Fréttablaðið - 28.02.2013, Blaðsíða 44

FÓLK|FERÐIR
Eftirfarandi ráð til ferðalanga eru tekin af vefsíðunni
www.travellerspoint.com.
1. Afrit af vegabréfinu
Til öryggis gæti verið ráð að taka afrit af vegabréfinu og geyma í netpóst-
inum þínum, ásamt afriti af flugmiðanum og símanúmerinu sem hringja
á í ef greiðslukort týnist. Með þessu móti ættirðu að geta komist yfir
allar upplýsingar ef þú týnir vegabréfinu á ferðalagi.
2. Dreifðu verðmætum
Geymdu greiðslukort og peninga ekki á sama stað. Hafðu þessa hluti í
hvorn í sínum vasa, eða hvorn í sinni handtösk-
unni. Þannig eru minni líkur á að þú standir alls-
laus eftir ef þjófar verða á vegi þínum.
3. Það léttasta neðst
Þegar raðað er í bakpoka skal pakka léttustu
hlutunum neðst og þeim þyngstu efst. Óhrein föt
er tilvalið að setja neðst í pokann. Þó er gott að
pakka þeim hlutum sem þú notar oftast efst.
4. Ef taska týnist
Þegar margir ferðast saman gæti verið sniðugt að deila fötum milli
taskna. Þannig ættu allir að eiga föt til skiptanna ef einhver taskan skilar
sér ekki á áfangastað.
5. Pakkaðu skónum í sokkana
Til að halda innihaldi ferðatöskunnar hreinu er sniðugt að pakka skóm
inn í gamla sokka og svo inn í plastpoka.
6. Upprúlluð föt rúmast betur í ferðatöskum og bakpokum.
Ef þeim er rúllað með eldhúspappír á milli krumpast þau síður.
NOKKUR FERÐARÁÐ
Malaga er í Andalúsíu, heima-héraði þriggja mikilla menn-ingarborga. Fyrst ber að nefna
Sevilla, höfuðvígi nautaats, flamengós
og arkitektúrs Mára, svo Granada með
Alhambra-höllina og loks Córdóba sem
er fræg fyrir mósaík. Í skugganum hefur
fjórða borg Andalúsíu, Malaga, verið
kunnust fyrir flugvöll sinn þar sem sjö
milljónir ferðamanna lentu í fyrra.
Þótt langflestir ferðalangar fari
rakleiðis af flugvellinum yfir í nær-
liggjandi sólarparadísina Costa del Sol
eiga margir Íslendingar minningar um
heimsókn yfir í Malaga til að versla í
risakringlunni El Corte Inglés eða upp-
lifa rammspánskt nautaat.
Í dag hefur Malaga tekið heljarstökk
inn í framtíðina því framboð afþrey-
ingar og menningar hefur gert Malaga
eina mest spennandi menningarborg á
Spáni. Borgaryfirvöld sækja nú fast að
Malaga verði Menningarborg Evrópu
árið 2016 og víst er borgin vel að því
komin. Ekki þarf að líta lengra en fimm-
tán ár aftur í tímann þegar ekkert safn
var í Malaga en nú eru þau yfir tuttugu
talsins og slá hinum borgunum við. Þar
má nefna allt frá vínsafni yfir í stór-
fenglegt safn listaverka Picassos sem
hýst er í höllu þar sem rómverskar
rústir fundust í kjallaranum. Þess má
geta að listmálarinn Pablo Picasso og
Hollywood-leikarinn Antonio Banderas
eru frægustu synir Malaga. Dekrað er
við nautnir og bragðlauka í Malaga því
miðbærinn er sneisafullur af freistandi
tapas-börum og veitingahúsum sem
keppa auðveldlega við fínustu meistara-
eldhús Sevilla. Meðal munngæla í
Malaga eru fínustu steikur af pönnum
Michelin-kokka, nútímalegar útfærslur
tapas-rétta, uxahalahamborgarar,
snigla krókettur, sérrí-gazpacho, korn-
hænuegg og ansjósur með basilíku.
SJÓÐHEIT MALAGA
SPÁNN Íslenskir sóldýrkendur eru spænsku borginni Malaga að góðu kunnir.
Nú hefur borgin fengið uppreisn æru og þykir ein sú mest heillandi á Spáni.
MALAGA Á SPÁNI
Alls lentu sjö milljónir
ferðamanna á Malaga-
flugvelli í fyrra. Fyrir-
heitna landið var Costa
del Sol en æ fleiri gera
sér ferð til Malaga-
borgar vegna fjölbreytt-
ar menningar og unaðs-
legra veitingastaða.
NORDIC PHOTOS/GETTY
Með hækkandi sól er fólk meira á faraldsfæti og vert að minna á
góða umgengni við landið. Gróðursvæði eru víða viðkvæm. Íslensk-
ur jarðvegur er grófur, laus í sér og auðrofinn. Sár eru lengi að gróa
vegna stutts vaxtartíma gróðurs auk þess sem vatn og vindar geta
aukið rof.
AKSTUR
Akið ekki utan vega. Ökutæki getur markað sár í landið sem erfitt er
að afmá. Akstur utan vega er bannaður með lögum en leyfilegt er að
aka utan vega þegar jörð er snævi þakin og frosin.
GÖNGULEIÐIR
Heimilt er að fara gangandi um óræktað land.
Styttið ykkur ekki leið yfir afgirt land, tún eða einka-
lóðir og virðið reglur um umferð á svæðum þar sem
verið er að vernda dýralíf og gróður. Fylgið merkt-
um göngustígum. Stígarnir eru gerðir til þess að
auka öryggi fólks og vísa því rétta leið og draga
úr álagi á viðkvæma náttúru.
Landeigendum ber að tryggja að
ferðamenn komist meðfram vatns-
bökkum og strönd og eftir þjóð-
leiðum og skipulögðum stígum.
Við farartálma skulu vera prílur
eða hlið. Umferð um vötn og ár er
háð leyfi rétthafa. Vatnsbakkar og hólm-
ar eru oft mikilvæg búsvæði og því ber að ganga þar um af gætni.
ÚTREIÐAR
Hestamönnum ber að fylgja reiðstígum. Hugið að jarðvegi og gróðri
á ferð utan reiðstíga. Í hálendisferðum ber að hafa fóður meðferðis.
Næturhólfum skal valinn staður á ógrónu landi. Sérstaka gát ber að
sýna við stóðrekstur.
VEIÐAR
Ráðstöfun veiðileyfa og nýtingarréttur eru í höndum veiðirétthafa
sem venjulega eru landeigendur, veiðifélög eða upprekstrarfélög.
Þetta á við um ár, vötn og við strendur. Rétt er að spyrjast fyrir um
veiðirétt.
Handhöfum veiðikorts er heimilt að veiða fugla utan eignarlanda.
Rétthöfum er heimilt að ráðstafa veiðirétti innan sinna landareigna.
Leyfi til veiða á ákveðnum tegundum eru bundin árstíma.
BERJATÍNSLA
Heimilt er að tína ber, sveppi, fjörugróður og aðrar jurtir en ef tínt
er í miklum mæli innan eignarlanda þarf til þess leyfi. Heimilt er að
tína ber og jurtir á þjóðlendum og afréttum. Athugið að nokkrar
jurtir sem vaxa í íslenskri náttúru eru fágætar og friðaðar og óleyfi-
legt er að skerða þær.
Heimild: http://www.visiticeland.com/
GÖNGUM VEL
UM LANDIÐ
Ef allir leggjast á eitt er hægt að vernda náttúr-
una og ásýnd landsins og tryggja að fólk fái notið
fegurðar þess til framtíðar.
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS