Fréttablaðið - 28.03.2013, Qupperneq 64

28. mars 2013 FIMMTUDAGUR| SPORT | 44
Fáðu þér áskrift | 512 5100 | stod2.is | Verslanir Vodafone | Verslanir og þjónustuver Símans 800 7000
F
ÍT
O
N
/
S
ÍA
Þriðja serían um hið magnaða valdatafl í Westeros. Þátturinn er sýndur á Íslandi
og í Bandaríkjunum með nokkurra klukkustunda millibili.
EVRÓPUFRUMSÝNING – MÁNUDAG KL. 21:15
VALDATAFLIÐ HEFST Á NÝ
ÞÚ GREIÐIR FYRIR
ÁSKRIFT Í APRÍL OG
VIÐ OPNUM STRAX.
Hringdu núna í síma 512 5100.
SPORT
KÖRFUBOLTI Tveir oddaleikir um sæti í und-
anúrslitum Dominos-deildar karla fara fram
í kvöld, annar í Garðabæ (Stjarnan-Keflavík)
og hinn í Njarðvík (Snæfell-Njarðvík). Í Hólm-
inum mun reyna á spútniklið Njarðvíkur á móti
reynslumiklu liði Snæfells.
Lykilmenn Njarðvíkingar hafa ekki mikla
reynslu frá slíkum úrslitaleikjum nema kannski
einn þeirra. Nigel Moore er 33 ára gamall
reynslubolti sem er búinn að spila í mörg ár
í Evrópu sem atvinnumaður en að þessu sinni
spilar hann við hlið ungu húnanna í Njarðvík.
Fjórir lykilmenn liðsins eru tvítugir eða yngri
og leikstjórnandi liðsins verður ekki 19 ára fyrr
en nóvember.
Ekki vanur því að vera elstur
„Ég er ekki vanur því að vera elsti maðurinn í
liðinu en það er bara hluti af boltanum þegar
ferillinn lengist. Þessa stráka vantar kannski
smá reynslu en þeir lærðu körfubolta á réttan
hátt og þeir kunna að spila körfubolta eins og
á að gera það. Þetta var frábær ákvörðun hjá
Njarðvíkurstjórninni og þeir vissu augljóslega
hvernig leikmenn voru að koma upp,“ sagði
Nigel Moore en er hann pabbinn eða stóri
bróðir í liðinu?
„Ég myndi frekar segja að mér líði eins og
eldri bróður,“ sagði Moore hlæjandi og bætti
við: „Ég reyni að kenna þeim það sem ég get en
besta leiðin fyrir þessa stráka til að læra er að
fá að prófa hlutina sjálfir. Þeir fá að gera það og
sýna að þeir geta það,“ sagði Moore.
Moore var frábær þegar Njarðvík jafnaði
metin í leik tvö en hann skoraði 14 stig í fyrsta
leikhlutanum og endaði með 30 stig og 13 frá-
köst. Hann segist hafa viljað bæta fyrir fyrsta
leikinn þar sem hann skoraði bara 5 stig. „Mér
leið vel í leiknum og ég var mjög ánægður með
að okkur tókst að koma sterkir til baka eftir
tapið á föstudagskvöldið. Ég held að ég hafi
ekki spilað verr í vetur en ég gerði í fyrsta
leiknum,“ sagði Nigel.
Nigel Moore er hingað kominn fyrir tilstuðl-
an Jeb Ivey sem mælti með honum við Einar
Árna Jóhannsson þjálfara. Einar Árni þjálfaði
Njarðvík og Jeb lék með liðinu þegar Njarðvík
varð síðast Íslandsmeistari 2006. „Jeb hafði
bara góða hluti að segja um fólkið í Njarðvík,“
segir Nigel sem var að koma til baka eftir
aðgerð í sumar.
En hvað með oddaleikinn á móti Snæfelli?
„Ég held að það mikilvægasta fyrir okkur sé að
spila Njarðvíkurboltann sem er að spila saman
og af krafti,“ sagði Nigel sem hikar ekkert við
að gagnrýna sjálfan sig.
Ég mætti ekki í leik eitt
„Við spiluðum ekki illa í fyrsta leiknum en
vandamálið var bara að ég mætti ekki til
leiks. Ef ég mæti á fimmtudaginn (í kvöld)
þá verður þetta allt annar leikur. Ég lofa því
að mæta til leiks,“ segir Nigel en það munaði
41 framlagsstigi á framlagi hans í leik eitt og
tvö. Nigel segir að leikurinn í Hólminum verði
erfiður.
„Við getum aldrei slakað á gegn Snæfelli því
þeir hafa svo mörg vopn í sínu liði. Þeir getað
skorað mikið og þess vegna er mikilvægt
að við spilum okkar leik. Þetta er mjög
hættulegir mótherjar því þeir eru klókir og
reynslumiklir,“ segir Nigel en það er enginn
sáttur í Njarðvíkurliðinu þrátt fyrir langþráðan
sigur í úrslitakeppni í leik tvö.
Vitum hvað við getum
„Allt annað en að komast áfram í næstu umferð
er ekki nógu gott og þá skiptir engu máli þótt
liðið sé að bæta sig. Allir aðrir eru kannski
ánægðir með hvað við erum þegar búnir að
gera en við sjálfir vitum hvað við getum. Sigur
er því það eina sem kemur til greina í kvöld,“
sagði Nigel Moore að lokum.
ooj@frettabladid.is
Stóri bróðir í Njarðvík
Nigel Moore hló þegar hann var spurður að því hvort hann væri pabbinn í Njarðvíkurliðinu og vildi frekar
segja að hann væri stóri bróðir. Það mæðir mikið á Moore í oddaleik Njarðvíkur og Snæfells í kvöld.
NIGEL MOORE Er með 19,9 stig, 7,6 fráköst og 3,8
stoðsendingar að meðaltali í vetur. Liðið er búið að
vinna 12 af 19 leikjum síðan að hann kom.
FRÉTTABLAÐIÐ/XXX
KÖRFUBOLTI Fréttablaðið fékk
sex menn úr Dominos-deildinni
til þess að spá um hver verði tvö
síðustu liðin inn í undanúrslit
úrslitakeppninnar en Grindavík
og KR hafa þegar bókað sína far-
seðla og mætast í fyrsta leik á
mánudagskvöldið.
Spámenn Fréttablaðsins eru
Bárður Eyþórsson, þjálfari
Tindastóls, Sveinbjörn Claessen,
leikmaður ÍR, Benedikt Guð-
mundsson, þjálfari Þórs, Páll
Axel Vilbergsson, leikmaður
Skallagríms, Pétur Már Sigurðs-
son, þjálfari KFÍ, og Hjalti Þór
Vilhjálmsson, þjálfari Fjölnis.
Eins og sjá má hér fyrir neðan
reikna flestir með sigri Stjörn-
unnar og Njarðvíkur í kvöld þó
svo að álitið sé ekki samdóma.
Sigurvegararnir úr þessum
rimmum mætast svo í undan-
úrslitunum í næstu viku.
Fylgst verður með gangi mála í
leikjum kvöldsins á Vísi.
STJARNAN - KEFLAVÍK
Klukkan 19.15 í Ásgarði, Garðabæ
Bárður: Stjarnan með 10 stigum
Sveinbjörn: Stjarnan með 20 stigum
Benedikt: Stjarnan með 9 stigum
Páll Axel: Keflavík með 3 stigum
Pétur Már: Stjarnan með 10 stigum
Hjalti Þór: Stjarnan með 6 stigum
SNÆFELL - NJARÐVÍK
Klukkan 19.15 í Stykkishólmi
Bárður: Snæfell með 10 stigum
Sveinbjörn: Njarðvík með 3 stigum
Benedikt: Snæfell með 1 stigi
Páll Axel: Njarðvík með 12 stigum
Pétur Már: Njarðvík með 6 stigum
Hjalti Þór: Njarðvík með 4 stigum
Njarðvík og
Stjarnan vinna