Morgunblaðið - Sunnudagur - 30.11.2014, Page 38

38 MORGUNBLAÐIÐ SUNNUDAGUR 30.11. 2014
Græjur og tækni
E-sígarettur kunna að stuðla að bættri heilsu reykinga-
manna umfram venjulegar sígarettur en þær geta hins veg-
ar valdið tölvum stórskaða. Margar slíkar sígarettur eru
hlaðnar í gegnum USB-tengi og þess þekkjast nú dæmi að
e-sígarettur hafi hlaðið skaðlegum vírusum inn á tölvur
reykingamanna eftir að óprúttnir aðilar hafa átt við þær.
Rafsígarettur hættulegar tölvum
A
thugasemdakerfi á vef-
síðum hafa að mörgu
leyti set svip sinn á
upplýsingaöld þar sem
notendur geta tjáð sig beint um
dægurmál, fréttir eða hvaðeina
en nú blasir sú þróun við að
slíkum kerfum muni fækka og
umræður í auknum mæli fara
fram inni á samskiptamiðlum.
Um þetta er fjallað á vefsíðu
CNN. Áhrifamikil síða um
tæknimálefni, Re/code, tilkynnti
til dæmis nýlega um að hún
hefði lokað fyrir athugasemdir
inni á síðunni. „Við íhuguðum
þessa ákvörðun vandlega í ljósi
þess að álit og skoðanir notenda
skipta okkur máli,“ skrifaði rit-
stjórinn Kara Swisher. „En nið-
urstaða okkar var sú að ör
vöxtur samskiptamiðla valdi því
að umræður um frásagnir okkar
og fréttir fari í sífellt meiri
mæli fram þar og þar með að
umræður inni á síðunni okkar
verði gagnslausari með hverjum
degi.“
Tilkynningin barst í kjölfar
þess að ýmsar áberandi vefsíður
á borð við Reuters, Chicaco
Sun-Times og Popular Science
hafa fjarlægt eða dregið veru-
lega úr athugasemdakerfum sín-
um.
Dónaskapur ein ástæðanna
Óvíst er hversu margir munu
gráta þessa þróun enda eru slík
athugasemdakerfi víða alræmd
fyrir þann dónaskap og trölla-
skap sem þar þrífst iðulega.
Ýmsar síður sem lokað hafa á
athugasemdir benda á að skort-
ur á almennri kurteisi hafi haft
áhrif á ákvörðun þeirra.
„Sem fréttadeild 141 árs gam-
als tæknitímarits lítum við á það
sem hlutverk okkar að hlúa að
og rækta vitsmunalegar umræð-
ur um tæknileg málefni á sama
tíma og við einbeitum okkur að
því að dreifa boðskapnum,“ sagði
í tilkynningu frá Popular Science
í september. „Vandamálið er
hins vegar þegar tröll og rusl-
póstur hreinlega taka yfir at-
hugasemdakerfin okkar og koma
þannig í veg fyrir að við getum
sinnt hlutverki okkar.“
Stýrð og heft umræða
Eins og Re/code gaf fréttastofan
Reuters einnig til kynna að
samskiptamiðlar hefðu haft áhrif
á þá ákvörðun að loka fyrir at-
hugasemdir við fréttir síðunnar.
„Umtalsverður hluti upplýstrar
og virðulegrar umræðu um mál-
efni frétta – og jafnframt gagn-
rýni á fréttaflutning sem og
hrós – hefur færst yfir til sam-
félagsmiðla,“ sagði í yfirlýsingu
frá Reuters 7. nóvember síðast-
liðinn.
Aðrar vefsíður hafa farið þá
leið að hefta athugasemdirnar til
muna fremur en að loka al-
gjörlega fyrir þær. Á þeim vef-
síðum sem Gawker-fjölmiðla-
samsteypan heldur úti verða
allar athugasemdir til dæmis að
hljóta samþykki áður en þær
birtast opinberlega á síðum.
Ákveðið var að styðjast við
þetta fyrirkomulag eftir að GIF-
myndskeið og ofbeldisfullar ljós-
myndir af nauðgunum tóku bók-
staflega að streyma inn á at-
hugasemdakerfi síðnnar Jezebel
sem Gawker starfrækir. „Þetta
hræðilega fólk sem stendur á
bakvið þessa árás á athuga-
semdakerfið getur verið stolt af
sér. Tröllaskapur upp á 10,
margir lesendur fengu hausverk
og dagar margra voru eyðilagð-
ir,“ sagði í bloggfærslu frá Jeze-
bel í kjölfarið. „Þið hafið gefið
okkur lýsandi dæmi um hversu
óstjórnlega ógeðfellt internetið
getur verið.“
Í ágúst var lokað fyrir at-
hugasemdir við flestar fréttir á
vefsíðu CNN. Notendur geta
skrifað inn athugasemdir við
valdar fréttir sem ritstjórar síð-
unnar telja að geti leitt af sér
líflegar umræður í háklassa.
Höfundar og ritstjórar taka þátt
í slíkum umræðum og stjórna
þeim og færst hefur í aukana að
ritstjórar stjórni sérstökum um-
ræðum á vefsíðum fréttamiðla á
Facebook og Twitter.
Hins vegar er alltaf jafnerfitt
að halda vef-tröllunum í skefjum
þrátt fyrir að gripið sé til ým-
issa úrræða til að halda þeim
frá.
Athugasemdakerfin hverfa
NET-TRÖLL OG SÍSTÆKK-
ANDI SAMSKIPTAMIÐLAR
HAFA VALDIÐ ÞVÍ AÐ FLEIRI
OG FLEIRI VEFSÍÐUR KJÓSA
NÚ AÐ LOKA FYRIR AT-
HUGASEMDAKERFI SÍN.
SAGT ER AÐ FRAMTÍÐ UM-
RÆÐUNNAR LIGGI Á SAM-
SKIPTAMIÐLUM.
Halldór A. Ásgeirsson haa@mbl.is
Athugasemdakerfi hafa sett svip sinn á internetheiminn síðustu ár en nú blasir við að umræða muni í auknum mæli færast yfir til samskiptamiðla.
Morgunblaðið/Árni Sæberg
Íslenska sprotafyrirtækið Risk
Medical Solutions hefur sett Ret-
inaRisk á markað í Bandaríkj-
unum, en um er að ræða hugbúnað
sem hjálpar sjónfræðingum og
augnlæknum við að taka klínískar
ákvarðanir við skimanir fyrir augn-
sjúkdómum tengdum sykursýki.
RetinaRisk er ætlað þeim 32 millj-
ónum Bandaríkjamanna sem þjást
af sykursýki og vann Risk Medical
Solutions náið með íslenskum og
bandarískum sérfræðingum á sviði
augnlækninga og sykursýki að þró-
un á vörunni.
Undanfarin fjögur ár hefur
reikniformúlan sem stýrir áhættu-
mati kerfisins farið í gegnum fjórar
klínískar prófanir í Bretlandi, Dan-
mörku, Hollandi og á Spáni og
RetinaRisk hefur verið í prófunum
(e. beta-testing) undanfarna 12
mánuði.
Markaður fyrir netlægar lausnir
sem auðvelda ákvörðunartöku fer
ört vaxandi í Bandaríkjunum, þar
sem aukin áhersla hefur verið lögð
á að einstaklingar þekki sjúkdóma
sína betur og þá sérstaklega lífs-
stílstengda sjúkdóma eins og syk-
ursýki. RetinaRisk gefur læknum
aukna getu til að fræða sjúklinginn
um sinn sjúkdóm og persónubundið
ástand, sem og að taka meðvitaðar
ákvarðanir tengdar meðferðinni.
RetinaRisk veitir læknum einnig
þann möguleika að senda skýrslur
sín á milli um áhættumat sjúklinga
og getur það flýtt framhaldsmeð-
ferð hjá þeim tiltekna sjúklingi.
Íslenskur hugbúnaður gegn augn-
sjúkdómum í Bandaríkjunum
RETINARISK, HUGBÚNAÐUR
FRÁ ÍSLENSKU SPROTAFYR-
IRTÆKI, RISK MEDICAL SOL-
UTIONS, MUN NÝTAST
BANDARÍSKUM LÆKNUM.
Hugbúnaðurinn mun nýtast augn-
læknum við störf sín.
Morgunblaðið/Þorkell
Tennis er dýrt sport og erfitt.
Vandasamt getur reynst að ná
tökum á íþróttinni án þess að fá
faglega leiðsögn og slíkir tímar
geta einnig kostað sitt. Nýtt smá-
forrit, Zepp, lofar notendum sín-
um framförum með því einu að
festa lítinn og fisléttan nema á
spaðann sem svo sendir allar upp-
lýsingar í gegnum Bluetooth í
snjallsíma. Ertu með góða bak-
hönd? er spurt á vefsíðu appsins.
Viltu öðlast banvæna bakhönd? Þá
er þetta víst appið sem þú þarft. Í
umfjöllun á netinu kemur víða
fram að auðvelt sé að verða háður
því að kynna sér greiningar og
niðurstöður appsins í símanum en
hins vegar megi deila um hversu
mikið spilamennskan batni.
APPIÐ
Bættu sveifluna hratt
með símanum
Federer-bakhöndin þykir ein fallegasta
hreyfingin í íþróttaheiminum.