Morgunblaðið - Sunnudagur - 06.04.2014, Page 41

Er siðferðilega
rétt að taka
upp kortið?
6.4. 2014 MORGUNBLAÐIÐ SUNNUDAGUR 41
H
vað er siðferðilega
rétt og rangt í inn-
kaupum var mikið
rætt þegar ég hitti
vinkonu mína í Stokkhólmi á
dögunum. Við tvær ákváðum að
gera vel við okkur í miðborg
Stokkhólms og þótt hún búi í Sví-
þjóð gistum við á hóteli eins og
fínar frúr. En það var nú bara
svo við gætum farið óáreittar í
gegnum nokkur samansöfnuð
ársfjórðungsuppgjör.
Á einhverjum tímapunkti leit
út fyrir að við þyrftum að gera
lista yfir umræðuefni fundarins
því óreiðan í samræðunni var slík
að hún var ekki líkleg til að skila
einhverri niðurstöðu. Í vinskap
geri ég ekki kröfu um einhverja
eina rétta niðurstöðu og þess
vegna fékk samtalið að flæða.
Það skilaði hins vegar mikilli
andlegri næringu – ekki andlegri
fátækt.
Vinkona mín er siðfræðingur
með smekk fyrir fínum fötum og
svo leggur hún mikið upp úr því
að hafa heimili sitt fallegt. Fyrir mér er svo eðlilegt að vilja hafa fínt í
kringum sig og klæða sig fallega. Mér finnst það jafnsjálfsagt og að
bursta í sér tennurnar og borða alltaf morgunmat. Það eina sem hefur
truflað mig í gegnum tíðina er þegar fólk feikar sig í gegnum lífið – kaupir
eitthvað sem það hefur raunverulega ekki efni á til þess að búa sér til ein-
hvern fyrirframákveðinn standard.
Þetta horfir allt öðruvísi við vinkonu minni því í siðfræðinni áttu nátt-
úrlega ekki að vera að sanka endalaust að þér veraldlegum eigum. Þar
sem hjarta vinkonu minnar tekur aukakipp þegar hún sér fallega hönnun
hefur hún þurft að fara sérstaklega í gegnum þetta og finna einhvern
milliveg þannig að siðfræðingurinn og konan sem elskar fallega hönnun
geti sameinast í einni og sömu konunni og skapað heilsteypta mynd. Það
er nefnilega svo ógurlega siðferðilega rangt að fylla heimilið og fataskáp-
inn af fíneríi á meðan heimurinn sveltur.
Í þessum hugleiðingum okkar um kaupgleði og gerviþarfir varð ég fyr-
ir miklum vonbrigðum þegar sænska móðurskipið H&M barst í tal.
Eins mikið og ég elska það þá fölnaði það dálítið þegar við vorum búnar
að strjúka og máta alls konar sænskt og evrópskt fínerí í NK, Mood-
galleríinu og búnar að fara í verslunarleiðangur við Strandveginn. Og það
fölnaði líka þegar við vorum búnar að ræða H&M út frá siðfræðinni. Í
Svíþjóð verður fólk nefnilega brjálað út í H&M reglulega þegar upp
kemst um barnaþrælkun fyrirtækisins í fjarlægum löndum. Það hefur
ekki gerst einu sinni heldur oft og mörgum sinnum. Það ætti samt að
vera augljóst – verðlagið bendir ekki beint til þess að það sé verið að sér-
sníða á mann föt.
En það var ekki bara barnaþrælkunin sem truflaði mig þegar ég labbaði
um margra hæða himnaríki móðurskipsins. Mér leið eins og konu (mið-
aldra konu) því mér fannst fötin táningsleg, illa saumuð og vansniðin. Það
er því smá búið að eyðileggja þetta margnefnda móðurskip. Ég gæti hins
vegar haldið langar ræður um hvað Svenskt Tenn er mikið ég og hvað lífið
er dásamlegt þegar maður fer snemma að sofa á föstudags- og laug-
ardagskvöldum og er kominn í leikfimi áður en Mogginn kemur inn um
bréfalúguna. Þegar ég sagði þetta upphátt í símtali í vikunni var mér bent
á að ég væri greinilega farin að undirbúa flutninginn á Eir … Það væri
bara tímaspursmál hvenær þjónustuíbúðin yrði mín. martamaria@mbl.is
Fylgihlutir úr Svenskt Tenn.
Estrid Ericson
fær sér te.
Flest hér á myndinni
fæst í Svenskt Tenn.
Svona er allt í Svenskt Tenn.
FLUGFARÞEGAR FÁVSK
AFÖLLUMGLERAUGUM
SÍMI 527 1515 GÖNGUGÖTU