Fréttablaðið - 25.05.2013, Page 76

Ferðir LAUGARDAGUR 25. MAÍ 20138
FYRSTI KVENNAKLÚBBUR
INN Í LUNDÚNUM
Frá átjándu öld síðustu aldar
hefur konum í London verið
meinaður aðgangur að sér stökum
karlaklúbbum sem hafa lifað
góðu lífi víðs vegar um borgina.
Nú er 21. öldin hins vegar runnin
upp og þótti tími til kominn að
opna sérstakan kvennaklúbb.
Var það gert fyrir skemmstu og
er hann sannarlega ekki af verri
endanum.
Klúbburinn, sem er staðsettur
í glæsihverfinu Belgravia, heitir
Grace Belgravia. Þar ríkir mottóið
fegurðin að innan og er lögð
höfuðáhersla á heilsurækt, vel-
líðan og lífsstíl meðlima. Þeir hafa
aðgang að alls kyns útpældum
lúxusrýmum, líkamsræktarstöð,
sundlaug og fjölmörgum nudd-
stofum. Boðið er upp á einka-
þjálfun, pilates, jóga, spinning og
dans. Í klúbbnum er sömuleiðis
bókasafn og er hægt að skrá sig
í alls kyns bóka- og samræðu-
klúbba. Þar er líka kaffitería af
bestu gerð með alls kyns heilsu-
réttum. Á fimmtudögum og
föstudögum er líka boðið upp á
kokkteila.
Karlmenn fá ekki að koma inn í
klúbbinn nema á fimmtudögum
en þá gefst þeim kostur á að
snæða þar kvöldmat. Sams konar
fyrirkomulag hefur löngum tíðk-
ast í karlaklúbbum sem hleypa
konum inn einu sinni í viku.
MATUR Á FERÐALÖGUM
Mikill vöxtur hefur orðið í matar-
tengdri ferðaþjónustu hérlendis
undanfarin ár, auk þess sem úrval
veitingastaða á landsbyggðinni
hefur aldrei verið meira. Margir
minni veitingastaðir bjóða upp
á metnaðarfullan matseðil sem
byggir að mestu leyti á hráefni úr
héraði sem oft er matreitt á nýstár-
legan máta. Vefurinn iceland local-
foodguide.is fór í loftið í fyrra og
var upphaflega ætlaður erlendum
ferðamönnum. Hann nýtist þó
Íslendingum líka vel en þar má
finna lista yfir fjölda veitingastaða á
landsbyggðinni auk höfuðborgar-
svæðisins. Fjöldi myndbanda er
einnig á vefnum sem kynna áhuga-
verða veitingastaði og skemmti-
legar matarhefðir ólíkra landshluta.
Fjölmiðlakonan góðkunna, Vala
Matt, stendur á bak við vefinn og
efni hans má einnig finna á Face-
book, Youtube og Twitter. Fyrir þá
sem vilja nærast á góðum, hollum
og spennandi
mat á ferðalagi
innanlands
ættu að kynna
sér vefinn.
Til stendur að breyta skrifstofum á efstu hæð Illums Bolighus í
Kaupmannahöfn í hótelsvítur. Gestir fá þá útsýni yfir Amagertorv og
Strikið eins og Túristi.is segir frá.
Herbergin verða í dýrari kantinum en framkvæmdastjóri Illums segir
í samtali við Berlingske að ákveðið hafi verið að nýta betur efstu
hæðina, sem í dag hýsir skrifstofur. Þar sé verönd með frábæru útsýni
yfir borgina. Svíturnar verði tíu talsins en full þörf sé fyrir lúxus-
gistingu í Kaupmannahöfn.
Framkvæmdastjóri Wonderful Copenhagen tekur í sama streng.
Hann segir framboð af lúxusveitingastöðum og -börum í Kaup-
mannahöfn gott og í raun betra en framboð af lúxusgistingu. Það
misræmi þurfi að laga. Það geti fælt ferðamenn með mikið milli
handanna frá ef þeir finna ekki gistingu á sama mælikvarða og mat
og drykk í borginni.
MEIRI LÚXUS Í KÖBEN
NJÓTTU ÞESS AÐ FERÐAST Á EINFALDAN HÁTT.
ÞÚ KEMST ÞANGAÐ
MEÐ OKKUR!
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
Kauptu miða núna á www.flugrutan.is
Alltaf laus sæti.
BSÍ - Umferðarmiðstöðin
101 Reykjavík
580 5400
Skannaðu strikamerkið
með snjallsímanum og
kynntu þér áætlunina.
REYKJAVÍK KEFLAVÍKURFLUGVÖLLUR
Frí þráðlaus
internettenging
í öllum bílum