Fréttablaðið - 28.03.2013, Blaðsíða 14

28. mars 2013 FIMMTUDAGURSKOÐUN
HALLDÓR
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
Hjálparstarf kirkjunnar vill vissulega
draga fram erfiða stöðu fátækra á
Íslandi og hvetja fólk til að bregðast við
og taka þátt í páskasöfnun til eflingar
innanlandsstarfi sem nær til alls lands-
ins. Valgreiðsla bíður þín í heimabankan-
um og þú getur gefið á framlag.is. En við
viljum ekki síður benda á hæfileika og
getu þeirra sem hafa vegna fátæktar ýst
út á jaðar samfélagsins, hafa einangrast
og fá ekki að taka þátt og leggja sitt af
mörkum til samfélagsins. Framlag sem
við höfum alls ekki efni á að vera án.
Ónýtt geta, ónýttir hæfileikar, ónýtt
framleiðni sem við þurfum á að halda.
Hjálparstarfið þrýstir á hið opinbera
að beita í frekari mæli einstaklings-
miðuðum lausnum og hlúa betur að
þeim sem hafa lent milli skips og
bryggju í kerfinu. Með stofnun Íslands-
deildar EAPN (European Anti Poverty
Network), ásamt öðrum samtökum, vill
Hjálparstarfið vinna gegn fátækt, stuðla
að opinni umræðu og þrýsta á yfirvöld
um lausnir.
Það borgar sig nefnilega, mannlega og
efnahagslega, að ná öllum inn í hlýjuna,
að virkja alla til þátttöku. Um það snýst
starf Hjálparstarfsins á Íslandi í sam-
starfi við fjölda aðila. Markmiðið er að
rjúfa vítahring fátæktar, horfa á getu og
hæfni hvers og eins og opna möguleika
til virkrar þátttöku í samfélaginu. Það
gerist með efnislegri aðstoð, til dæmis
inneignarkortum í matvöruverslunum,
lyfjastuðningi og stuðningi vegna kostn-
aðar við framhaldsskólanám, en um
leið með almennri ráðgjöf, fjármála-
ráðgjöf, sjálfstyrkingarnámskeiðum
og lífsleikni-, matreiðslu- og sauma-
námskeiðum. Markmiðið er sjálfstæði
og betri lífsafkoma. Með þeim sem eru
í erfiðri stöðu er mikill kraftur og geta
sem þarf að virkja og finna farveg fyrir.
Þegar því er náð er gangan hafin, í eigin
krafti sem fullgildur þjóðfélagsþegn sem
fær að láta ljós sitt skína. Ljós sem hafði
af ýmsum ástæðum dofnað og jafnvel
slokknað. En þannig á það ekki að vera.
Fátækt kallar á aðgerðir. Hvað ætlar þú
að gera?
Fátækt kallar á aðgerðir
SAMFÉLAG
Bjarni
Gíslason
upplýsingafulltrúi
Hjálparstarfs
kirkjunnar
➜ Það borgar sig nefnilega, mann-
lega og efnahagslega, að ná öllum
inn í hlýjuna, að virkja alla til þátt-
töku. Um það snýst starf Hjálpar-
starfsins á Íslandi í samstarfi við
fjölda aðila.
Hneykslast á Facebook
Birgitta Jónsdóttir, þingmaður
Hreyfingarinnar, er á móti leyndar-
hyggju, enda nú í framboði fyrir
Pírataflokkinn, og skellti samnings-
tilboði stjórnmálaflokkanna, til að
liðka fyrir þingfrestun, á Facebook.
Birgittu fannst hugmyndin um
að 40 prósent kjósenda þyrftu að
samþykkja meiriháttar breytingar á
stjórnarskrá vera út í hött. Birgittu
tókst reyndar að reikna sig upp í að
þetta þýddi að lágmarki 90 prósenta
kjörsókn en leiðrétti það, en nefna
má að samþykkt á auðlindaákvæðinu
í þjóðaratkvæðinu hefði fallið innan
væntanlegra marka. Birgitta taldi
það hins vegar ofbeldi að gera jafn
veigamiklar breytingar á málinu
og lágmarksþátttakan væri.
Hneykslast á sjálfri sér
Í því ljósi er rétt að rifja upp
þingsályktunartillögu Péturs H.
Blöndal, en einn meðflutningsmanna
hennar var einmitt Birgitta Jóns-
dóttir. Þar er lagt til að ekki bara 40
prósent kosningabærra manna þurfi
að samþykkja stjórnarskrárbreytingar,
heldur 50 prósent. Kannski skýrir
það hneykslun Birgittu að
það var lækkað í 40
prósent?
Lítið fylgi við Jesú
Sá plagsiður hefur ágerst að stjórn-
málamenn tíni til ýmis löngu látin
mikilmenni og fullyrði að þau væru
sammála þeim sjálfum í dag. Nægir
að nefna skírskotanir til meintrar
afstöðu Jóns Sigurðssonar í því
samhengi. Líklega á Sigmundur
Ernir Rúnarsson metið í þessu, en
hann fullyrti í viðtali við DV í fyrra
að „Jesús Kristur myndi kjósa
Samfylkinguna“. Skoðanir
Jesú virðast orðnar í miklum
minnihluta í samfélaginu,
þar sem aðeins 12,5 prósent
segja kjósa Samfylkinguna í
nýjustu könnun.
kolbeinn@frettabladid.is
Búsáhaldabyltingin
sjálfsprottin eða skipulögð?
V
ið Íslendingar tökum hreinu drykkjarvatni gjarnan
sem algjörlega sjálfsögðum hlut. Fáar þjóðir búa þó við
önnur eins forréttindi og við í þeim efnum; að úr krönum
í borgum og bæjum komi tandurhreint og ómeðhöndlað
hágæðavatn. Víðast hvar er raunveruleikinn allt annar.
Við umgöngumst hins vegar ekki þessa auðlind okkar, hreina
vatnið, af tilhlýðilegri virðingu og varúð. Í síðasta helgarblaði
Fréttablaðsins var úttekt á ýmsum fyrirhuguðum framkvæmdum
á jaðri vatnsverndarsvæðis
Reykvíkinga. Á Hólmsheiði á að
byggja fangelsi og hugmyndir
eru um að færa innanlands-
flugvöllinn þangað. Áform eru
um að stækka og efla skíða-
svæðið í Bláfjöllum, sem gæti
fjölgað mjög ferðamönnum sem
þar eiga leið um. Stórtækustu
plönin eru um uppbyggingu ferðaþjónustu í Þríhnúkagíg, sem
hundruð þúsunda gætu heimsótt á ári hverju.
Heilbrigðisnefndir sveitarfélaganna á höfuðborgarsvæðinu
og svokölluð framkvæmdastjórn um vatnsvernd á höfuðborgar-
svæðinu (FVH) hafa verulegar áhyggjur af þessum áformum og
stórauknum ferðamannastraumi um svæði sem á að vera helgað
vatnsvernd.
Guðmundur H. Einarsson, framkvæmdastjóri heilbrigðiseftir-
lits Hafnarfjarðar og Kópavogs og formaður FVH, varaði í samtali
við Fréttablaðið sterklega við sofandahætti í vatnsverndarmálum.
Framkvæmdastjórnin telur nauðsynlegt að gera heildstæða sam-
gönguáætlun um Bláfjallasvæðið áður en hægt sé að fallast á
uppbyggingu þjónustu fyrir hundruð þúsunda ferðamanna. Blá-
fjallavegurinn standist engar öryggiskröfur, en olíumengunarslys
vegna til dæmis rútu sem ylti út af veginum er talið einn helzti
áhættuþátturinn sem ógnar vatnsbólum Reykvíkinga. „Ef það
verður olíumengunarslys, og það þarf ekki að vera stórvægilegt,
eru vatnsbólin farin á stundinni,“ segir Guðmundur.
Heilbrigðiseftirlit Reykjavíkur gengur enn lengra og telur að
jafnvel þótt vegurinn verði bættur verði hann alltaf áhættuþáttur
vegna legu og veðurfars á svæðinu. Huga þurfi að samgöngu-
mátanum og setja spurningarmerki við að allir aki á einkabílum
upp í Bláfjöll til að njóta útivistar.
Samkvæmt svörum Vegagerðarinnar við fyrirspurnum Frétta-
blaðsins eru engar áætlanir um að byggja upp Bláfjallaveginn
og óljóst er hvernig á að bæta aðgengi ferðamanna að Bláfjalla-
svæðinu og Þríhnúkagíg.
Þetta mál er eitt dæmið um ósamkvæmnina og hugsunarleysið
sem einkennir gullgrafarahugsunarhátt þeirra sem vilja moka sem
flestum ferðamönnum inn í landið sem allra fyrst. Betri nýting á
skíðasvæðinu í Bláfjöllum er frábær hugmynd, sömuleiðis að opna
undur Þríhnúkagígs fyrir ferðamönnum. En við getum ekki bara
vaðið áfram án þess að huga að afkastagetu og öryggi samgöngu-
mannvirkjanna, hvað þá öryggi neyzluvatns höfuðborgarinnar.
Eða hvað myndi það gera fyrir ímynd Íslands sem ferðamanna-
lands ef mengunarslys yrði á Bláfjallasvæðinu sem þýddi að
höfuðborgar búar og gestir þeirra yrðu að kaupa vatn á flöskum?
Sótt að vatnsverndarsvæði höfuðborgarbúa:
Hreint vatn er
ekki sjálfsagt mál
Ólafur Þ.
Stephensen
olafur@frettabladid.is