Morgunblaðið - 23.05.2014, Blaðsíða 18

BAKSVIÐ
Sigurður Bogi Sævarsson
sbs@mbl.is
Á Akureyri þykir baráttan fyrir
komandi bæjarstjórnarkosningar
hafa verið hófstillt að minnsta kosti
til þessa, segja viðmælendur Morg-
unblaðsins sem þekkja til bæj-
armála þar. Þeir telja þetta athygl-
isvert, því ýmis stórmál séu í deiglu
og þau þurfi að ræða. Nefna megi
nýtt skipulag miðbæjarins sem og
fjármál sveitarfélagsins, sem lítið
hafi verið rædd. En hvað veldur
þessu dauflyndi? Greinendur
nyrðra telja líklega skýringu þá að
fulltrúar flokkanna veigri sér við að
rugga bátnum af ótta við að fá á sig
harða gagnrýni til baka.
Reynslan skiptir máli
„Á næstu árum er mikilvægt að
huga að uppbyggingu sterkari inn-
viða samfélagsins. Áherslur okkar
miðast við þetta,“ segir Guðmundur
Baldvin Guðmundsson, oddviti
Framsóknarflokksins á Akureyri. Í
þessu samhengi nefnir hann skóla-
og velferðarmál, en á þeim sviðum
hafi mikið verið skorið niður á síð-
ustu árum. Úr því verði að bæta,
nú þegar búið er að byggja skóla,
menningarhús og íþróttamannvirki.
„Við bendum líka á að af þeim sem
líklegir eru til að ná kjöri í bæj-
arstjórn er ég sá eini sem áður hef-
ur setið þar heilt kjörtímabil.
Reynsla skiptir máli,“ segir Guð-
mundur Baldvin.
Velferð í breiðri merkingu er
áherslumál Bjartrar framtíðar.
Margrét Kristín Helgadóttir, sem
skipar efsta sæti lista framboðsins,
tiltekur eflt grunnskólastarf, aukið
tómstundaframboð fyrir börn og
unglinga og að bæta þurfi aðgengi
að heilsugæslu og fleiru.
Í nýlegri könnun Morgunblaðsins
mældist Björt framtíð á Akureyri
með 20,6% fylgi en í könnun bæj-
arblaðsins Vikudags, sem út kom í
gær, mældist það 13,4%. „Við erum
nýtt framboð og sjálfsagt skýrir
það að einhverju leyti hvers vegna
fylgið dalar. En þar sem við höfum
ekki boðið fram áður er þó mjög
gott að við almennt komumst á
dagskrá og að Björt framtíð sé
raunverulegur valkostur meðal
kjósenda,“ útskýrir Margrét Krist-
ín. Segir stefnuna setta á að Björt
framtíð fái tvo fulltrúa í bæj-
arstjórn Akureyrar
Orkan sé öruggari
Á líðandi kjörtímabili hefur L-
listi fólksins, sem eftir ýmsar vend-
ingar heitir nú L-listinn – bæjarlisti
Akureyrar, haft hreinan meirihluta
í bæjarstjórn. Nú mælist fylgið um
20%. „Í samtölum við bæjarbúa
finnum við að þeim líkar hvernig
bænum hefur verið stjórnað síðustu
ár. Ýmis mál ber þó á góma þar
sem við komum, íbúarnir vilja betri
snjómokstur og atvinnurekendur
um nauðsyn á auknu framboði raf-
orku á svæðið vegna uppbyggingar
atvinnutækifæra og annars,“ segir
Matthías Rögnvaldsson, oddviti
listans.
„Nú mælist fylgið um 21% en við
setjum stefnuna á 27% svo það er
verk að vinna,“ segir Gunnar Gísla-
son, leiðtogi Sjálfstæðisflokks. Í
rabbi við kjósendur segir Gunnar
marga hafa nefnt skipulagsmál.
Þrenging Glerárgötu í miðbænum,
þar sem hringurinn liggur mælist
misjafnlega fyrir. Þá nefnir fulltrúi
atvinnulífsins að styrkja þurfi orku-
flutninga inn á Eyjafjarðarsvæðið. Í
þeim efnum sé staðan brothætt
sem standi mörgu fyrir þrifum.
Bæta í eftir niðurskurð
Samfylkingin á Akureyri sækir í
sig veðrið. Í könnun Morgunblaðs-
ins á dögunum mældist fylgið 9,5
en er skv. könnun Vikudags í gær
komið í 14,4%. Það er innistæða
fyrir tveimur mönnum í bæj-
arstjórn. „Þegar hagur samfélags-
ins er að vænkast er mikilvægt að
jafnaðarstefna eigi öfluga talsmenn
í bæjarstjórn,“ segir Logi Már Ein-
arsson sem fer fyrir lista flokksins.
„Í samtölum við starfsfólk skóla
og félagsþjónustu kemur fram að
því þykir vegna fjárskorts lítið svig-
rúm til að veita þjónustu. Því verð-
ur að bæta úr eftir niðurskurð.“
Sóley Björk Stefánsdóttir, oddviti
VG, segir launajafnrétti í öndvegi á
stefnuskránni. Fái flokkurinn tæki-
færi ætli bæjarfulltrúar hans að
beita sér fyrir því að bæjarstarfs-
menn með laun undir meðaltali á
landsvísu fái kjarabætur. Slíkt smiti
út frá sér, enda sé Akureyrarbær
stór vinnuveitandi. „Þegar hagur
fólks og fyrirtækja vænkast er mik-
ilvægt að kökunni sé skipt af sann-
girni,“ segir Sóley Björk.
Sterkari innviðir
og sanngjörn
skipting köku
 Dauflyndi í baráttunni á Akureyri  Skipulagsmál, betri
skólar og heilsugæsla í deiglu  L-listinn og BF skora
MORGUNBLAÐIÐ FÖSTUDAGUR 23. MAÍ 2014
KOSNINGABARÁTTAN
AKUREYRI, AKRANES OG FJARÐABYGGÐ
Stefán Gunnar Sveinsson
sgs@mbl.is
Ýmis málefni hafa staðið upp úr í
kosningabaráttunni á Akranesi, en
þeirra á meðal eru skipulagsmál og
framtíðarskipan skólamála, þar sem
grunnskólarnir tveir á staðnum séu
við það að verða of litlir fyrir þann
fjölda sem sækir þá. Í samtölum við
oddvita flokkanna kom fram að þeir
voru sammála um að brýnt væri að
taka á þeim vanda og að nokkur
snertiflötur væri þar á með flokk-
unum, en að ræða þyrfti hvort búa
ætti til sérstaka unglingadeild eða
byggja nýjan skóla.
Ráðdeild og hagsýni
Ólafur Adolfsson, oddviti Sjálf-
stæðisflokksins á Akranesi, segir að
sér lítist vel á stöðuna, en flokkurinn
mælist nú í könnunum með fjóra
menn af níu í bæjarstjórn. „Við telj-
um okkur hafa meðbyr og erum að
vinna í að nýta hann sem best.“ Ólaf-
ur segir að flokkurinn hafi einkum
lagt áherslu á tvennt. „Grunnstefið
er að reka bæinn með glans, við vilj-
um sýna ráðdeild og hagsýni við
rekstur bæjarins og á grundvelli þess
búa til þá fjármuni sem geta fóðrað
hina málaflokkana,“ segir Ólafur.
Hann segir nokkur atriði brenna á.
„Við erum til dæmis með skóla sem
er kominn að þolmörkum, það skortir
nokkuð á í viðhaldi og fegrun bæj-
arins og svo mætti lengi telja.“ Ólaf-
ur segir að flokkurinn vilji að bæj-
arbúar njóti afraksturs sparnaðarins
í formi lækkaðra gjalda.
Góðar viðtökur
Vilborg Þórunn Guðbjartsdóttir,
oddviti Bjartrar framtíðar, segir að
samtal flokksins við bæjarbúa gangi
vel. Viðtökurnar hafi alls staðar verið
góðar og góður hljómgrunnur fyrir
boðskap hans, sem sé mikilvægt fyrir
nýtt framboð, en Björt framtíð er
næststærsti flokkurinn samkvæmt
síðustu könnun Félagsvísindastofn-
unar fyrir Morgunblaðið. „Við erum
ekki með loforðalista, heldur leggjum
áherslu á samráð á milli stjórnsýsl-
unnar og bæjarbúa,“ segir Vilborg
Vaxtarverkir
á Akranesi
 Málefni grunnskólans í brennidepli
DÚKAR OG SERVÍETTUR
Mikið úrval af
fallegum dúkum og
servíettum í ýmsum
stærðum og gerðum
Lítið við ogskoðið úrvalið
Álnabær
Allt fyrir gluggann… úrval, gæði og þjónusta
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
Sími 588 5900 ▪ alnabaer.is ▪ Opnunartími: mán -fös 11-18
Beis eða hvítur dúkur
Verð frá kr. 4.190
teg. Polyester
Stærðir: 150x220,
150x250, 150x300,
150x320
Hvítur dúkur
Verð frá kr. 4.690
teg. Polyester
Stærðir: 150x220,
150x250, 150x300
Hvítar servíettur
teg. Polyester
6 stk. í pakka
kr. 1.800
Blúnda ásamt
undirdúk,
2 saman í kassa.
Verð frá kr. 7.650
teg. Polyester
Stærðir: 160x220,
160x250, 160x300
Drapplitaður
hördúkur
með servíettum.
Verð frá kr. 9.200
Stærð 160x230,
160x280