Fréttablaðið - 28.03.2013, Blaðsíða 26

28. mars 2013 FIMMTUDAGUR| HELGIN | 26
12,8%
2013
➜ Fylgi Samfylkingarinnar frá síðustu kosningum
30%
25%
20%
15%
10%
Ko
sni
ng
ar
25
.4.
20
09
15
.10
.20
09
7.1
.20
10
18
.3.
20
10
23
.9.
20
10
19
.1.
20
11
5-6
.4.
20
11
8.9
.20
11
7-8
.12
.20
11
8-9
.2.
20
12
11
-12
.4.
20
12
23
-24
.5.
20
12
16
-17
.1.
20
13
30
-31
.1.
20
13
27
-28
.2.
20
13
13
-14
.3.
20
13
28
.7.
20
09
24
.2.
20
11
treysta Árna Páli
best til að leiða
ríkisstjórn sam-
kvæmt könnun
Fréttablaðsins og
Stöðvar 2 sem
tekin var 27. og
28. febrúar 2013.
29.8% 29.0%
30.8% 28.7%
24.8%
13.6%
23.1%
22.6%
19.2%23.2% 17.1%
25.8%
12.3% 12.8%
26.0%
14.8% 13.8%
„Nú sjáum við að þeir flokkar sem eru í
loforðasúpunni svamla bara áfram í henni
eins og drulludíki því efnahagsstefna þeirra
hefur engan trúverðugleika og engan
raunverulegan grunn. Við munum ekki taka
þátt í ábyrgðarlausu bögglauppboði og lofa
hlutum sem setja í hættu velferð lífeyrisþega
eða leggja byrðar á þjóðina um áratugi. Við
erum flokkur félagslegrar samstöðu og skyn-
samlegra efnahagslegra lausna. Þegar birtist á
annan tug stjórnmálaflokka hef ég fullan trú
á að menn sjái muninn á okkur og hinum.“
➜ Enginn loforðaflaumur
Fylgi Samfylkingar-innar hefur í skoðana-könnunum verið langt undir kjörfylgi. Það er ekki góð byrjun fyrir nýjan formann, en Árni
Páll Árnason tók við formennsku
í flokknum á landsfundi í byrjun
febrúar.
Árni Páll hefur staðið í ströngu
við að semja um þinglok. Hann
kynnti, ásamt formönnum Vinstri
grænna og Bjartrar framtíðar,
sáttatillögu til að leysa úr
stjórnarskrár málinu. Sáttin um
hana reyndist hins vegar minni en
vonast hafði verið eftir.
Því liggur beint við að spyrja;
hvað veldur fylgistapinu og hvern-
ig hyggst flokkurinn snúa því við?
„Fylgisfallið hófst í desember og
skellurinn varð í janúar – á svipuð-
um tíma hjá báðum ríkisstjórnar-
flokkunum. Við höfum kannski
fengið á okkur ásýnd fjarlægari
ríkisstjórnarflokks, frekar en þess
félaga í daglegri lífsbaráttu launa-
fólks sem við höfum verið hingað
til. Jafnaðarmannaflokkur verður
að vera tengdur við áhyggjur fólks
af vinnu og velferð.
Áherslur okkar taka mið af
þessu. Við þurfum efnahags legan
stöðugleika til að geta byggt raun-
verulega velferð og velsæld. Fólk
er að flýja efnahagslegt óöryggi
til annarra landa, fyrirtækin að
flýja efnahagslega einangrun
og við finnum það svo átakan-
lega að raunverulega haldbærar
kjara bætur verða ekki reistar á
verðbólgu krónu.
Sverðaglamur yfirgnæfir
En er fylgistapið ekki að einhverju
leyti óánægja með störf ykkar í
þinginu?
„Fyrri reynsla sýnir okkur
að óhjákvæmilegt er að forystu-
flokkur i ríkisstjórn geldur fyrir
málþóf og afgreiðsluvanda á
Alþingi. Við vissum öll að þessi
þinglok yrðu sérlega erfið vegna
þess hversu þung mál biðu
afgreiðslu og vegna þess að við
höfum ekki tryggan meirihluta
og því auðveldara að beita meiri-
hlutann ofríki.
Það er líka þannig að þegar
sverða glamrið ríkir heyrist ekki
í flokki hinna skynsömu lausna.
Þegar öskrin eru yfir gnæfandi
og menn frussa út úr sér haturs-
yrðunum á flokkur samræðu og
skynsemi erfitt upp dráttar.“
Má ekki segja að stjórnarskrár-
málið hafi verið ykkur erfitt?
Hefði ekki átt að reyna að ná mála-
miðlun fyrr?
„Það er alveg ljóst að ef menn
hefðu forgangsraðað á fyrri
stigum hefðum við séð raunveru-
legan árangur. Það er ekki hægt
að forgangs raða málum eftir að í
óefni er komið. Ef menn ætluðu að
kaflaskipta verkefninu hefði verið
farsælla að gera það fyrr og það
hefði skilað meiru.
Það var rætt opinskátt í
stjórnar flokkunum að kaflaskipta
verkefninu eftir þjóðaratkvæða-
greiðsluna í haust, en það varð
sameiginleg niðurstaða að halda
frekar áfram með allt undir.“
Árni Páll minnir hins vegar á
að ávinningurinn sé sá að náðst
hafi að vinna heildar endurskoðun
á stjórnarskránni til fulls af hálfu
stjórnskipunar- og eftirlits nefndar
og fá athugasemdir Feneyja-
nefndar innar. „Við Katrín Jakobs-
dóttir og Guðmundur Steingríms-
son vorum raunsæ og algjörlega
sammála um þörf fyrir umgjörð
um áframhaldandi stjórnarskrár-
umbætur, en það hefur reynst
þrautin þyngri að fá aðra flokka til
samstarfs um það.“
Nýr gjaldmiðill og þjóðarsátt
Árni segir Samfylkinguna leggja
allt kapp á að ná stöðugri gjald-
miðli strax með nýrri þjóðarsátt
um markmið í efnahagsmálum á
næsta kjörtímabili. Ekki sé hægt
að bjóða þjóðinni áfram upp á það
sem efnahagslegt lögmál að hver
kynslóð lendi í úlfakreppu við að
koma sér upp húsnæði.
„Baráttan um stöðugleikann
stendur núna. Ef við náum ekki
að snúa af þeirri braut sem hefur
einkennt íslenska hagstjórn
undan farna áratugi verða áfram
verðbólgu gusur. Við stöndum
frammi fyrir óvissuástandi á
næstu árum og gætum farið í hefð-
bundnar bólur og dýfur, sem munu
valda nýrri hrinu eignamissis
og efnahagslegra hörmunga. Ef
við hefjum ekki vegferðina í átt
að stöðugleika strax munum við
aldrei ná honum.“
Trauðla tökum við þó upp nýjan
gjaldmiðil strax í haust, hvað þarf
að gera þangað til?
„Við þurfum að byrja ferlið strax
og ávinningur kemur fyrr og er
tryggari en það sem boðið er upp
á af öðrum flokkum. Framsókn er
því miður að plata fólk og Sjálf-
stæðisflokkurinn er svo lítið eins
og sauður sem eltir útspil Fram-
sóknar. Samfylkingin heldur ein
uppi leið viðreisnar um opið hag-
kerfi og ábyrga hagstjórn, vinnu
og velferð. Íslensk þjóð verður að
eiga von. Engin önnur Evrópu-
þjóð býr við þessa fullkomnu
óvissu um raungildi launa
sinna frá mánuði til
mánaðar.
Ég held að for-
senda þess að
við komumst
eitthvað áfram
í afnámi hafta
og því að
ná alvöru
skrefum í
efnahags-
legri uppbygg-
ingu sé að það ríki
trúverðug leiki um
leiðina sem við
erum að fara.
Ef Framsókn
og Sjálfstæðis-
flokkur komast
til þess að gera
það sem þeir
hafa verið að
lofa verður nýr
gjaldmiðill ekki
tekinn upp næstu
áratugi. Þá verður
keyrt hér bóluhagkerfi áfram og
okkur gert ómögulegt að komast út
úr því um fyrirsjáanlega framtíð.“
Nýtt húsnæðiskerfi
Samfylkingin leggur áherslu á
ódýrara húsnæði fyrir alla. Þegar
hafa verið kynntar breytingar á
húsnæðisstuðningi sem felast í
húsnæðisbótum í stað leigu- og
vaxtabóta. Árni Páll segir flokk-
inn leggja áherslu á fjölbreyttara
húsnæðiskerfi og að hætt verði
að gera upp á milli fólks eftir því
hvort það kýs að leigja eða eiga. Á
kjörtímabilinu hafi verið stutt vel
við uppbyggingu námsmannaíbúða
og farið í gríðarlegar umbætur á
hjúkrunarheimilum.
„Við viljum að fólk ráði meiru
um búsetu sína og hvort það kaupir
eða leigir. Fólk þarf að búa við
öryggi þótt það leigi. Auka þarf
stuðning við fólk sem býr í leigu-
húsnæði og styrkja rekstrar-
grundvöll leigufélaga
til að skapa fjöl-
breyttan leigu-
markað.
Síðan er brýnt
að koma á alvöru
umgjörð um lán-
veitingar vegna
húsnæðiskaupa
sem tryggir
öryggi fólks og
heimilar upp-
greiðslu hvenær
sem er. Fólk verður
að geta losnað út
þegar það vill og
flutt viðskipti á milli
banka. Við viljum
betra íbúðalánakerfi
að norrænni fyrir-
mynd.“
Krónan kallar á álver
Árni Páll segir Samfylkinguna
vera eina flokkinn sem bjóði skýra
sýn um það hvernig efnahags-
stefna, atvinnustefna, mennta-
stefna og menningarstefna þurfi
að tengjast. Hvernig efnahags-
legur stöðugleiki sé forsenda vel-
sældar almennings og fjölbreytts
atvinnulífs.
„Við viljum almenn samkeppnis-
og starfsskilyrði sem gera okkur
kleift að fjölga störfum í þekk-
ingargreinum. Við höfum ákveðna
vaxtarmöguleika í náttúruháðum
greinum en ótakmarkaða í
þekkingar iðnaði. Ef aðstæður eru
fyrir hendi, opnir markaðir og
efnahagslegur stöðugleiki, virðast
vera lítil takmörk fyrir þeirri hug-
kvæmni sem við getum sýnt og það
skapar efnahagslega velsæld hér á
landi. En til þess þurfum við líka
að auka við verk- og tækni-
menntun, til að fólkið
okkar geti nýtt
sér tækifærin.
Listnám er líka
grunnur vax-
andi útflutn-
ingsgreina.
Sköpunar-
krafturinn
er alls stað-
ar og við
þurfum
að hlúa
að honum
hvarvetna.
Með
stöðugleik-
anum náum
við að
fjölga
störfum fyrir alvöru og halda
í verðmætustu störfin, sem við
erum að tapa úr landi núna vegna
þess að við höfum ekki raunveru-
lega samkeppnishæfni. Við þurfum
fjölbreytt og gott samfélag að öllu
leyti. Það er forsenda góðs manns-
lífs og fjölbreytts efnahagslífs.“
Venjulega þegar stjórnmála-
menn tala um fjölbreytt atvinnulíf
þýðir það að þeir séu lítt hrifnir af
álverum. Átt þú við það?
„Það er auðvitað grundvallar-
vandamál fyrir okkur sem viljum
fjölbreytt efnahagslíf að íslensk
króna kallar á einhæfni í atvinnu-
háttum og ríkisstyrktar lausnir,
eins og álverin og önnur iðjuver.
Erlendir fjárfestar koma ekki
sjálfviljugir til lands með þetta
gjaldmiðilsumhverfi – þeir þurfa
ívilnana með.
Krónan drepur fjölbreytt
atvinnulíf og þekkingarstörf og
veldur því að eina leiðin sem menn
sjá út úr hinum óhjákvæmilegu
gengissveiflum er að spýta í með
nýjum stórframkvæmdum sem
geta hreyft hagkerfið með stór-
kallalegum hætti.
Samfylkingin hefur skýr svör
við þeim spurningum sem brenna
á fólki. Aðferðir okkar í glímunni
við eftirköst hrunsins hafa vakið
verðskuldaða hrifningu um allan
heim. Við höfum útfærðar lausnir
um eflingu atvinnulífs og fjölgun
fjölbreyttra starfa. Við bjóðum
alvöru velferð og áframhaldandi
varðstöðu um lífsafkomu launa-
fólks og lífeyrisþega. Samfylking-
in er burðarflokkur í íslenskum
stjórnmálum og menn vita hvar
þeir hafa hana, vita að hægt er að
treysta okkur til að standa vörð um
félagslega velferð og efna-
hagslegan stöðug-
leika.“
Stöðugleiki og nýr gjaldmiðill
Samfylkingin leggur áherslu á að tryggja öllum öruggt húsnæði, vill mynda nýja þjóðarsátt um stöðugleika og hefja strax undir-
búning upptöku evru. Árni Páll Árnason segir Fréttablaðinu frá því að flokkurinn ætli ekki að taka þátt í kosningaloforðasúpu.
Kolbeinn
Óttarsson Proppé
kolbeinn@frettabladid.is
Viðræður við ESB
„Við fórnum því ekki að
halda áfram umsóknar-
ferli að ESB. Þjóðin kallar
ákaft eftir því að fá efnis-
lega niðurstöðu sem hægt
er að taka afstöðu til.“
2
Efnahagslegur stöðugleiki
„Við fórnum ekki hug-
myndinni um efnahagslegan
stöðugleika sem er forsenda
þess að launafólk losni úr
þeirri stöðu að kjarabætur
brenni upp í verðbólgu.“
3
Agi í ríkisfjármálum.
„Við munum ekki fara
í ríkisstjórn upp á út-
gjaldafyllerí sem teflir
þeim mikla árangri sem
við höfum náð í tvísýnu.“
1
Formaðurinn Árni Páll segir
stjórnarsamstarf byggja á ábyrgð
gagnvart verkefnunum sem
framundan eru. Málefnin ráði því
mögulegu stjórnarsamstarfi eft ir
kosningar.
FRÉTTABLAÐIÐ/PJETUR
27.01.2013
Icesave-
dómur fellur
02.02.2013
ÁPÁ kjörinn
formaður
11.9%