Morgunblaðið - 09.05.2014, Qupperneq 2

2 FRÉTTIRInnlent
MORGUNBLAÐIÐ FÖSTUDAGUR 9. MAÍ 2014
SÉRHÆFING Í VIÐHALDI GÓLFA
SÓLPALLAR!
info@golfthjonustan.is | golfthjonustan.is
S: 897 2225
Erum að fara af stað í nýsmíði
og endurbætur. Komum á staðinn
og gefum fast verðtilboð.
100% VINNUBRÖGÐ
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Seltjarnarnesbær lætur nú setja grjót og jarðvegsefni
sem fleygt hefur verið upp á Lýsisreitnum í Reykja-
vík út í sjóinn við hitaveituhús við Bygggarða. Sam-
kvæmt upplýsingum frá bænum er ætlunin að nota
efnið í sjóvarnir við Gróttu sem eru farnar að grotna
niður.
Grjótið verður einnig notað til að reisa lítinn
varnargarð út í sjó til að reisa dæluhús fyrir nýja
borholu sem hugsanlega verður boruð þar. Jarðvegs-
rannsóknir benda til þess að vænlegt sé að bora eftir
heitu vatni þar úti í sjónum. Framundan eru prufu-
boranir til að staðfesta að svo sé.
Grjótið notað í garða nærri Gróttu
Morgunblaðið/Eggert
Jarðvegsefni frá Lýsisreitnum í Reykjavík flutt út á Seltjarnarnes
Baldur Arnarson
baldura@mbl.is
Nýtt áhættumat Isavia á áhrifum
þess að loka NA-SV-brautinni á
Reykjavíkurflugvelli undirstrikar
að við það dregur úr flugöryggi.
Þetta segir Sigurður Ingi Jóns-
son, fyrrverandi forseti Flugmála-
félags Íslands, en fjöldi hagsmuna-
aðila í fluginu kom að gerð matsins.
„Þarna er lagt fram áhættumat
vegna mögulegrar lokunar á norð-
austur-suðvestur-flugbraut Reykja-
víkurflugvallar. Reynt er að meta
hvaða áhætta getur af því stafað og
hvaða mildandi aðgerðir eru mögu-
legar til þess að stemma stigu við
þeirri áhættu sem skapast við lok-
unina.
Niðurstaðan er sú að það mynd-
ast hætta samfara því að loka þess-
ari flugbraut, sem ekki verður unn-
in upp með neinum mótvægis-
aðgerðum. Þótt opnuð verði
sambærileg flugbraut í Keflavík þá
vegur það ekki upp alla áhættuna
sem skapast við það að loka neyð-
arbrautinni.“
Velferðarráðuneyti meti áhrif
Fram kemur í áhættumatinu að
„þrátt fyrir mótvægisaðgerðir get-
ur lokun flugbrautarinnar haft
áhrif á flutning sjúklinga um
Reykjavíkurflugvöll til Landspítala
– háskólasjúkrahúss. Áhættumat á
þessum áhrifum verður að fara
fram hjá réttum faglegum aðilum
undir leiðsögn velferðarráðuneytis,
sem fer með ábyrgð á sjúkraflugi
landsins.“
Segir þar einnig að fundarmenn,
þ.e. tólf einstaklingar sem skráðir
eru fyrir áhættumatinu, hafi bent á
að með lokun brautarinnar „færi
nothæfisstuðullinn niður fyrir 95%
sama hvernig þær tvær brautir
sem eftir væru lægju“. Vísar Sig-
urður Ingi einkum til þeirrar nið-
urstöðu.
Fram kemur í matinu að um-
rædd flugbraut sé notuð að með-
altali 250 sinnum á ári, þegar aðrar
brautir eru ónothæfar vegna vind-
áttar, vindstyrks og bremsuskil-
yrða.
„Það hefur verið reiknaður út
nothæfisstuðull fyrir Reykjavíkur-
flugvöll. Eins og samtökin Hjartað
í Vatnsmýri hafa bent á, var reikn-
að út í skýrslu sem samin var árið
2000 af dr. Guðmundi R. Jónssyni
og dr. Páli Valdimarssyni, prófess-
orum við Verkfræðideild Háskóla
Íslands, og jafnframt í skýrslu hol-
lensku flugvísindastofnunarinnar
(NLR) árið 2006, að Reykjavíkur-
flugvöllur með aðeins tvær flug-
brautir fer í ruslflokk. Í reglugerð-
um um flugvelli er mælt fyrir um
að fjöldi og lega flugbrauta skuli
ráðast af vindáttum og styrk. Að
fjöldi og stefna flugbrauta skuli
vera með þeim hætti að flugvöll-
urinn nái lágmarksviðmiði með 95%
nothæfisstuðul. Þetta er alþjóðlegt
viðmið frá Alþjóðaflugmálastofnun-
inni, ICAO.“
Isavia hafði verkstjórn með
áhættumatinu og var það unnið að
beiðni innanríkisráðherra. Forstjóri
Isavia, Björn Óli Hauksson, vildi
ekki tjá sig um málið.
Isavia telur öryggið minnka
 Fyrrv. forseti Flugmálafélags Íslands telur nýtt áhættumat Isavia vegna NA-
SV-brautar Reykjavíkurflugvallar staðfesta að lokunin myndi draga úr flugöryggi
„Það myndast
hætta samfara því
að loka þessari
flugbraut“
Sigurður Ingi Jónsson
Læknafélag Íslands hefur farið fram
á það við Embætti landlæknis og heil-
brigðisráðherra að beðið verði með
aðgerðir gagnvart læknum sem ekki
hafa skilað landlækni upplýsingum
um starfsemi sína þar til álit Persónu-
verndar liggur fyrir.
Eins og Morgunblaðið greindi frá í
gær sendi Embætti landlæknis bréf
til á fjórða tug lækna, þar sem ósk um
upplýsingar um starfsemi þeirra var
ítrekuð. Þar er m.a. vísað til laga-
ákvæðis um eftirlit með heilbrigðis-
þjónustu, en þar segir meðal annars
að telji landlæknir að heilbrigðisþjón-
usta uppfylli ekki skilyrði í heilbrigð-
islöggjöf skuli hann beina tilmælum
um úrbætur til rekstraraðila. Sé ekki
orðið við því ber landlækni að skýra
ráðherra frá málinu og gera tillögur
um hvað gera skuli.
Getur ráðherra þá tekið ákvörðun
um að stöðva rekstur tímabundið, þar
til bætt hefur verið úr annmörkum,
eða stöðva rekstur að fullu. Kristján
Þór Júlíusson heilbrigðisráðherra
segist ekki geta tjáð sig um málið á
þessu stigi.
Eðlilegast að bíða
Sjálfstætt starfandi lýtalæknar og
ýmsir aðrir sérfræðingar hafa ekki
látið landlækni í té upplýsingar um
starfsemi sína þrátt fyrir ítrekaðar
beiðnir og segja ástæðuna vera að
þeir hafi ekki fengið fullvissu um ör-
yggi upplýsinganna eða á hvaða hátt
þær verði notaðar. Í gær sagði Geir
Gunnlaugsson landlæknir að Emb-
ætti landlæknis væri með hæsta ör-
yggisstig á gagnageymd og að gögnin
væru m.a. notuð til að gera heilbrigð-
isþjónustuna betri og skilvirkari.
„Ég skil ekki hvernig þjónustan
ætti að verða skilvirkari, en ég skil vel
að Embætti landlæknis hafi þörf fyrir
að vita hvað er gert,“ segir Þorbjörn
Jónsson, formaður Læknafélags Ís-
lands. „En það er alltaf spurning um
hversu nákvæm þessi upplýsingagjöf
þarf að vera. Frá okkar bæjardyrum
séð er eðlilegast að bíða eftir áliti Per-
sónuverndar, sem kemur væntanlega
á næstu vikum.“ annalilja@mbl.is
Læknar biðja landlækni
um að bíða eftir áliti
 Spurning um hversu nákvæm upplýsingagjöf þarf að vera
„Við erum að
endurskoða hús-
næðismál RÚV,“
segir Magnús
Geir Þórðarson
útvarpsstjóri. Í
gær var í borgar-
ráði tekið fyrir
erindi Ríkisút-
varpsins um ósk
eftir viðræðum
við Reykjavíkur-
borg um húsnæðismál þess og nýt-
ingu lóðar að Efstaleiti 1. Borgin
skipaði Ólöfu Örvarsdóttur og Hrólf
Jónsson í viðæðunefnd.
Útvarpshúsið er um 16.000 fer-
metrar. Skuldir RÚV eru yfir 6
milljarðar kr., þar af 4,2 milljarðar
til lengri tíma. „Skuldir halda RÚV í
spennitreyju. Þá hentar núverandi
húsnæði óbreytt félaginu ekki. RÚV
á að snúast um innihald og dagskrá,“
segir Magnús Geir.
Hjá RÚV hefur verið settur á
laggirnar starfshópur stjórnar sem
vinnur að húsnæðismálum með
stjórnendum. Þarfagreining hefur
farið fram en engar ákvarðanir hafa
verið teknar. Allt er opið; ein hug-
mynd er sú að RÚV breyti núver-
andi húsnæði og nýti minni hluta
þess, ellegar að það verði selt og
starfsemin flutt.
Magnús Geir segir að frá því opn-
að var á umræðu um húsnæðismál
hafi ýmsir sett sig í samband við
RÚV og lýst yfir áhuga á viðræðum.
sbs@mbl.is
RÚV og
borg ræða
Efstaleitið
Útvarpshúsið er
hugsanlega falt.
 Húsið hentar ekki
og allt í endurskoðun
Fimm piltar á aldrinum 17-19 ára eru
í haldi lögreglu, grunaðir um að hafa
nauðgað 16 ára stúlku í samkvæmi í
austurhluta borgarinnar um síðustu
helgi, en kæra í málinu var lögð fram
síðdegis í fyrradag. Piltarnir voru
handteknir í fyrrakvöld, en lögreglan
hefur lagt fram kröfu um einnar viku
gæsluvarðhald yfir þeim öllum.
Dómari tók sér frest til dagsins í
dag til að ákveða hvort piltarnir skuli
sæta gæsluvarðhaldi eða ekki. Þeir
verða áfram í haldi lögreglu þar til úr-
skurður dómara liggur fyrir.
Fimm piltar
grunaðir um
hópnauðgun
Hæstiréttur hefur staðfest þriggja
ára fangelsisdóm sem Daði Freyr
Kristjánsson hlaut í Héraðsdómi
Reykjavíkur í október sl. fyrir
frelsissviptingu og kynferðisbrot
gagnvart tveimur sjö ára stúlkum.
Daði var ákærður fyrir sifskapar-
og frelsissviptingarbrot með því að
hafa sagt tveimur sjö ára stúlkum að
fara inn í bifreið sína og ekið með
þær á afvikinn stað en hleypt þeim
síðan út á sama stað og hann sótti
þær. Þá var hann einnig ákærður
fyrir kynferðisbrot með því að hafa,
meðan á framangreindri frelsis-
sviptingu stóð, kysst aðra stúlkuna á
kinnina og snert maga og læri þeirra
utan klæða.
Dæmdur í þriggja ára fangelsi
Daði var fundinn sekur um brot
gegn 193. gr., 2. mgr. 202. gr. og 1.
mgr. 226. gr. almennra hegningar-
laga nr. 19/1940. Hann var því
dæmdur í þriggja ára fangelsi og til
að greiða hvorri stúlknanna 800.000
krónur í miskabætur auk vaxta, að
því er segir í dómi Hæstaréttar.
Daði játaði sök fyrir héraðsdómi.
Þá var hinum ákærða gert að
greiða allan áfrýjunarkostnað máls-
ins, samtals 807.795 krónur.
Dæmdur
fyrir að
tæla börn