Morgunblaðið - Sunnudagur - 06.04.2014, Qupperneq 57

farið af Skúlagötunni, í rými leigt af borg
fyrir safneignina en stefnt var á að fjárfesta
í húsnæði fyrir sýningastarfsemina. Ákveðið
var að ráðast í umfangsmikla fjáröflun þar
sem listamenn úr röðum fulltrúa Nýló gefa
listaverk til styrktar húsnæðismálum safnins.
„Þegar hafa kunnir listamenn lýst yfir vilja
til að gefa verk, þar á meðal Hreinn Frið-
finnsson, Eggert Pétursson, Rúrí, Níels Haf-
stein, Kees Visser, Guðrún Einarsdóttir,
Hrafnkell Sigurðsson, Guðjón Ketilsson,
Rúna Þorkels, Sigurður Guðmundsson, Katr-
ín Sigurðardóttir, Tumi Magnússon, Stein-
grímur Eyfjörð og Ragna Róbertsdóttir.
Einnig munum við biðla til yngri listamanna
og vitanlega munu allir sem setið hafa í
stjórn Nýló fá meldingu um þennan viðburð.
Nýló er listamannarekið sýningarrými og
safn, með langa og merka sögu, og það gleð-
ur mann óendanlega hvað það er mikill sam-
hugur í listafólki um að styðja við safnið
sitt.“
Nýlistasafnið verður því mögulega án sýn-
ingarrýmis í einhvern tíma, á meðan er verið
að leita að heppilegu plássi.
„Starfsemin heldur áfram þótt speisið sé
ekki komið,“ segir Þorgerður. „Við höfum
ekkert sýningarrými eftir júní eins og staðan
er núna, en höldum áfram að skipuleggja
sýningar og viðburði fyrir sýningatímabilið
2014 til 2015 eins og ekkert hafi í skorist.
Fyrsta júní fer af stað frábær sýning sem
ber titilinn „S7 – Suðurgata >> Árbær
(ekki á leið)“ og er samstarfsverkefni okkar
og Árbæjarsafns. Sýningin, sem er hluti af
Listahátíð í Reykjavík, mun innihalda verk
eftir unga listamenn, og kjölfarið verður gef-
ið út rit um sögu og sýningar í galleríi Suð-
urgötu 7. Einnig hefur stjórn Nýló tvö
gjörningaverkefni á sínum snærum í sumar
og mun skipuleggja stóra samsýningu á
Akranesi í samstarfi við Byggðasafnið næst-
komandi haust.
Það hefur verið ótrúlega mikill heiður að
fá að fylgjast með og vinna með Hreini Frið-
finnssyni. Okkur finnst vel við hæfi að hans
handbragð og listræna sýn taki yfir þetta
sérstaka rými með sín flísalögðu gólf, en
bindi jafnframt endahnút á þessi við-
burðaríku ár sem safnið hefur átt í þessu
húsnæði.“
„Við höfum ekkert sýningarrými eftir júní eins og staðan er núna, en höldum áfram að skipu-
leggja sýningar og viðburði fyrir sýningatímabilið 2014 til 2015“ segir Þorgerður.
Ljósmynd/Nýlistasafnið
6.4. 2014 MORGUNBLAÐIÐ SUNNUDAGUR 57
Rokkáhugamenn ættu að
hafa gaman af heimsókn á
Bar 11 á laugardagskvöld.
Klukkan 23 stíga á svið þeir
Pétur Ben og Rúnar Þórisson,
studdir meðal annars af Láru og Mar-
gréti Rúnarsdætrum.
2
Hinn landskunni ljósmyndari
og kvikmyndatökumaður
Friðþjófur Helgason
opnar á laugardag klukkan
14 ljósmyndasýninguna „Sement“ í
Populus tremula á Akureyri. Mynd-
irnar voru allar teknar í sements-
verksmiðjunni á Akranesi. Sýningin
er aðeins opin nú um helgina.
4
Þeir Bjarni Bernharður
Bjarnason og Aðalsteinn Ey-
þórsson opna á laugardag
klukkan 15 sýningu á mynd-
verkum sínum í Anarkíu, Hamra-
borgt 3, í Kópavogi. Í tilkynningu seg-
ir að innsæi einkenni verk Bjarna en
„hrærigrautur“ stór verk Aðalsteins.
5
Þessa dagana er sannkölluð
veisla fyrir áhugafólk um
kvikmyndir í borginni. Í Nor-
ræna húsinu stendur yfir
Norræn kvikmyndahátíð, með 15
ólíkar kvikmyndir á dagskránni, og þá
er stutt- og heimildarmyndahátíðin
Shorts&Docs haldin í 12. skipti. Sýnt
er í Bíó Paradís og Stúdentakjall-
aranum.
3
Sigurður Guðjónsson mynd-
listarmaður og Anna Þor-
valdsdóttir ræða á laugardag
klukkan 15 við gesti á sýning-
unni Hljómfall litar og línu í Hafn-
arhúsinu. Þar er meðal annars sýnd
innsetning þeirra „Trajectories“.
MÆLT MEÐ
1
Þegar spurt er hvers vegna þau hafi kosið
að gera kvikmynd byggða á lífi og verkum
Hreins segja þau upphafið liggja í því að fyr-
ir rúmum áratug hafi þau komið að uppsetn-
ingu tveggja sýninga á verkum hans, í Safni
og i8. „Við kynntumst því hugarheimi hans
vel, vorum einnig að vinna saman við kvik-
myndagerð á þessum tíma, og þar sem við
vorum uppljómuð af Hreini og verkum hans
létum við okur dreyma um að gera um það
kvikmynd. Við vildum virkja hrifningu okkar
og miðla henni áfram.“
„Mikil gjöf til okkar“
Eins og oft er raunin í kvikmyndagerð leið
langur tími frá því að hugmyndin kviknaði
þar til kvikmyndin var frumsýnd. Vinnan við
hana hófst fyrir fimm árum. „Við þurftum að
fá fólk til að leggja fé í verkefnið; sýna fram
á að list Hreins ætti erindi á þennan hátt,“
segja þau.
Og hvers vegna á list Hreins erindi?
„List Hreins höfðar til sammannlegra
þátta,“ segja Markús og Ragnheiður. „Þetta
eru persónulegar vangaveltur um lífið og til-
veruna sem allir hljóta að velta fyrir sér á
lífsleiðinni. Um tengslin við umheiminn í
stóru sem smáu, einstaklinginn gegn alheim-
inum og þessar ógnarstóru og óskiljanlegu
víddir í tíma og rúmi sem umlykja okkur.
Staðsetningin á þessari plánetu sem hring-
snýst. Hreinn tekst á við spurningar um allt
þetta á laufléttan hátt, með húmor og af
gleði, og opnar á það nýja sýn í verkunum.
Það er mikil gjöf til okkar sem njótum listar
hans. Hreinn hefur sérstaka sýn á lífið. Hann
er forvitinn um allt og alltaf opinn fyrir nýj-
um hugmyndum, er ótrúlega frjór.“
Þau kusu að gera ekki hefðbundna heim-
ildakvikmynd um Hrein og verk hans heldur
tóku sér skapandi skáldaleyfi.
„Kvikmyndin er ákveðinn leikur,“ segja
þau. „Það var til að mynda legið yfir sögum
að baki verkum eftir hann, skoðað hvað hann
hafði verið að lesa, hvaðan hann fær áhrif,
sem og vísindatextum um lífið og tilveruna.
Við lítum á alla þessa þætti sem smásögur
eða ljóð og út frá þeim spinnst sagan. Hún
byggist á áberandi viðfangsefni Hreins gegn-
um tíðina, tvenndinni; spegilmynd eða tvö-
földun.
Outinen leikur vísindamann sem er rödd
skynseminnar og reynir að skilja listamann-
inn út frá rökheimi vísindanna. Það er þessi
barátta milli þess að skilja heiminn og skynja
heiminn. Að skynjunin skipti máli ekki síður
en hinn röklegi skilningur vísindanna.“
Skáldskapur með tilvísanir
Í samtali við Hrein kemur glöggt fram að
sýningin í Nýlistasafninu er verk sýningar-
stjóranna, Ragnheiðar og Markúsar. „Þau
hafa valið þar inn mörg kunnugleg verk sem
tengjast kvikmyndinni. Hún er útgangs-
punkturinn í þessu máli þeirra og sýningin er
undirspil,“ segir hann.
„Ég er mjög óbeinlínis viðfangsefni kvik-
myndarinnar. Hún er skáldskapur með óbein-
ar tilvísanir í verk eftir mig,“ segir Hreinn
sem hefur enn ekki séð hana í endanlegri
mynd. „Ég var settur í stól í einhverjar mín-
útur, leik annars ekkert, en hef heyrt í fólki
sem finnst útkoman fín.“
Hreinn segir myndbandsverkin sem sýnd
eru í i8 galleríi hafa verið til í nokkur ár.
„Þau voru nokkurra ára prósess en til þessa
hef ég bara sýnt þau gestum í sjónvarpinu
heima. Þegar sýningin í Nýló var skipulögð
kviknaði áhugi á að sýna þau um leið. Það
var hins vegar algjör tilviljun að verk Krist-
ins með ljósmyndum af mér og myndbands-
verkin mín með honum væru sýnd svo að
segja á sama tíma. Skemmtileg tilviljun.“
„Ég er mjög óbeinlínis viðfangsefni kvikmyndarinnar,“ segir Hreinn Friðfinnsson.
Morgunblaðið/Einar Falur
* Þetta eru persónu-legar vangaveltur umlífið og tilveruna sem allir
hljóta að velta fyrir sér á
lífsleiðinni. Um tengslin
við umheiminn í stóru sem
smáu, einstaklinginn gegn
alheiminum og þessar ógn-
arstóru og óskiljanlegu
víddir í tíma og rúmi …