Morgunblaðið - 23.08.2014, Blaðsíða 49

MENNING 49
MORGUNBLAÐIÐ LAUGARDAGUR 23. ÁGÚST 2014
Davíð Már Stefánsson
davidmar@mbl.is
Í dag fer fram fjöllistahátíðin Mucho Grandi, en veislan
mun eiga sér stað í húsalengju við Hólmaslóð á Granda-
svæði Reykjavíkur. Hátíðin er samstarfsverkefni
Festisvalls, Reglu hins öfuga pýramída, Skiltamálunar
Reykjavíkur og Járnbrautar. Rýmin í húsalengjunni eru
vinnustofur listamanna megnið af árinu en þeir ætla að
opna dyr sínar, færa fróðleik og skemmta öllu áhugafólki
um menninguna sem býr á Granda.
„Þetta eru þrír staðir sem hægt er að rölta á milli en
þeir eru allir í sömu húsalengjunni. Það verða einnig við-
burðir fyrir utan staðina, matur og fríar veigar og vík-
ingarnir í Rimmugýgi mæta auk þess á svæðið. Það
verður eitthvað fyrir alla,“ segir Alexander Jean de
Fontenay, einn af skipuleggjendum hátíðarinnar. Um
verður að ræða lifandi tónlist, einstakar uppákomur og
stórar myndlistarsýningar í öllum rýmum. Fjöldi lista-
manna af yngri kynslóðinni sýnir verk sín og kemur
fram, en þátttakendur hátíðarinnar eiga það sameig-
inlegt að hafa starfrækt iðju sína á svæðinu undanfarin
ár.
Mikil gróska á Granda
„Það hafa náttúrlega verið tónleikar þarna undan-
farnar Menningarnætur en þetta verður stærra í sniðum
í ár. Í ár langar okkur bara að sýna hversu mikið líf er úti
á Granda. Það er því um að gera að halda fleiri viðburði
þar,“ segir hann.
Meðal hljómsveita sem koma fram á Járnbraut eru
Grísalappalísa, Kælan Mikla, Just Another Snake Cult,
Skelkur í bringu og Nolo. Meðal listamanna sem koma
fram má nefna Árna Má Erlingsson, Dóru Hrund Gísla-
dóttur, Helgu Páleyju, Helga Þórsson, Guðlaugu Míu
Eyþórsdóttur, Magnús Andersen og Rögnvald Skúla
Árnason.
„Meðlimir hljómsveitanna þekkjast náttúrlega vel, þar
sem þau eru öll að æfa saman í þessum rýmum. Það
hefur kannski ekki verið eins mikil samvinna á milli tón-
listar- og myndlistarfólksins en þetta er þó svo skylt að
það er mjög auðvelt að setja þetta allt saman í einn
hrærigraut,“ segir Alexander.
Hugmyndin er að sýna þá miklu grósku sem á sér stað
við hafið og deila með öllum sem eiga leið um Grandann á
Menningarnótt 2014.
„Eftir flugeldasýninguna munu síðan plötusnúðar
halda fjörinu gangandi,“ kveður Alexander að lokum.
Hátíðin hefst klukkan 14 og stendur því fram á nótt.
Ljósmynd/Sigurður Möller Sívertsen
Hátíð Það verður eitthvað fyrir alla á Granda í dag.
Menningarveisla á Granda
 Fjöllistahátíðin Mucho Grandi fer fram á Grandasvæði
Reykjavíkur í dag  Rúmlega sextíu listamenn koma fram
Sveitin Boogie Trouble mun standa fyrir balli í
kvöld á skemmtistaðnum Húrra í Reykjavík og
leika frumsamið efni og vel valda sparislagara
fram á rauða nótt. Ballið byrjar um leið og flug-
eldasýningu lýkur. Sveitin var stofnuð síðla árs
2011 og státar hún af einvalaliði íslenskra tón-
listarmanna og kvenna, en hana skipa Klara
Arnalds, Ingibjörg Elsa Turchi, Sindri Freyr
Steinsson, Sigurður Tómas Guðmundsson, Krist-
inn Roach, Sunna Karen Einarsdóttir og Arnar
Birgisson, auk þess sem Helga Ragnarsdóttir
hefur átt fastan sess.
Boogie Trouble á skemmtistaðnum Húrra
Diskó Boogie Trouble spilar
á Húrra í kvöld.
Efnt verður til tónleika í dag í port-
inu á bak við skemmtistaðinn Bar
11, sem stendur við Hverfisgötu 18
í miðborg Reykjavíkur, en tónleik-
arnir eru haldnir í samstarfi við út-
varpsrásina X977. Veislan hefst
klukkan 14, en í portinu hefur verið
reist stórt svið með öflugu hljóð-
kerfi. Tónleikarnir verða því að
sögn aðstandenda veisla fyrir bæði
augu og eyru. Meðal sveita sem
koma fram má nefna Kaleo, Sól-
stafi, Dimmu, Agent Fresco,
Emmsjé Gauta, Reykjavíkurdætur
og Endless Dark. Tónleikarnir
munu standa fram að flugeldasýn-
ingu en eftir hana taka plötusnúðar
við og halda fjörinu gangandi.
Tónleikaveisla í portinu á bak við Bar 11
Portið Sólstafir koma fram.
Átta ungir listamenn munu í dag
setja upp myndlistarsýningu í
Safnahúsinu við Hverfisgötu. Sýn-
ingin samanstendur af nýjum lista-
verkum af fjölbreytilegri gerð á
tveimur hæðum hússins. Opnunin
verður klukkan 19 sem hluti af dag-
skrá hússins á menningarnótt. Auk
þess verður hún opin vikuna á eftir,
dagana 25. til 27. ágúst frá klukkan
13 til 16. Meðal sýnenda eru Andr-
eas Toriseva, Brynjar Helgason og
Hanna Kristín Birgisdóttir.
Myndlistarsýning í
Safnahúsinu
Myndlist Efnt verður til sýningar í
Safnahúsinu við Hverfisgötu í Reykjavík.
Að undanförnu hafa reglu-lega birst ógnvænlegarfréttir af hugsanlegri út-breiðslu ebólu um heim-
inn. Spennusagan Síðasti hlekkurinn
eftir Svíann Fre-
drik T. Olsson er
af sama meiði,
saga sem gerist
allt í kringum
okkur og heldur
lesandanum við
efnið, því hann,
eins og aðrir, vill
vita hvort út-
gönguleið finnist.
Frá því jörð
byggðist hafa menn þurft að glíma
við hörmungar og ýmsa faraldra. Þó
reynt sé að finna lausnir við vanda-
málum virðast alltaf spretta upp nýj-
ar ógnir. Rýni leist ekki á blikuna,
þegar hann byrjaði á Síðasta
hlekknum og hóf lesturinn á orðinu
ferundarkerfi. Orðið eitt og sér virk-
ar frekar fráhrindandi sem og marg-
víslegar jöfnur, kóðar og talnarunur,
sem eru eins og rauður þráður í
gegnum bókina, en þau undirstrika
vanmáttinn gegn aðsteðjandi ógn,
hver sem hún er.
Sögusviðið er einkum Svíþjóð,
Amsterdam, Berlín og Liechtenstein
um þessar mundir. Helstu persónur
eru ungt, framsækið fólk og barátta
þess upp á líf og dauða. Persónurnar
eru sem ljóslifandi og lesandinn
ferðast með þeim á ógnarhraða fram
og aftur í leit að lausninni. Fortíðin
er ljós, en óvissa með nánustu fram-
tíð. Ragnarök koma helst upp í hug-
ann. Þá er fátt til varnar.
Síðasti hlekkurinn er mjög spenn-
andi bók og frásögnin heldur allan
tímann. Einhverra hluta vegna hafa
spennusögur lengst upp á síðkastið
og er það miður en kemur ekki að
sök að þessu sinni. Þýðingin hittir í
mark og lipur texti ásamt mikilli
spennu gerir það að verkum að les-
andi getur ekki hætt fyrr en yfir lýk-
ur.
Gagntekur „Síðasti hlekkurinn er mjög spennandi bók og frásögnin heldur
allan tímann,“ segir m.a. um spennusögu Svíans Fredrik T. Olsson.
Spennusaga
Síðasti hlekkurinn bbbbn
Eftir Fredrik T. Olsson. Ísak Harðarson
þýddi. Kilja. 591 bls. Vaka-Helgafell
2014.
STEINÞÓR
GUÐBJARTSSON
BÆKUR
Allar bjargir
bannaðar
EIN ÓVÆNTASTA
SPENNUMYND ÁRSINS
FÓR BEINT Á TOPPINN Í USA
TÖFRANDI MYND FYRIR
ALLA FJÖLSKYLDUNA
ÍSL.
TAL
Sími: 553-2075 www.laugarasbio.is
Miðasala og nánari upplýsingar
Tilboð í bíó GILDIR Á ALLAR SÝNINGARMERKTAR MEÐ RAUÐU
16
ÍSL.
TAL L
L
L
12
14
LET´S BE COP´S Sýnd kl. 5:45 - 8 - 10:35
THE EXPENDABLES 3 Sýnd kl. 5 - 8 - 10:15 (P)
LUCY Sýnd kl. 8 - 10
AÐ TEMJA DREKANN 2D Sýnd kl. 2 - 5
DINO TIME Sýnd kl. 2 - 3:50
TÖFRALANDIÐ OZ 2D Sýnd kl. 1:50
POWERSÝNING
KL. 10:15
LAUGARÁSBÍÓ Sýningartímar