Morgunblaðið - 23.05.2014, Blaðsíða 16

16 FRÉTTIRInnlent
MORGUNBLAÐIÐ FÖSTUDAGUR 23. MAÍ 2014
Mónakó-mótið er talsvert eldri
viðburður en Formúlu 1-mótaröðin
enda fyrst ekið þar árið 1929, eins
og fyrr sagði, og fagnar því kapp-
aksturinn sá 85 ára afmæli í ár. Þeg-
ar stofnað var til Formúlu 1 árið
1950 var Mónakó vitaskuld höfð með
í mótaröðinni enda þá þegar búin að
skapa sér sterkt nafn í heimi kapp-
akstursíþrótta, enda tilheyrði
keppnin þá hinum virtu „Grand
Prix“-keppnum, sem FIA stendur
fyrir, síðan 1946.
Nöfnin dregin úr hatti
Þess má geta að uppstilling á rás-
marki í takt við aksturstíma í tíma-
töku er fyrirkomulag sem fyrst var
tekið upp í Mónakó árið 1933; áður
voru miðar með nöfnum ökumanna
settir í hatt og svo dregið úr. Form-
úla 1 hefur haft þennan hátt á allt
frá upphafi.
Þá hefur það vitaskuld ekki slegið
á ljómann í kringum keppnina að
vettvangurinn, furstadæmið og
skattaparadísin Mónakó, hefur
löngum verið leikvöllur þotuliðsins,
hinna ofurríku og heimsfrægu. Fyr-
ir vikið er stjörnufansinn meðal
áhorfenda hvergi eins þéttur og í
kringum Mónakó-kappaksturinn og
varla finnst laust pláss til að leggja
snekkju að í höfninni um þá helgi
sem mótið fer fram.
Glimmerið á yfirsnúningi
Glamúrinn, glaumurinn og glimm-
erið er á yfirsnúningi, ekki síður en
öskrandi vélarnar í Formúlu 1-fák-
unum sem æða um göturnar í von
um sigur. Enda er það svo að öku-
menn leggja allt í sölurnar, þenja
bílinn að þolmörkum og tefla á tæp-
asta vað enda augu heimsbyggð-
arinnar á þeim sem aldrei fyrr – að
ekki sé minnst á öll rándýru merkja-
vörusólgleraugun sem sitja á nefjum
heimamanna. Það er ekki verra að
ganga í augun á hinum innfæddu og
aðfluttu því þau eru öllsömul millj-
arðamæringar. Til að hámarka nú
örugglega samlegðaráhrifin við Al-
þjóðlegu kvikmyndahátíðina í Can-
nes, sem er ekki minni vettvangur
fyrir hina ríku og frægu, var mótið í
ár fært til svo þessir tveir stór-
viðburðir á glamúr-dagatalinu lægju
nær hvor öðrum. Enda vitaskuld
óþarfi að láta einkaþoturnar sendast
óþarfa snúninga til og frá, eða hvað?
Framundan er því ein allra
skemmtilegasta og óvenjulegasta
keppnin í Formúlu 1, sjálf „Mónakó-
múlan“.
Hvort Lewis Hamilton fær of-
birtu í augun af glysinu og fatast í
framhaldinu flugið verður að koma í
ljós en fátt annað virðist um þessar
mundir geta komið í veg fyrir
áframhaldandi yfirburði Mercedes-
liðsins. Hvernig sem fer má alltént
bóka ómengaða skemmtun sem fel-
ur í sér ákveðinn hápunkt á aksturs-
íþróttadagatalinu og enginn áhuga-
maður um kraftmikla bíla eða lífsstíl
hinna ríku og frægu má láta framhjá
sér fara.
Hinn frægi kappakstur þotuliðsins
 Kappakstursbrautin í Mónakó er sú erfiðasta af öllum í Formúlu 1-mótaröðinni  Keppnin fer
fram um helgina  Hún var færð til og verður á sama tíma og Alþjóðlega kvikmyndahátíðin í Cannes
Sólbað Snótir sleikja sólskinið við dynjandi undirspil formúlubílanna.
Mónakó Sprett úr spori innan um fólksmergð á aðra hönd og snekkjufjöld á hina. Umgerð keppninnar er engu lík.
SVIÐSLJÓS
Jón Agnar Ólason
jonagnar@mbl.is
Hún er erfiðasta brautin af öllum í
Formúlu 1-mótaröðinni, sú hægasta
af þeim öllum sömuleiðis og hvergi
má ökumaður gera minnstu mistök
ef ekki á illa að fara. Samt er Móna-
kó draumur allra ökumanna. Hinn
sögufrægi Mónakó-kappakstur fer
fram næstkomandi sunnudag, 25.
maí, og hefst klukkan 12 á hádegi að
íslenskum tíma. Tímatakan fer fram
daginn áður, laugardag, og hefst á
sama tíma.
Allt frá því keppni hófst í Mónakó
árið 1929 hefur brautin notið marg-
víslegrar sérstöðu meðal annarra
keppnisbrauta í Formúlu 1. Fyrst er
auðvitað að nefna að keppnin fer
ekki fram á sérstakri aksturs-
íþróttabraut heldur er ekið um göt-
ur Monte Carlo, götur sem aðra
daga ársins þjóna venjulegri
fólksbílaumferð. Brautin á engu að
síður sína spennandi hraðakst-
urskafla, ekki síst undirgöngin
margfrægu sem liggja að snekkju-
höfninni, svo kappakstursbílarnir fá
að spretta úr spori í bland við snún-
ar u-beygjur og örar hraðabreyt-
ingar hvarvetna. Þá eru hækkanir
og samsvarandi lækkanir á braut-
inni sem hvergi annars staðar bjóð-
ast í Formúlu 1.
Eins og að hjóla í stofunni
Allt þetta gerir brautina að gríð-
arlegri þolraun fyrir bíla jafnt sem
ökuþóra. Ekki að furða að Grand
Prix de Monte Carlo sé á goðsagna-
kenndum stalli og fátt jafnast á við
keppnina nema ef vera skyldi 24
klukkustunda þolaksturinn í Le
Mans.
Það er ekki út í bláinn að Mónakó
er talin mesta þolraunin í Formúlu
1. Hinn brasilíski Nelson Piquet,
þrefaldur heimsmeistari í Formúlu
1, hafði gjarnan á orði að „kapp-
akstur í Mónakó væri eins og að fara
um á reiðhjóli í stofunni heima“. Orð
að sönnu.
Með hliðsjón af því hversu skært stjörnunar skína í
Mónakó þarf því ekki að koma á óvart að sigursælasti
ökuþór allra tíma á brautinni er sjarmatröllið Ayrton
heitinn Senna; hann vann mótið alls sex sinnum og
þar af fimm sinnum í röð, 1989 til og með 1993. Alls
komst hann átta sinnum á verðlaunapall á þeim tíu
mótum sem hann keppti á í Mónakó.
Af öðrum ökuþórum sem gerðu garðinn frægan á
götum furstadæmisins má nefna Graham Hill (föður
Damons, heimsmeistara í F1 1996), sem hafði sigur
alls fimm sinnum á sjöunda áratugnum og var fyrir
bragðið nefndur „Mr Monaco“. Michael Schumacher á einnig að baki
fimm sigra á götum Monte Carlo – 1994, 1995, 1997, 1999 og 2001 – og á
auk þess hraðasta hring sem þar hefur verið ekinn, 1:14.439.
Michael Schumacher hefur löngum verið ástmögur íbúanna og það er
víst að margir hugsa til hans og senda baráttukveðjur þar sem hann ligg-
ur enn þungt haldinn eftir skíðaslys um síðustu áramót.
STJÖRNURNAR SKÍNA Í MÓNAKÓ
Ayrton Senna
Keppnin Formúlubílarnir liðast um krákustigu Mónakóbrautarinnar.
Senna hefur oftast unnið
Bæjarlind 16 I 201 Kópavogur I sími 553 7100 I www.linan.is
Opið mánudaga til föstudaga 11 - 18 I laugardaga 11 - 16
UNFURL kr. 109.000
Svefnbreidd 120x200
UNFURL deluxe kr. 129.900
Svefnbreidd 120x200
RECAST kr. 129.900
Svefnbreidd 140x200
TRYM Svefnsófi kr. 198.900 I Svefnbreidd 140x200
SVEFNSÓFAR