Morgunblaðið - Sunnudagur - 09.11.2014, Síða 34

34 MORGUNBLAÐIÐ SUNNUDAGUR 9.11. 2014
Matur og drykkir
H
afdís Priscilla Magnúsdóttir bauð vinkonum og syst-
ur heim í gúllassúpu, heimalagað kex í forrétt og
girnilega bountyköku í eftirrétt. Hafdís heldur úti
matarblogginu disukokur.is sem nýtur mikilla vin-
sælda en væntanleg er matreiðslubók úr hennar fórum. Hafdís
hefur eldað án sykurs og hveitis í meira en ár og uppskriftir
hennar eru í þeim dúr.
„Með aðalréttinn kom eiginlega ekkert annað til greina en
gúllassúpa sem maðurinn minn gerir alltaf. Ekta haustmatur.
Osta, kex og jarðarberjasultu er svo alltaf hægt að borða, með
hvaða mat sem er. Bountykakan gaf svo sólarkeim með sér inn
í haustið. En aðallega, eins og alltaf, var hugsunin hvað langar
mig að elda og baka. Ég er alveg á því að ef maður gerir þetta
með ánægju og gleði skilar það sér í matinn,“ segir Hafdís að-
spurð hvernig hún hafi ákveðið matseðilinn. Maturinn féll vel í
kramið og allir fóru saddir og sáttir heim.
Hvað finnst þér skemmtilegast að elda?
„Súpur er skemmtilegast að bjóða upp á. Humarsúpa, gúll-
as- eða kjötsúpa eru í uppáhaldi hjá okkur hjónum, með góðu
brauði. Ég held samt að það sé undirbúningurinn og mat-
reiðslan sem heillar mig. Við hjónin vinnum vel saman þegar
kemur að súpugerð og því verður þetta gæðastund hjá okkur
saman í eldhúsinu; að saxa niður grænmetið, smakka til og
hræra í pottum.“
Hafdís segir að hún og eiginmaður hennar, Jón Baldur Bald-
ursson, hafi sett stefnuna á að keyra matarboðsgírinn í gang.
Jón Baldur hefur starfað á Grænlandi í tvö ár og því minna
farið fyrir boðum en ella síðustu árin. „Okkur finnst samt alltaf
gaman að fá góða vini í mat og stefnan tekin á nýju ári á að
endurvekja matarklúbba. Tengdaforeldrar mínir hins vegar
búa mjög nálægt okkur og við bjóðum þeim reglulega að kíkja
í mat til okkar.“
Gestir boðsins frá vinstri: Svanborg Gísladóttir, Hafdís Priscilla Magnúsdóttir, Al-
exander Gauti Aðalsteinsson, Ólöf Fríða Magnúsdóttir og Dagný Ágústdóttir.
Morgunblaðið/Þórður
MATARBOÐ HAFDÍSAR PRISCILLU
Haustsúpa og
heimalagað kex
HAFDÍS PRISCILLA MAGNÚSDÓTTIR ELDAÐI GÚLLASSÚPU, HEIMALAGAÐ KEX, ÚTBJÓ JARÐARBERJASULTU
OG BOUNTYKÖKU EFTIR HOLLUSTUNNAR BRAGÐI OG BAUÐ VINKONUM OG SYSTUR HEIM Í MAT.
700 g nautagúllas
1 laukur
1 rauðlaukur
6 hvítlauksrif
3 msk olía eða smjör til steikingar
1 ½ msk paprikuduft
1 ½ l vatn
2 súputeningar
1 tsk kúmen
2 tsk meiran
700 g sætar kartöflur
2 gulrætur
2 paprikur
150 g tómatpúrra
cayennepipar á hnífsoddi
Saxið lauk og pressið hvítlauksrif. Steikið nautagúllas í ol-
íu eða smjöri í stórum potti ásamt lauk og hvítlauk. Stráið
paprikudufti yfir kjötið og bætið vatni út í pottinn ásamt
súputening, kúmeni, meiran og cayennedufti. Látið sjóða
við vægan hita í um það bil 40-50 mínútur. Flysjið sætar
kartöflur og skerið í teninga. Skerið gulrætur og papriku
einnig í bita. Bætið niðurskorna grænmetinu við ásamt tóm-
atpúrru og látið sjóða áfram við vægan hita í 30 mínútur.
Gúllassúpa Jóns
Heimagert sesamkex með
jarðarberjasultu
SESAMKEX
120 g sesamfræ
50 g rifinn ostur
1 egg
1 msk. brætt smjör eða kókosolía
½tsk. hvítlaukssalt
Blandið öllu vel saman í skál og setjið deigið á bökunarpappír.
Fletjið það út. Gott er að setja svo annað lag af bökunarpappír
yfir og fletja enn betur út með kökukefli. Bakið í 12-15 mínútur
við 160°C eða þar til kexið er gyllt. Takið það úr ofninum, snú-
ið kexinu við og notið pítsuskera til að skera kexið í þá stærð
sem óskað er. Hitið þá í 20-30 mínútur í viðbót við 100°C
JARÐARBERJASULTA
1 bolli fersk jarðarber
1 msk. chia fræ
1 msk. heitt vatn
2 tsk. sukrin melis
½-1 msk. sítrónusafi
Setjið allt í skál og blandið vel saman með töfrasprota.
Berið kexið og sultuna fram með ostum.
4 eggjahvítur
150 g sukrin
15 dropar kókosstevía
200 g kókosmjöl
Stífþeytið eggjahvítur ásamt sukrin og stevíu. Bætið
kókosmjöli varlega saman við með sleif. Setjið blönd-
una í smurt hringlaga kökuform. Bakið á 165°C í 18-20
mínútur eða þar til kakan er gyllt. Látið hana kólna áð-
ur en krem er sett á.
KREM
4 eggjarauður
100 g sykurlaust súkkulaði
Bountykaka
60 g sukrin melis
60 g smjör
smávegis kókosmjöl
Bræðið súkkulaði yfir heitu vatnsbaði. Þeytið
smjör og sukrin melis vel saman við í nokkrar mín-
útur og bætið loks eggjarauðum saman við. Bætið
bræddu súkkulaðinu saman við og blandið vel sam-
an. Smyrjið kökuna
Smjör og sukrin melis þeytt vel saman í nokkrar
mínútur og eggjarauðum svo bætt við . Í lokin er
bræddu súkkulaði bætt við og því blandað vel við.
Setjið kremið á kökuna og skreytið með smá
kókosmjöli.