Morgunblaðið - 23.05.2014, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 23. MAÍ 2014
Sunna Sæmundsdóttir
sunnasaem@mbl.is
„Ég er mjög sátt með niðurstöðuna.
Við náðum í raun öllum okkar mark-
miðum,“ segir Kristín Á. Guðmunds-
dóttir, formaður Félags sjúkraliða,
en samningsaðilar skrifuðu undir
nýjan kjarasamning í gær eftir
rúman 26 klukkustunda langan
fund.
Kjarasamningurinn nær til félags-
manna í Sjúkraliðafélagi Íslands og
SFR sem vinna hjá SFV, Samtökum
fyrirtækja í velferðarþjónustu.
Verkfalli sjúkraliða, sem varði í um
þrjár klukkustundir í gær, hefur því
verið frestað og starfsemi hjúkrun-
arheimila er komin aftur í fyrra horf.
Samningurinn felur í sér um 8%
launahækkun og umtalsverðar bæt-
ur í réttindamálum sjúkraliða.
Launahækkunin felst annars vegar í
2,8% hækkun í samræmi við almenn-
ar launahækkanir og 4,8% hækkun í
samræmi við jafnlaunaátak ríkis-
stjórnarinnar á heilbrigðisstofnun-
um.
Helstu breytingarnar varðandi
réttindamálin felast í samræmdum
reglum um ráðningar, áminningar
og uppsagnir starfsmanna. „Slíkan
kafla hefur vantað. Við höfum verið
með undirritað samkomulag um
uppsagnir við sumar stofnanir en
eftir að við töpuðum máli gegn
Hrafnistu fyrir Hæstarétti vegna
uppsagnar á starfsmanni þar sem
niðurstaðan var sú að þessi sam-
komulög væru einskis virði hefur
verið ljóst að við þyrftum að fá þetta
inn í samninginn,“ segir Kristín.
Réttindakaflinn er sniðinn eftir lög-
um um réttindi og skyldur ríkis-
starfsmanna hvað varðar nauðsyn
áminningar áður en til uppsagnar
kemur. Ekki náðist að knýja fram
afturvirka leiðréttingu á launum til
eins árs líkt og sjúkraliðar fóru fram
á, en þó var samið um bætur í því
formi að laun vegna verkfallsdaga
verða ekki dregin frá heildarlaunum.
Þórunn Kristjánsdóttir
thorunn@mbl.is
Timbur úr Ísafjarðarkirkju sem
brann í júlí árið 1987 verður nýtt til
viðhalds og viðgerða friðaðra og frið-
lýstra húsa, ef farið verður að tillögu
húsafriðunarnefndar þess efnis.
Þetta kom fram í fundargerð húsa-
friðunarnefndar.
Timbrið var varðveitt og komið í
geymslu undir bárujárnsþaki í Engi-
dal þegar kirkjan var rifin niður. Nú,
27 árum eftir brunann, óskaði séra
Magnús Erlingsson, fyrir hönd Ísa-
fjarðarsóknar, eftir að Minjastofnun
Íslands tæki afstöðu til þess hvað
gera ætti við timbrið. Timbrið neðst í
staflanum hefur dregið í sig raka en
það sem er ofan á virðist heillegt.
„Ef timbrið er heilt þá er hægt að
byggja úr gömlum við og kjörið að
nýta efnið í viðgerðir á eldri húsum,“
sagði Magnús Skúlason, formaður
húsafriðunarnefndar.
Í þessu samhengi nefnir hann
dæmi um kirkju sem Þórður Tóm-
asson í Skógum byggði, m.a. úr
gömlu viðum og byggingarhlutum.
„Það er alltaf draumur hjá ein-
hverjum hópi fólks að endurreisa
kirkjuna á Ísafirði. Persónulega tel
ég að hún verði ekki endurreist,“ seg-
ir Magnús og bendir á að um 206 frið-
aðar kirkju sé víðsvegar að finna á Ís-
landi.
Margar þeirra þarfnast viðhalds,
oft eru söfnuðir litlir og fátækir og
þar af leiðandi erfitt fyrir þá að
standa undir viðhaldskostnaði.
Vilja friðlýsa Hallgrímskirkju
Í fundargerðinni mælti húsafrið-
unarnefnd m.a. með friðlýsingu Vatn-
eyrarbúðar, eins sögufrægasta húss á
Patreksfirði, og gamla barnaskólans
á Bíldudal. Þá lagði Minjastofnun
fram tvær tillögur að friðlýsingu.
Annars vegar Bergstaðastræti 70 og
hins vegar Hallgrímskirkju í Saurbæ.
Nefndin er ráðgefandi fyrir Minja-
stofnun Íslands. Forsætisráðuneytið
tekur síðan ákvörðun um friðlýsingu
húsa.
Gamalt timbur í viðgerðir
 Timbur úr Ísafjarðarkirkju sem brann í júlí árið 1987 verður nýtt til viðhalds
friðaðra og friðlýstra húsa, ef farið verður að tillögu húsafriðunarnefndar
Morgunblaðið/Úlfar Ágústsson
Ísafjarðarkirkja Kirkjan varð eldi að bráð árið 1987. Timbrið úr henni var
varðveitt þegar hún var rifin niður og verður líklega nýtt í friðlýst hús.
„Við höfum fengið mikla mótspyrnu við réttindakaflanum frá for-
ráðamönnum stofnana,“ segir Árni Stefán Jónsson, formaður SFR. Hann
segir að sátt hafi ekki verið um þrengri heimildir til uppsagna.
„Á almennum vinnumarkaði er hægt að segja fólki umsvifalaust upp
en nú er gert ráð fyrir að það þurfi áminningu og starfsmanni skal vera
gefið færi á að tala sínu máli. Ástæður fyrir uppsögn þurfa að vera mál-
efnalegar og starfsmenn munu eiga möguleika á að bæta sig áður en
þeim er sagt upp,“ segir Árni.
Hann segir réttindamálin hafa verið til mikilla vandræða og ósamræmd
á milli stofnana og er því mjög sáttur með að réttindakaflanum hafi loks
verið komið saman með þessum hætti.
Mótspyrna við réttindakafla
RÉTTINDI STARFSMANNA ORÐIN SKÝRARI
Morgunblaðið/Kristinn
Karphúsið Árni Stefán Jónsson, formaður SFR, og Kristín Á. Guðmundsdóttir, formaður Félags sjúkraliða, gæddu
sér á gómsætum vöfflum, þegar nýr kjarasamningur var loksins í höfn, eftir langa og stranga samningslotu.
Samningur í höfn
hjá sjúkraliðum
 Um 8% launahækkun og umbætur í réttindamálum
Baldur Arnarson
baldura@mbl.is
Tékkar munu sinna loftrýmisgæslu
við Ísland í október og nóvember í
haust. Fjórar til sex orrustuþotur
koma hingað vegna þessa og fylgir
þeim um 50 manna starfslið.
Vefur tékkneska dagblaðsins
Prague Post greinir frá þessu og er
haft eftir Martin Stropnický, varnar-
málaráðherra Tékklands, að fyrir-
huguð þriggja vikna loftrýmisgæsla
við Ísland verði framlengd um
nokkrar vikur. Segir þar jafnframt
að tékkneskar Jas-39 Gripen
orrustuþotur verði notaðar við gæsl-
una og að tékknesk og íslensk stjórn-
völd muni deila kostnaðinum.
Kostar 10-15 milljónir
Ásgrímur L. Ásgrímsson, fram-
kvæmdastjóri aðgerðasviðs hjá
Landhelgisgæslunni, segir að kostn-
aður íslenskra stjórnvalda vegna
þessa verði 10-15 milljónir. Á móti
skapi eftirlitið ýmsar tekjur.
Eftir að herlið Bandaríkjamanna
yfirgaf Ísland árið 2006 samþykkti
fastaráð Atlantshafsbandalagsins,
NATO, að komið yrði á reglulegri
loftrýmisgæslu umhverfis Ísland og
er þetta í fyrsta sinn sem Tékkar
taka þetta að sér, að sögn Ásgríms.
Hann segir loftrýmisgæslunni
vera sinnt að jafnaði þrisvar á ári.
Það sem af er árinu 2014 hafi farið
fram þjálfunarverkefnið „Iceland
Air Meet 2014“ í febrúar. Þátttak-
endur komu frá Íslandi, Noregi, Hol-
landi, Svíþjóð, Finnlandi og Banda-
ríkjunum. Bandaríkjamenn hafi
undanfarna viku sinnt eftirlitinu við
Ísland og verði hér áfram næstu
tvær vikur. Bandaríkjamenn sinna
eftirliti ár hvert og Kandamenn,
Danir og Norðmenn annað hvert ár,
aðrar NATO-þjóðir svo til skiptis.
Tékkar sinna
loftrýmisgæslu
 Koma með 4 til 6 orrustuþotur í haust
Morgunblaðið/Þórður
Á Keflavíkurflugvelli Frá „Iceland
Air Meet 2014“-æfingunni í febrúar.
Hinn 27. júlí
árið 1987
brann Ísa-
fjarðarkirkja
og var mikið
skemmd eft-
ir brunann.
Hún var tek-
in niður og
ný kirkja var
vígð árið
1995. Talið
var að kviknað hefði í henni út
frá rafmagni. Gamla kirkjan var
vígð árið 1863 og var því 124
ára gömul þegar hún brann.
Hún var reist af þáverandi sókn-
arpresti, Hálfdáni Einarssyni, og
syni hans, Einari. Kirkjan var í
hefðbundnum 19. aldar stíl með
myndarlegri forkirkju og set-
lofti og stór miðað við sveita-
kirkjur þess tíma.
124 ára þeg-
ar hún brann
ÍSAFJARÐARKIRKJA
Predikunarstóll
gömlu kirkjunnar.
Stórhöfða 21 | sími 545 5500 | flis.is
PARKETFLÍSAR
ekkert að pússa og lakka