdal á
sumrin þar sem
fjölskyldan hefur afnot af
dásamlegu húsi. Svo fer mik-
ill tími í að horfa á drengina spila á
handbolta- og fótboltamótum og
ákveðin stemning sem fylgir því.
Borðið þið morgunmat saman?
Oft á virkum dögum. En um helgar
vakna yfirleitt allir á mismunandi
tíma, hver eftir sínum hentugleika,
og þá er stundum morgunmatur
frá klukkan sjö til hádegis.
Hvað gerið þið saman
heima ykkur til dægrastytt-
ingar? Hér er mikið eldað og
bakað og allir fjölskyldu-
meðlimir sem taka þátt í því.
Svo erum við algjör kósídýr –
elskum að hafa það kósí.
Fleygja okkur upp í sófa með
sængur og snarl og spjalla
eða horfa á einhverja grín-
mynd.
EFTIRLÆTI FJÖLSKYLDUNNAR
Allir fá að taka þátt í
eldamennskunni
Berglind
GuðmundsdóttirH
jallastefnan leggur mikla
áherslu á enskukennslu
og kynning á tungumál-
inu er hafin fyrir börn
allt frá 18 mánaða aldri. Börn ná
vel utan um tungumál og meðtaka
fyrr en fullorðnir. Auk þess heyra
þau fleiri hljóð en fullorðnir og ná
því framburði og öðru slíku vel.
„Með þessu er-
um við líka að ná
málhljóðunum bet-
ur en bestur ár-
angur næst ef það
fer fram á leik-
skólaaldri og á
fyrstu árum
grunnskólans,“
segir Áslaug
Hulda Jónsdóttir,
framkvæmdastýra Hjallastefn-
unnar. Þá hefur stefna skólans ver-
ið að bæta við öðrum tungumálum
og er nú verið að gera tilraunir
með kennslu í frönsku, spænsku og
kínversku. „Við erum mjög spennt
fyrir því að prófa það áfram og
þróa það frekar.“
Áslaug segir það mikilvægt að
nýta vel máltökunámskeið barna
því eftir því sem á líður verði allt
tungumálanám erfiðara og árang-
ursminna.
Framburðurinn betri
Sólveig Simha kennir frönsku á
leikskólanum Laufásborg sem til-
heyrir Hjallastefnunni en hún
kennir einnig í Alliance française.
Hún segir það sniðugt að byrja að
kenna börnum tungumál á unga-
aldri. „Þau heyra mun betur en
fullorðnir og eiga því auðveldara
með að herma. Það er engin trufl-
un eða vani á framburði á móð-
urmálinu sem truflar,“ segir Sól-
veig. Hjallastefnan leggur áherslu
á að fá kennara sem kenna á sínu
móðurmáli, þannig kemst hreim-
urinn vel til skila. „Það gengur
rosalega vel. Við endurtökum mjög
mikið og er áherslan lögð á talmál.
Lítil börn kunna langflest ekki að
lesa svo það sem við erum að vinna
með er að hlusta á frönsku, hlusta
á allskonar hljóð og reyna að
þekkja hljóðin á frönsku. Ég vinn
líka með sögur og erum við núna
að læra Rauðhettu með yngstu
börnunum,“ segir Sólveig. Auk
þess læra börnin að þekkja orð
sem lýsa hlutum á frönsku og fá
kennslu í orðum sem þau nota í
daglegu lífi á sínu eigin móðurmáli.
Börnin læra að tjá sig á frönsku og
geta þannig haft samskipti við
frönsk börn. „Mér þykir mjög auð-
velt að kenna börnunum, þau eru
alveg frábær. Ég er glaður kenn-
ari,“ segir Sólveig og hlær. „Það er
gaman hvað þau eru forvitin og op-
in fyrir því að læra. Mér finnst það
spennandi.“
Vill leggja áherslu á talmál
Sólveig segir að skortur sé á
tungumálakennslu fyrir yngstu
börnin. „Það þarf að leggja áherslu
á talmálið. Málfræðin kemur
seinna, þegar börnin eru farin að
geta tjáð sig. Það er gott að byrja
að kenna málfræðina í framhalds-
skóla eða í síðustu bekkjum grunn-
skóla,“ segir Sólveig.
Áslaug segir tungumál vera lyk-
ilinn að framtíðinni fyrir börn. Það
er ansi mikið til í því í ljósi þess að
enska er tungumál veraldarvefsins,
viðskiptalífsins og háskólasamfé-
laganna. „Leikskólinn og alfyrstu
ár grunnskólans eru langmikilvæg-
asti tíminn fyrir tungumálanám en
því miður hefur verið framhjá því
litið.“
BÖRN ERU SNÖGG AÐ LÆRA TUNGUMÁL
Snjallt að byrja snemma
Sólveig Simha kennir börnum á Laufásborg frönsku. Hún segir það sniðugt að
byrja að kenna börnum tungumál á ungaaldri.
Morgunblaðið/Þórður
HJALLASTEFNAN BYRJAR
SNEMMA AÐ KYNNA LEIK-
SKÓLABÖRNUM TUNGU-
MÁL. FRÖNSKUKENNARI Á
HJALLALEIKSKÓLA SEGIR AÐ
SKORTUR SÉ Á TUNGU-
MÁLAKENNSLU FYRIR
YNGSTU BÖRNIN OG MIK-
ILVÆGT SÉ AÐ LEGGJA
ÁHERSLU Á TALMÁL FYRST.
Áslaug Hulda
Jónsdóttir
Sími 570 2400 · oryggi.is
Stöndum vaktina allan sólarhringinn
Fylgstu með fyrirtækinu í snjall-
símanum eða spjaldtölvunni
Hágæða eftirlitsmyndavélakerfi frá Aver er ódýr og einföld lausn fyrir fyrirtæki.
Fylgstu með í spjaldtölvunni eða farsímanum, hvenær og hvar sem þú ert.
Kerfið býðst nú á frábæru verði, frá 179.000 kr.
Komdu og skoðaðu í glæsilegri verslun okkar að Askalind 1.
PI
PA
R\
TB
W
A
•
SÍ
A
•
14
04
79