Fréttablaðið - 28.02.2013, Blaðsíða 78

28. febrúar 2013 FIMMTUDAGUR| MENNING | 62
„Það er Magic sem er í uppáhaldi
og svo finnst mér gott að fá mér
góðan espresso-kaffibolla.“
Jón Gunnar Þórðarson leikstjóri
DRYKKURINN
„Mánudagskvöldið gekk mjög vel en ég veit að ég get
gert enn betur. Ég þarf að taka á nokkrum tækni-
legum atriðum, máta mig betur á sviðinu og svo bara
keyra þetta í gang,“ segir söngkonan Hera Björg
Þórhallsdóttir, sem á mánudaginn var efst í sínum
riðli í undanúrslitum Vina del Mar International-
söngkeppninnar í Síle. Í kjölfarið komst Ísland á lista
yfir umtöluðustu orðin á Twitter í Síle, en það hefur
aðeins gerst einu sinni áður, þegar Eyjafjallajökull
gaus árið 2010.
Hera steig öðru sinni á svið í keppninni í gær-
kvöldi, í seinni umferð undanúrslitana. Hún klædd-
ist sama kjól og á mánudaginn, samkvæmt beiðni frá
aðalframleiðenda keppninnar. „Hann var rosalega
hrifinn af kjólnum og bað mig vinsamlegast um að
vera í honum áfram. Við erum svo hlýðin að við bros-
um bara og gerum eins og okkur er sagt,“ segir Hera
og hlær. Kjóllinn þótti koma einstaklega vel út og
sjást vel á risastóru sviðinu.
Shakira og Julio Iglesias eru á meðal stórra nafna
sem áður hafa tekið þátt í þessari keppni og segir
Hera þátttökuna vera mikinn stökkpall fyrir sig.
„Þetta er hvorki byrjunarstöð né endastöð, heldur
bara skemmtileg stoppistöð. Sigur í keppninni myndi
auðvitað þýða sjúklega mikið fyrir mig en hvernig
sem fer verður aðalvinnan að fylgja eftir þeirri
athygli sem ég er að fá hérna,“ segir hún en um 100
milljónir manna fylgjast með keppninni.
Þegar blaðið fór í prentun lágu úrslit kvöldsins
ekki fyrir og því óljóst hvort Hera Björk hafi komist
áfram í úrslitin, sem fram fara í kvöld. - trs
Hera Björk getur gert enn betur
Ísland komst á lista yfi r mest umtöluðu orð á Twitter í Síle á mánudagskvöldið.
HRIFINN AF KJÓLNUM Aðalframleiðandi keppninnar bað
Heru vinsamlegast að vera í rauða kjólnum aftur í keppninni
í gær þar sem honum þótti hann svo flottur og hann kom svo
vel út á sviðinu. MYND/VALGEIR MAGNÚSSON
„Hingað til hefur það verið sport
fyrir gamla karla að yrkja drykkju-
vísur og það hefur varla verið gert
af neinu viti síðustu 100 árin eða
svo,“ segir Birkir Blær Ingólfsson,
ölvísuskáld og meðlimur húsbands
Stúdentakjallarans.
Á morgun eru liðin 24 ár frá því
að bjórbanninu var aflétt hér á
Íslandi og hefur Stúdentakjallar-
inn efnt til ölvísukeppni í tilefni
þess þar sem allir geta sent vísu til
leiks. „Mér finnst að ef maður ætli
á annað borð að yrkja ölvísu eigi
hún að vera hrá, gamaldags og dýrt
kveðin, auk þess sem hún verður
auðvitað að vera rammíslensk,“
segir Birkir Blær, en skilafrest-
ur rennur út í hádeginu á morgun.
Á laugardagskvöldið verður svo
haldinn bjórfagnaður á Kjallaran-
um þar sem nokkrar vísur verða
fluttar á listrænan hátt af nemum
í LHÍ og höfundur bestu vísunnar
fær viðeigandi verðlaun. Nokkrar
vísur verða í framhaldinu valdar
úr og hengdar upp á vegg í Stúd-
entakjallaranum. „Þá getur fólk
komið og bent vinunum á afrakstur
sköpunar gleði sinnar,“ segir Birkir.
Birkir Blær og félagar hans í hús-
bandi Stúdentakjallarans skelltu
sjálfir í eina vísu og nefndu hana
Öl og gleði eru bræður. „Hvorki öl
né gleði er karlkyns en samt tölum
við um bræður. Okkur finnst það
falleg og nýmóðins hugsun að allir
geti verið bræður, að minnsta kosti
á djamminu,“ segir Birkir.
Vísan hefur verið tekin upp og
verður spiluð á hátíðinni á laugar-
daginn. „Falskur karlakór er lykill-
inn í flutningnum svo okkur fannst
of flókið að taka hana í beinni á
sviðinu,“ segir Birkir. - trs
Ölvísur ekki bara sport fyrir gamla karla
Stúdentakjallarinn efnir til Ölvísukeppni í tilefni af bjórdeginum á morgun. Bjórtengd verðlaun eru í boði.
ALLIR GETA VERIÐ BRÆÐUR Marteinn
Sindri Jónsson og Birkir Blær Ingólfsson
eru meðlimir húsbands Stúdentakjallar-
ans sem samdi ölvísuna Öl og gleði eru
bræður. FRÉTTABLAÐIÐ/STEFÁN
„Við fáum líklega einhverja góða
styttu sem fer í safnið,“ segir leik-
stjórinn Samúel Bjarki Péturs-
son. Hann og félagi hans, Gunnar
Páll Ólafsson, unnu til verðlauna á
bandarísku auglýsingaverðlaunun-
um fyrir stuttu.
Leikstjórateymið hlaut ein
stærstu verðlaun kvöldsins, Addy
Awards Best of Show, á verðlauna-
afhendingu í Houston. Borgin er
ein stærsta auglýsingaborg Banda-
ríkjanna og verðlaunin fengu þeir
fyrir sjónvarpsauglýsingu sem þeir
gerðu fyrir Verizon-fjarskipta-
fyrirtækið. „Við vissum ekki einu
sinni að við vorum tilnefndir þann-
ig að það kom okkur mjög á óvart
þegar auglýsingastofan sendi okkur
póst með gleðifregnunum. Það
er alltaf gaman að fá viðurkenn-
ingu og hjálpar manni áfram,“
segir Samúel en þeir Gunnar eru
afkastamikið leikstjórateymi og
vinna fyrir True North hér á landi.
Samvinnan hófst fyrir 13 árum
og var þeirra fyrsta verkefni tón-
listarmyndband með Skítamóral
við lagið Ennþá. „Við vorum erki-
fjendur úr framhaldskóla, enda
annar í Versló og hinn í MH. En
við erum svo ólíkir að við virkum
vel saman, enda þekkt að leikstjór-
ar vinni saman í teymum eins og
Árni og Kinski og Snorri Brothers,
sem hafa verið að gera það gott.“
Gunnar og Samúel hafa unnið
fyrir mörg af stærstu fyrirtækj-
um hér heima og erlendis. Þeir eru
með umboðsmenn á sínum snær-
um víðs vegar í Evrópu, í Banda-
ríkjum og í Asíu og fara reglulega
út til að vinna. „Við tökum svona
tarnir, erum eins og sjómenn sem
fara að heiman í nokkrar vikur. Það
eru mikil forréttindi að fá svoleið-
is tækifæri,“ segir Samúel og bætir
við að það sé óneitanlega öðruvísi
að vinna í útlöndum. „Þar er brans-
inn oft stéttaskiptur og enginn sem
fer út fyrir sitt verksvið. Á Íslandi
ganga allir í öll verk og ekkert
vesen.“
Næst á dagskrá hjá þeim er svo-
kölluð „showcase“-mynd fyrir bíla-
framleiðandann Mercedes-Benz
þar sem verið er að frumsýna nýja
tegund af glæsikerrunni. Tökur
fara fram á næstu vikum í Los
Angeles. „Það verður skemmtilegt
verkefni. Það er gríðarleg öryggis-
gæsla á svæðinu enda mega engar
myndir leka út af nýju týpunni.“
alfrun@frettabladid.is
Unnu til verðlauna
í Bandaríkjunum
Gunnar Páll Ólafsson og Samúel Bjarki Pétursson hafa unnið sem leikstjóra-
teymi í 13 ár. Fyrsta verkefnið var tónlistarmyndband með Skítamóral en á
dögunum unnu þeir til einna stærstu auglýsingaverðlauna í Bandaríkjunum.
VISSU EKKI AF TILNEFNINGUNNI Leikstjórateymið Samúel Bjarki Pétursson og
Gunnar Páll Ólafsson vissu ekki að þeir væru tilnefndir til bandarísku auglýsinga-
verðlaunanna.
Erlendar auglýsingar:
➜ Samsung
➜ McDonald‘s í Bandaríkjunum
➜ Verizon
➜ Time Warner Cable
➜ Procter and Gamble
➜ Pringles – gerðu þeirra
fyrstu alþjóðlegu herferð
➜ Chicco
➜ SAB Miller-bjórframleið-
andann
➜ Megafone, eitt stærsta
farsímafyrirtæki Rússlands
Verðlaun:
➜ Tvenn Edduverðlaun
fyrir tónlistarmyndbönd
➜ 10 lúðrar og verið
tilnefndir til 37
Þekktar auglýsingar
úr þeirra smiðju:
➜ Síminn – Jesú
➜ Vínbúðin – Svín
➜ Sýn – Sveppi og Eiður
➜ Umferðarstofa – Englar
➜ N1 – Ímynd
Afkastamikið leikstjórateymi
„... hugnæm frásögn, meistarataktar.“
Publishers Weekly
Áhrifamikil frásögn af óþrjótandi ást, hugrekki og
gæsku á ögur stundu; af því stór brotna undri sem
mannfólkið og líf þess er
MEISTARATAKTAR
Emmanuel Carrère
Firði Hafnarfirði Sími 555 6655 - 662 5552 • kokulist@kokulist.is