Fréttablaðið - 01.03.2013, Qupperneq 33

FRÉTTABLAÐIÐ
LÍFIÐ 1. MARS 2013 • 7
og fl estir hafa skoðun á því hvað
er gert þarna inni. Það var því
vitað frá upphafi að vanda yrði til
verks. Sjálft hótelið er afar glæsi-
legt þannig að við reyndum að
halda rauðum þræði þar á milli.
Markmiðið var að endurvekja
gamla glæsileikann, glæða þetta
hjarta borgarinnar lífi en passa
þó að hafa þetta hvorki stíft né
uppstrílað. Andinn inni er mjög
„casual“ og kúl, ef ég má sletta,
og því held ég að fólk eigi eftir
að kunna að meta staðinn. Svo er
maturinn frábær hjá Völla Snæ
sem spillir víst ekki fyrir. Enginn
er eyland og því má ég til með að
minnast þá þann frábæra fl okk
iðnaðarmanna sem ég er stolt af
því að vinna með.
Hvernig myndirðu lýsa stílnum
á nýju Borginni? Ég lýsti þessu
sem art deco „with a twist“ á
opnunarkvöldinu, en hversu trú
ég er þeim stíl verða meiri sér-
fræðingar en ég að dæma um.
Þetta er nútímalegt og þægilegt
með fortíðarþrá, ferskur og
bjartur staður sem á að leiða þig
úr glæsilegum morgunverði, inn í
bjart hádegið, fram í happy hour
sem endar svo í fl ottum kvöld-
verði. Allir klukkutímar dagsins
verða að virka vel á þessum stað.
Er það stíll sem þú myndir
segja að væri hvað vinsælastur
um þessar mundir? Engin spurn-
ing. Þetta snýst um að blanda
saman gömlu og nýju og það
er ótrúlega vinsælt í dag. Fyrir
vikið er meiri karakter inni á
heimilinu. Þannig nær líka þinn
persónulegi stíll betur að skína í
gegn heldur en ef allt væri keypt
út úr sömu búðinni. Ég er líka
hrikalega veik fyrir veggfóðri og
hvet fólk óspart til að brjóta upp
hið hefðbundna form og splæsa
smá lit í lífi ð. Það þarf heldur
ekki alltaf að henda út og kaupa
nýtt. Oft er nóg að mála eldhús-
innréttinguna, skipta um höldur
og fl ísaleggja á milli efri og neðri
skápa. Ég tek þetta sem dæmi
um hvernig hægt er að nota hug-
myndafl ugið.
Eru Íslendingar vel að sér þegar
kemur að hönnun í híbýlum? Ekki
spurning en eini gallinn er sá
að við viljum oft kaupa öll sömu
hlutina sem er stundum dálítið
fyndið. En tískubylgjur eru þess
eðlis. Mér fi nnst að fólk mætti
vera örlítið djarfara þegar kemur
að heimilinu og duglegra að breyta
til. En á heildina litið myndi ég
segja að Íslendingar væru alveg
með þetta.
Þarftu sjálf ekki að breyta ört
til á þínu heimili? Ég er nú aðal-
lega búin að vera að breyta um
heimilisfang síðustu árin frekar
en að breyta inni á heimilinu
en vissulega er ég dugleg að
breyta. Það þýðir þó ekki að ég
hendi öllum húsgögnunum út
reglulega – alls ekki. Fyrir mér
snýst það frekar um að breyta
litlu atriðunum eins og myndum
á veggnum, litum, veggfóðri,
púðum og þess háttar. Klassísk
og falleg húsgögn standa alltaf
fyrir sínu og endast í áratugi.
Er eitthvað verkefni sem þú
ert stoltari af en annað? Ég er
mjög stolt af öllu sem ég hef
gert og ég vona að fólkið sem ég
hef unnið fyrir í gegnum tíðina
sé stolt af heimilum sínum og
fyrirtækjum. Ég er hins vegar
voðalega stolt af Borginni og
mér fi nnst frábært að sjá eldri
kynslóðina sitjandi á næsta borði
að fá sér að snæða. Fólk sem
kannski skemmti sér ungt þar
fyrir 40-50 árum. Þannig að stað-
urinn höfðar greinilega til allra
enda var það markmiðið að bjóða
alla velkomna til þess að geta
notið sem best þessa sögufræga
húss. Ég vildi óska að ég hefði
getað boðið ömmu minni heitinni
í kvöldmat á Borginni. Hún hefði
orðið voðalega stolt af mér.
En áttu þér eitthvert drauma-
verkefni? Ætli það sé ekki á
endanum að hanna mitt eigið
hús frá grunni, sniðið að þörfum
mínum og minna. Já og eitt stykki
hótel, takk!
Eitthvað að lokum? Þú upp-
skerð svo sem þú sáir.
Uppáhalds
MATUR Humarinn á Borginni,
sushi, ítalskur matur, alls konar
djúsí salöt og ég elska eftirrétti!
DRYKKUR Ískalt vatn, malt í
gleri og nýsjálenskt Sauvignon
Blanc. VEITINGAHÚS Borg
Restaurant. Tímarit Vanity Fair,
Elle Decor og Living etc.
VEFSÍÐA Contemporist.com
VERSLUN Ég get auðveldlega
sagt Zara fyrir föt og Zara fyrir
heimilið. HÖNNUÐUR Mar-
cio Kogan, brasilískur arkitekt.
Hanna Stína, dóttirin og lífi ð fyrir utan vinnu
Mæðgurnar á góðri stundu. Hanna Stína í Skaftafelli. Hér er Hanna Stína í Nýja-Sjálandi.