Fréttablaðið - 28.02.2013, Blaðsíða 38

FÓLK|FERÐIR
Dorgveiði gegnum ís hefur verið stunduð lengi hérlendis. Minna hefur þó farið fyrir henni á suð-
vesturhorni landsins undanfarin ár sökum
veðurfars en þeim mun meira í öðrum
landshlutum, ekki síst á Norðurlandi.
Mývetningar og nærsveitarmenn hafa
í áratugi stundað dorgveiði og þangað
venja Matthías Þór Hákonarson og Jónas
Jónasson komu sína. Þeir reka saman
veiðibúðina Veiðivörur á Akureyri auk
þess að reka ferðaþjónustufyrirtæki. Þeir
félagar hafa að sögn Matthíasar í nokkur
ár reynt að fá fleiri Íslendinga til að stunda
dorgveiði enda fjölskylduvæn skemmtun
og svo er alltaf gott að fá nýveiddan silung
yfir veturinn. „Svo framarlega sem fiskur
er í vatninu og ísinn er mannheldur er
hægt að veiða á vatni. Yfirleitt er um stað-
bundinn urriða og bleikju að ræða og það
er nóg pláss fyrir fleiri veiðimenn á öllum
aldri. Ég hef stundað dorgveiði af kappi
síðan 2005, bæði þar sem við stýrum
skipulögðum túrum og einnig með fjöl-
skyldunni. Þegar kemur að dorgveiði eru
nefnilega allir jafnir, börn og fullorðnir.
Krakkar eiga jafn mikla möguleika á að
setja í góðan fisk og þeir fullorðnu enda
þarf maður ekki að vera góður kastari í
dorgveiði. Þetta snýst því um heilbrigða
skemmtun.“
Matthías er vel kunnugur vötnum á
Norðurlandi og hefur mest veitt undan-
farin ár í Kringluvatni og Langavatni, sem
bæði eru í Reykjahverfi milli Húsavíkur og
Mývatns. „Svo erum við alltaf að prófa ný
vötn til að auka fjölbreytnina. Við höfum
lítið getað prófað vötn á suðvesturhorni
landsins í vetur þar sem þar er engan
mannheldan ís að finna þessar vikurnar.
Um þessar mundir þarf helst að fara upp
á Holtavörðuheiði eða Arnarvatnsheiði
til að finna mannheldan ís ef lagt er upp í
veiðitúr frá suðvesturhorninu en það gæti
breyst síðar í vetur.“
Það þarf ekki flóknar og dýrar veiði-
græjur til að stunda dorgveiði. Matthías
segir þó að best sé að nota sérstakar
dorgveiðistangir og ísbor til að gera gat
á ísinn. „Svo þurfa veiðimenn að vera vel
klæddir og oft getur verið gott að vera
með tjald því það tekur bæði vindkæling-
una og myndar skjól þannig að betur
sést hvað fer fram undir ísnum. Fiskurinn
tekur yfirleitt á hvítmaðk, rækju og makríl.
Hann er síðan á ýmsum stöðum í vatninu.
Stundum er hann ofarlega og stundum við
botninn. Veiðimenn þurfa því að prófa sig
áfram eftir dýpt og veiðistöðum á vatninu.
Það er misjafnt hvar hann liggur og svo er
það auðvitað misjafnt eftir vötnum.“
Matthías hvetur þá sem vilja kynna
sér dorgveiði að hafa samband við næstu
veiðibúð. Þar er iðulega hægt að fá upp-
lýsingar um hvaða vötn eru heppileg
fyrir dorgveiði í nágrenninu. Þrátt fyrir
að vötnin séu ekki öll opin yfir vetrar-
tímann er oft auðsótt mál að fá leyfi til að
stunda dorgveiði í samráði við veiðiréttar-
eiganda.
Hótel Örk hefur margt spennandi að bjóða einstaklingum sem hópum. Ekki er verra að hótelið er aðeins í 45 km fjarlægð frá
Reykjavík. Eftir að Suðurstrandarvegur var opn-
aður er sömuleiðis orðið stutt til Keflavíkurflug-
vallar eða að fara í dagsferðir um Reykjanesið. Geir
Gígja, sölu- og markaðsstjóri hótelsins, segist vera
stoltur af því að bjóða upp á svo mikla afþreyingu
sem raun ber vitni. „Við erum með sundlaug, heita
potta, pool-borð, borðtennisborð og sjö mismun-
andi funda- og veislusali. Hér er níu hola golfvöllur
og nýlega bættist við fótboltagolfvöllur sem er
einstaklega skemmtilegur fyrir hópa í hvata- eða
óvissuferðum,“ segir Geir Gígja.
Hótel Örk hefur vel búna veislusali sem eru
ákjósanlegir fyrir allar tegundir af veislum. Algengt
er að halda árshátíðir, brúðkaup, fermingar eða
stórafmæli á hótelinu. „Við erum með 85 vel útbúin
herbergi og getum því tekið stóra hópa í gistingu.
Það er sömuleiðis margt um að vera í kringum hót-
elið. Ferðaþjónustufyrirtæki í Hveragerði sérhæfa
sig í að skipuleggja ratleiki og aðra afþreyingu fyrir
ferðamenn. Þar að auki er náttúran ákaflega falleg
og margar frábærar gönguleiðir. Það er einstakt
að hægt sé að ganga að heitum hverum í stuttum
gönguferðum,“ segir Geir enn fremur. „Þá er stutt
að fara í skemmtilegar dagsferðir frá okkur, til
dæmis hinn vinsæla gullna hring.“
Erlendir ferðamenn koma á hótelið árið um kring
en Íslendingar eru þó fleiri yfir vetrartímann. Hótel-
ið hefur verið með skipulagða dagskrá fyrir eldri
borgara sem kallast Sparidagar sem hafa verið
eftirsóttir. Boðið er upp á morgunhreyfingu, bingó,
félagsvist, sundleikfimi, leiksýningar, gönguferðir,
kvöldvökur og fleira. Þetta hefur verið vinsælt hjá
eldra fólki af öllu landinu. Á hótelinu er snyrti- og
nuddstofa svo gestir geta leyft sér dekur meðfram
skemmtidagskránni.
Veitingastaðurinn á Hótel Örk leggur áherslu á
góðan mat við allra hæfi. „Það er vinsælt hjá pörum
að koma um helgar, slappa af og njóta þess að
borða góðan mat. Við erum stutt frá borginni en þó
í afslappaðri og fallegri náttúru,“ segir Geir.
Á heimasíðu hótelsins www.hotelork.is má
kynna sér tilboð, matseðla og ýmsa viðburði sem í
boði eru.
DEKUR OG MATUR Í
FALLEGRI NÁTTÚRU
HÓTEL ÖRK KYNNIR Hótel Örk er vel staðsett og þangað hafa margir leitað
sér til yndis og afslöppunar í gegnum árin. Margt er í boði fyrir gesti á hótel-
inu og gönguleiðir í nágrenninu einstaklega fallegar.
MATURINN Mjög góður veitingastaður er á Hótel Örk sem
býður upp á ljúffenga rétti.
HERBERGI Á hótelinu eru 85 vel útbúin herbergi.
Á vefnum sundlaugar.is er
að finna margvíslegan fróð-
leik um sundlaugar landsins
auk tengla á flestar þeirra.
Þar má einnig finna upplýs-
ingar um þær heitu náttúru-
legu laugar sem er að finna
á landinu, skipt upp eftir
svæðum. Við hverja laug
eru upplýsingar um hvort
fólk megi baða sig í laug-
inni, hvort rukkað sé fyrir
aðgang og hvort hætta sé á
að fólk geti brennt sig.
Einnig eru gefnir upp GPS-punktar svo
fólk geti ratað á staðinn auk fleiri upplýsinga
um sögu, staðhætti og aðstöðu á staðnum.
Þá er hægt að setja athugasemdir við laug-
arnar þar sem fólk getur mælt með, hælt eða
lastað.
Sem dæmi um heitar laugar á hálendi má
nefna Landmannalaugar, Hveravelli, Víti við
Öskjuvatn, Hveragil og Laugafellslaug.
HEITAR LAUGAR
Á ÍSLANDI
HVERAVELLIR Heitar laugar eru víða um land. Lista yfir þær er að finna á
sundlaugar.is NORDICPHOTOS/GETTY
NOTALEGT Heita laug-
in í Landmannalaugum.
MYND/VILHELM
SAMEINAST Í DORGVEIÐI
VEITT GEGNUM ÍS Víða um land er hægt að stunda dorgveiði gegnum ís. Dorgveiði er fyrirtaks fjölskylduskemmtun þar sem börn
eiga jafna möguleika á fiski á við þá fullorðnu. Ekki þarf dýran og flókinn búnað til að hefja dorgveiði.
GRILLVEISLA Á ÍSNUM Það er lítið mál að slá upp
grillveislu á ísnum eftir góða veiði.
MYND/MATTHÍAS ÞÓR HÁKONARSON
GÓÐIR VEIÐIMENN Börn eiga jafnmikla möguleika
á fiski og þeir fullorðnu. MYND/MATTHÍAS ÞÓR HÁKONARSON
GAMAN SAMAN Fullorðnir og börn geta stundað
dorgveiði saman. MYND/MATTHÍAS ÞÓR HÁKONARSON
VEITT GEGNUM ÍS Matthías Þór Hákonarson veiðir
hér á Kringluvatni í Reykjahverfi með syni sínum.
MYND/MATTHÍAS ÞÓR HÁKONARSON