Fréttablaðið - 14.09.2013, Qupperneq 22

14. september 2013 LAUGARDAGUR| HELGIN | 22
Kjartan
Guðmundsson
kjartan@frettabladid.is
Gunnlaugur Briem
trommari
Spilar í Amsterdam
Ég er að fara til Amsterdam
með hljómsveitinni minni
Mezzoforte um helgina þar
sem ég spila á tvennum
tónleikum. Einnig ætla ég að
skoða borgina og hitta gamla
vini.
Sigríður Eyrún
Friðriksdóttir leikkona
Lífi ð er söngleikur
Ég er að leika í Mary Poppins
og æfa fyrir „Ef lífið væri
söngleikur“ sem verður sýnt
í Norðurljósasal Hörpu í
október og nóvember.
Helga Þórey Jónsdóttir
kvikmyndafræðingur
Nýtur frelsisins
Um helgina ætla ég að
njóta þess að vera með syni
mínum nú þegar skrifum
meistararitgerðar er lokið.
Örn Úlfar Sævarsson hugmyndasmiður
Tekur upp kartöfl ur
Ég ætla á sýninguna hans Hallgríms Helgasonar
og taka upp kartöflur í Skerjafirðinum áður en
það byrjar að snjóa.
BÓKMENNTAHÁTÍÐ „Ég ætla að
hlusta á Kim Leine, það er alveg víst,“
segir skáldið Gerður Kristný, spurð
hvað hún ætli sér að sjá og heyra á
Bókmenntahátíð um helgina. „Ég hef
lesið tvær af bókunum hans og finnst
hann koma með skemmtilega nálgun
inn í bókmenntirnar. Hann er hjúkr-
unarfræðingur og starfaði sem slíkur
áður en hann fór að skrifa þannig að
hann hefur dálítið öðruvísi sýn á lífið.“
Gerður Kristný er meðal íslensku
þátttakendanna á Bókmenntahátíð í
ár og segir hafa verið skemmtilegt að
vera með.
Hún hefur verið tíður gestur á
slíkum hátíðum undanfarin ár og strax
á mánudagskvöld flýgur hún til Ítalíu
til að taka þátt í ljóðahátíð. Eru
ljóðskáld farin að lifa eins og
poppstjörnur? „Stundum,
já,“ segir hún og hlær.
„Það væri skemmtilegt að
geta sagt að ljóðskáld séu
poppstjörnur nútímans,
en það er því miður
ekki alveg þannig. Ljóð-
skáldin þurfa nefnilega
að borða alla litina í
M&M namminu.“ - fsb
Gerður Kristný á Bókmenntahátíð:
Vill sjá Kim Leine
Ég hef alla tíð haft brennandi áhuga á vísindum og gagn-rýninni hugsun. Einu leikföngin sem ég fékk sem barn voru þroskaleikföng. Mér
er sagt að ég hafi einhvern tím-
ann sagt við pabba þegar hann
var að fara í ferðalag og lofaði
að koma með dót handa okkur
bræðrunum, „en gerðu það elsku
pabbi, ekki fleiri þroskaleik-
föng“, segir Vilhelm Anton Jóns-
son sem einnig er þekktur sem
Villi naglbítur og stundum sem
Vísinda-Villi í sjónvarpi og kvik-
myndum.
Síðastnefndi holdgervingur
Villa, sá sem sem hrífst af vís-
indum, sendir senn frá sér bók-
ina Vísindabók Villa sem kemur
til með að innihalda ýmsar til-
raunir og fróðleik um heiminn
í kringum okkur. Meðal annars
verður að finna í bókinni kafla
um svarthol, atóm, köngulær,
rafmagn, tré, blóð, heimspeki,
stjörnuhimininn og fleira.
Umbrot og myndskreytingar
Vísindabókar Villa eru í höndum
þeirra Guðrúnar Hilmisdóttur
og Dagnýjar Reykjalín en sjálfur
semur Villi textann. Hann segist
lengi hafa haft brennandi áhuga á
fræðibókum, enda hafi hann nán-
ast eingöngu fengið slíkar bækur
í jólagjöf þegar hann var yngri.
„Fræðibækur eru þær bækur
sem mér finnst skemmtilegast
að lesa í dag. Stuttir og þægileg-
ir kaflar sem maður ræður auð-
veldlega við. Ég kann líka vel við
ljóðabækur, en stórar skáldsög-
ur eru erfiðar því ég er svo ótrú-
lega lengi að lesa. Ætli þetta hafi
ekki gert mig eins og ég er,“ velt-
ir Villi fyrir sér og bætir við að
honum þyki frábært að geta nýtt
þá staðreynd að krakkar þekki
andlitið á honum til að koma
skemmtilegri þekkingu til skila.
„Þessi bók er auðvitað ekki tæm-
andi og tilgangurinn með henni
er að vekja forvitni á þessu ótrú-
lega kraftaverki sem heimurinn
sem við búum í er, og eins við
sjálf. Ef bókin verður til þess að
ein stelpa eða einn strákur fái
áhuga á vísindum verð ég glaður,
því þá hefur heimurinn okkar
eignast nýjan vísindamann.
Svo þegar ég verð orðinn gam-
all á elliheimili verður allt miklu
betra, því svo margir krakkar í
dag verða orðnir fullorðnir og
frábærir vísindamenn að mér
mun líða vel á einhverju svaka
fínu elliheimili sem þeir hafa
hannað.“
Af tónlistarsviðinu er það
helst að frétta af Villa að í byrj-
un október kemur sveit hans,
200.000 naglbítar, fram á Lands-
móti lúðrasveita í Þorlákshöfn,
en sveitin gerði plötu með Lúðra-
sveit verkalýðsins um árið. Jónas
Sig og Fjallabræður eru meðal
þeirra sem einnig koma fram á
landsmótinu. „Þetta verður rosa-
lega gæjalegt landmót og við
hlökkum mikið til,“ segir Villi.
HELGIN
14. september 2013 LAUGARDAGUR
Ég ætla til dæmis að fjalla um þá hugmynd að það
sem höfundar skrifa um helgist að einhverju leyti
af þjóðerni þeirra eða kynferði,“ segir Auður Ava
Ólafsdóttir um efni fyrirlestrarins Dvergar og stríð
sem hún flytur í Norræna húsinu í dag. „Það er
stundum sagt að karlar skrifi um stríð og heims-
sögulega viðburði á meðan konur skrifi um það
sem gerist í svefnherbergjum fólks og eldhúsum.“
Auður Ava hyggst í fyrirlestrinum hrekja þessar
kenningar og sýna fram á að það hvað fólk skrifi um
hafi ekkert með ríkisfang eða kyn að gera.
Þess utan mun Auður minnast á hávaxnar og smá-
vaxnar sögupersónur og velta fyrir sér hugmyndum
um eyjar og meginlönd bókmenntanna. „Ég ætla að
reyna að vera ekki voðalega sjálfhverf, en mun þó
minnast á sögupersónu eftir mig sem er dvergur,
býr í kjallara og er alltaf að leita að nógu háleitu
umfjöllunarefni í skáldsögu.“ - fsb
Það sem gerist í
svefnherbergjum fólks
Dvergar og stríð nefnist fyrirlestur sem Auður Ava Ólafsdóttir rithöfundur fl ytur
í Norræna húsinu í dag. Þar skoðar hún klisjur um mun á efnisvali kynjanna.
DVERGAR OG STRÍÐ Auður Ava veltir fyrir sér klisjunni um mismunandi viðfangs-
efni karla og kvenna í skáldskap. FRÉTTABLAÐIÐ/ANTON
MYNDLIST Borgarbókasafn stendur
nú í annað sinn fyrir teiknismiðju
í tengslum við alþjóðlegu teikni-
samkeppnina Colorful Rights, en
samkeppnin byggir á Barnasáttmála
Sameinuðu þjóðanna. Smiðjan verður
á morgun, sunnudaginn 15. september,
í aðalsafni frá klukkan 13 til 17 og er
fyrir börn á aldrinum þriggja til 14 ára.
Allur efniskostnaður er í höndum
Borgarbókasafns og geta áhugasamir
komið allan daginn og teiknað myndir
að vild. Kristín Arngrímsdóttir, lista-
maður og starfsmaður safnsins, verður
til leiðbeiningar frá klukkan 15 til 16.
Teiknismiðja á bókasafni:
Teikna myndir
allan daginn
BORGARBÓKASAFNIÐ Stendur í annað
sinn fyrir teiknismiðju.
Fékk bara fræðibækur í gjöf
Vilhelm Anton Jónsson, öðru nafni Villi naglbítur eða Vísinda-Villi, sendir frá sér bókina Vísindabók Villa í
næsta mánuði. Hann segir tilgang bókarinnar að vekja forvitni á því kraft averki sem heimurinn er.
VÍSINDA-VILLI Vilhelm Anton Jónsson segist kunna vel við fræðibækur og ljóðabækur en stórar skáldsögur séu erfiðari vegna þess að hann sé svo lengi að lesa.
FRÉTTABLAÐIÐ/PJETUR