Fréttablaðið - 25.05.2013, Side 100

25. maí 2013 LAUGARDAGUR| MENNING | 60
Mjög myndarlegt fólk
Ben Stiller kom einnig fram í
spjallþætti Jimmy Kimmel í fyrra
og talaði að sjálfsögðu um hversu
fallegt væri á Íslandi. „Sólin sest
aldrei og fólkið er mjög myndar-
legt.“ Spurður hvort það væri gott
að sólin skuli aldrei setjast sagði
hann: „Já, þegar fólkið er svona
myndarlegt.“
Stiller tók upp hluta kvik-
myndarinnar The Secret Life of
Walter Mitty á Íslandi í fyrra.
Eins og í Lord of the Rings
Leikkonan Julia Stiles var nýlega í við-
tali við bandarísku sjónvarpsstöðina
Fox News og hafði þetta að segja
um landið:
„Einn af mínum uppáhalds-
stöðum sem ég farið til í
vinnuferð var Ísland. Það var
draumi líkast, algjör drauma-
staður– mjög aðlaðandi og
fallegur. Þú verður að fara á
réttum tíma því ég held að það
sé dimmt meirihluta vetrarins.
Það er svo mikið hægt að
gera þar, eins og náttúrulegir
hverir og svo er mjög góð
tónlist þar,“ sagði hún og
bætti við að umhverfið væri
eins og í Lord of the Rings-
myndunum.
Hún lék í kvikmynd-
inni A Little Trip to
Heaven sem var
tekin upp hér á
landi og kom út
2005.
Stjörnur elska Ísland
Það kitlar alltaf hégómagirnd Íslendinga þegar erlendar stjörnur tala fallega um
litlu eyjuna okkar í norðri. Hér eru nokkur nýleg dæmi um slík ummæli.
Grænar geimgufur
Fyrr í þessum mánuði spurði
vefsíðan Bahighlife.com
Dave Grohl, forsprakka rokk-
sveitarinnar Foo Fighters, um
eftirminnilegustu nóttina á
tónleikaferðalagi og þar stóð
ekki á svari.
„Ísland.
Landslagið
þar er ólíkt
öllu öðru í
heiminum, eins
og virkilega fallegur
hluti af Mars. Við sáum
norðurljósin, sem litu
út eins og grænar gufur
úr geimnum. Það var
töfrandi. Algjörlega ótrúlegt.“
Grohl spilaði í Laugardalshöll
árið 2003 og aftur í Egilshöll
tveimur árum síðar.
Sigu ofan í eldfjall
„Hefur einhver komið til Íslands hérna?“ spurði Tom
Cruise gesti í spjallþætti Jimmy Kimmel í Bandaríkjunum
í apríl.
Í þættinum talaði hann fallega um Ísland og ævintýrin
sem hann upplifði hér. Hann sagðist elska Ísland og var
undrandi á því að enginn í áhorfendasalnum hefði komið
hingað. „Sólin settist aldrei að meðan við vorum þarna og
við gátum tekið upp allan daginn. Við fórum í jeppaferð
upp á jökul og létum okkur síga ofan í eldfjall. Þetta er
gullfallegt land.“
Cruise var staddur hérlendis síðasta sumar við tökur á
kvikmyndinni Oblivion, sem var frumsýnd fyrr á þessu ári.
Skeggin frusu
Kit Harington, einn af leikurunum úr Game of
Thrones, talaði um Ísland í viðtali við vefsíðuna
Cntraveler.com í fyrra.
„Þetta var eins og að lenda á tunglinu. Það eru
öfgar í allar áttir. Þarna eru risastórir jöklar sem
rísa upp úr flötu landsvæði. Það er magnað að
sjá þetta,“ sagði hann. „Þegar ég var fimmtán
ára og fór til Íslands var sumar og hlýtt en
þegar ég var að taka upp Thrones að
vetri til var bara dagsljós í fjórar
eða fimm klukkustundir
og kuldinn
getur
farið niður
í mínus
þrjátíu
gráður.
Skeggin
á okkur
frusu.“
Kit Harington
lék í annarri og
þriðju þáttaröð
Game of Thrones
sem voru teknar
upp að hluta til
hér á landi.
Fjárfestir - meðeigandi
Fyrirtæki í alþjóðlegri netþjónustu leitar að fjárfesti til áframhaldandi
uppbyggingar. Félagið hefur nú þegar vísi að starfsemi í nokkrum löndum.
Mjög áhugaverður fjárfestingarkostur fyrir réttan aðila.
Félagið tók þátt í Start up Reykjavík og öll gögn og áætlanir eru til staðar.
Áhugasamir hafi vinsamlegast samband við fulltrúa Ráðgjafa ehf.
í síma 544-2400 á skrifstofutíma eða jhg@radgjafar.is
Á morgun, sunnudaginn 26. maí, verður haldin ein
skemmtilegasta torfærukeppni sumarsins. Hún fer fram
í Jósepsdal (á móti Litlu Kaffistofunni) og hefst kl. 13:00
Helmingur ágóðans rennur til Umhyggju,
styrktarfélags langveikra barna. Við skorum á sem
flesta að mæta á skemmtilegt mót og styðja
verðugt málefni í leiðinni.
Frítt er fyrir börn 12 ára og yngri, en 1.500 kr.
fyrir fullorðna. Styrktaraðili keppninnar er Bílabúð Benna,
umboðsaðili Toyo. Akstursíþróttafélag Suðurnesja
stendur að keppninni.
TOYO TORFÆRAN
JÓSEPSDALUR - SUNNUDAG 26. MAÍ:
Styðjum Umhyggju!