Fréttablaðið - 28.03.2013, Blaðsíða 20

28. mars 2013 FIMMTUDAGUR20
Upplestur Nítján Seltirningar lesa
Passíusálma Hallgríms Péturssonar
í Seltjarnarneskirkju á föstudginn
langa. Lesturinn hefst klukkan eitt og
stendur fram til sex. Meðal þeirra sem
lesa munu sálmana eru Jón Hákon
Magnússon, Kristín Gunnlaugsdóttir
og Ólafur Egilsson. Þau Elísabet Waage
hörpuleikari og Friðrik Vignir Stefáns-
son organisti munu leika tónlist í
hléum á milli lestra. Kaffiveitingar
verða í safnaðarheimili kirkjunnar.
Sálmalestur á Seltjarnarnesi
Seltirningar lesa
Passíusálmana
Tónlist Í Hafnarhúsi verður
mikið stuð á laugardag, í dag, þegar
Páskagleði verður haldin í fyrsta
sinn. Á tónleikunum koma fram
Ásgeir Trausti ásamt hljómsveit,
systrasveitin Sísí Ey, Þórunn Antonía
ásamt Berndsen, plötusnúðurinn DJ
Margeir, Daníel Ágúst og að lokum
munu Þórunn Antonía og Berndsen
spila danstónlist sem kemur öllum út
á gólfið og í rétta gírinn. Tónleikarnir
hefjast klukkan átta.
Páskagleði
Tónleikahátíð
í Hafnarhúsi
Skíði Skíðasvæði verða opin um land
allt um páskana. Veðurspáin er góð um
land allt og ekkert því til fyrirstöðu að
skella sér á skíði. Þeir sem vilja hressa
upp á kunnáttuna á skíðum eða eru
byrjendur ættu að kynna sér möguleika
á skíðakennslu. Upplýsingar um kennslu
og opnunartíma er að finna á síðunni
skidasvaedi.is.
Skíðasvæðin opin
Brunað
í brekkunum
SMÍÐI FRÁ 16. ÖLD
Silfurgripi, sem smíðaðir
voru á Íslandi frá 16. öld og
til dagsins í dag, má sjá á
sýningunni Silfur Íslands
sem stendur yfir í Bogasal
Þjóðminjasafns. Þar getur
að líta búningaskart eins og
belti, beltispör, margs konar
hnappa, spangir, koffur og
skúfhólka. Þá eru á sýning-
unni íslenskir silfurkaleikar.
Safnið er opið í dag, á
morgun föstudaginn langa
og á laugardag en lokað á
páskadag og annan í páskum.
BELTI OG HNAPPUR
Meðal fjölmargra gripa á
sýningunni eru stokkabelti og
samfelluhnappur eftir Björn
Jónsson, bónda og silfursmið á
Búrfelli í Grímsnesi. Skartið er
með vönduðu, þéttu, kornsettu
víravirki. Beltið er úr gylltu silfri
en hnappurinn ógylltur. Verkið
á beltishnappnum líkist mjög
samfelluhnappnum, sem er
þó enn vandaðri í gerð sinni.
Lauf eru á beltissylgjunni og
á hnappnum með fangamarki
dóttur Björns, Margrétar Björns-
dóttur.
LÆRÐI Í HÖFN
Víravirki er forn aðferð við
silfursmíði og þekktist hér
á landi á miðöldum og fram
á þennan dag. Téður Björn
var fæddur árið 1784. Bróðir
hans var Ófeigur Jónsson í
Heiðarbæ, sem málaði meðal
annars altaristöfluna í kirkjunni
á Þingvöllum. Björn lærði
silfursmíði hér á landi en sigldi
síðar til Kaupmannahafnar, þar
sem hann nam silfursmíði um
hríð. Það sést glöggt á þessum
gripum að hann var bæði hagur
og smekkvís.
GÓÐAR GJAFIR
Til gamans má og
geta þess að gripir
þessir komu til safns-
ins með löngu millibili.
Beltið kom árið 1960
frá afkomanda Björns,
Margréti Jónsdóttur, konu
Þórbergs Þórðarsonar, en
hnappurinn kom til safnsins
árið 1929. Margrét Björns-
dóttir, sem gripirnir voru
smíðaðir fyrir í upphafi, var
langamma Margrétar, konu
Þórbergs.
Víravirki smekklegra silfursmiða
Það kennir ýmissa spennandi grasa á sýningunni Silfur Íslands í Þjóðminjasafni Íslands.
EITTHVAÐ
FYRIR ALLA
HAGLEIKSS-
MIÐUR
Hnappur smíðaðir
af Birni Jónssyni.
Er svo ekta íslenskt
Ragga Gísla er á leiðinni á rokkhátíðina Aldrei fór ég suður, í fyrsta skipti á ævinni. Þar ætlar hún
að syngja nokkur lög með Fjallabræðrum, meðal annars eitt nýtt úr eigin smiðju, Þetta er ást.
RAGGA GÍSLA „Ég er búin að breyta textanum í Fljúgum hærra í: Á Fokkernum flýg ég hærra!“ FRÉTTABLAÐIÐ/STEFÁN
Ég hef aldrei farið áður á rokk hátíðina á Ísafirði en það hafa eigin lega allir gert sem ég þekki. Ég er búin að vera á leiðinni
í mörg ár svo það hlaut að koma
að því,“ segir Ragga Gísla, sem
einmitt er á leiðinni vestur á
Ísafjörð í dag á Aldrei fór ég
suður. „Rokkstjórinn, hann
Jón Þór, hafði samband við
mig og spurði hvort ég væri til
í að syngja með karla kórnum
Fjallabræðrum og ég sló til.
Svo samdi ég lag í framhaldinu
handa okkur, bara þegar við
vorum að búa til prógrammið,
og fékk vinkonu mína, Stein-
unni Þorvalds, til að semja
texta.“
Ragga segir Fjallabræður
flottan kór og skemmtilegan
og með honum spili frábært
band, sem kenni sig við kórinn.
„Þar eru tveir úrvals trommar-
ar, bassi og hljómborðsleikari.
Kórstjórinn, Halldór Gunnar
Pálsson, er svo mikill rokkari
að hann er með rafmagns gítar
og stjórnar með honum. Svo
er skrautfjöðrin, Unnur Birna
fiðluleikari. Hún puntar nú ekk-
ert smá upp á. Það er logandi
gaman að taka þátt í þessu verk-
efni.“
Spurð hvort stífar æfingar
hafi farið fram svarar Ragga.
„Ég held ég sé búin að fara á
tvær, þrjár æfingar. Þetta eru
lög sem ég kann og allt bara
small hjá okkur. Stundum gerist
það og stundum ekki. Strákarnir
eru svo góðir, þeir eru með tón-
listina í blóðinu.“ Hún býst við
að koma fram í stórri skemmu.
„Þetta er svo stór kór og tromm-
ararnir tveir í bandinu taka sitt
pláss,“ segir hún.
Ætlar þú að fljúga vestur?
„Já, á Fokkernum, þrátt fyrir
að framleiðendur hans segi
hann ekki hæfan til að lenda
þar, vegna þrengsla í aðfluginu.
En ég hef oft flogið til Ísafjarð-
ar þannig að ég kannast alveg
við það þegar við strjúkum
vængjunum utan í kletta beltin.
Íslenskir flugmenn vinna
kraftaverk oft á dag.“
Ragga kveðst hafa hlakkað til
Ísafjarðarferðarinnar frá því hún
kom fyrst til tals. „Ég held það
verði magnað að upplifa þá stemn-
ingu sem ríkir í bæjar félaginu um
þessa helgi. Þetta er svo alvöru
íslenskt. Þessi eld móður sem
er í okkur Íslendingum og þarf
að halda við. Ég tel líka að Ís-
firðingar beri virðingu fyrir sér og
umhverfi sínu og það ætti að vera
til eftirbreytni fyrir okkur hin.“
Fer Birkir með þér?
„Já, hann fílar þetta í tætlur.
Fer með mér á allar tónlistar-
hátíðir og ég fer með honum á fót-
boltaleiki. Það er frábært þegar
áhugamálin eru þau sömu. Þetta
er ást.“
Gunnþóra
Gunnarsdóttir
gun@frettabladid.is
Hjördís Rut Sigurjónsdóttir
háskólanemi
Fermingarveisla og fj ölskylda
Ein fermingarveisla er fyrirhuguð og
vonir standa til þess að opið verið í
Bláfjöllum svo hægt verið að kíkja
þangað allavega einn dag yfir páskana.
Annars er ætlunin að hitta fjölskyldu
og vini, borða góðan mat og hafa það
gott. Þess á milli verður ekki hjá því
komist að að kíkja í námsbækur og
hefja ritgerðarskrif.
Bjargey Ólafsdóttir
myndlistarkona
Skrifar og teiknar
Ég verð ásamt kollega mínum
á Eyrarbakka um páskana
að skrifa, teikna og taka
myndir. Ég er meðal annars að
undirbúa sýningu í Listasafni
Íslands.
Ingvar Helgason
fatahönnuður
Bowie og matur
Páskafríið hefst á morgun, þá
förum við til mömmu í mat,
þar eru rólegheit og góður
félagsskapur. Svo ætlum við að
sjá David Bowie-sýninguna í
Victoriu- og Albert-safninu.
Valur Freyr Einarsson
leikari
Skíði á Sigló
Við fjölskyldan förum með
vinafjölskyldum til Siglufjarðar
á skíði um páskana. Gistum þar
á Svörtu kríunni, sem tekur vel
á móti okkur eins undanfarna
páska.
PÁSKAR