Fréttablaðið - 14.09.2013, Qupperneq 42

14. SEPTEMBER 2013 LAUGARDAGUR2 ● Orkuhúsið tíu ára
Á Læknastöðinni eru gerðar
um 3.700 stoðkerfisaðgerðir
á ári og fer þeim fjölgandi.
Ferlið er gjarnan þannig að fólk byrjar hjá lækni og fer síðan í rannsóknir á röntg-
endeildinni og þaðan ef til vill í
aðgerð og/eða sjúkraþjálfun. Það
getur líka byrjað á hinum endanum;
pantað tíma í sjúkraþjálfun en verið
vísað þaðan til læknis ef hún dugar
ekki til,“ útskýrir Sigurður Ásgeir
Kristins son, framkvæmdastjóri
Læknastöðvarinnar. Hann segir
flæðið innanhúss mjög gott, en þar
getur fólk auk áðurnefndar þjónustu
nálgast stoðtækjavörur og stuðn-
ingshlífar og komið í göngugrein-
ingu svo dæmi séu nefnd. „Það er
frekar auðvelt að komast að þó að
vissulega séu einhverjir biðlistar.
Þegar fólk er hins vegar komið að
í húsinu gengur þjónustan yfirleitt
hratt fyrir sig.“
Tuttugu og fimm læknar starfa
við stöðina, þar af nítján bæklunar-
læknar og einn læknir í sérnámi
bæklunarlækninga, en læknastöð
Orkuhússins er eina læknastöðin
sem er með námsstöðu. „Þar erum
við í samstarfi við Háskóla Íslands,
Bæklunarskurðdeild Landspítalans,
Íslenska bæklunarlæknafélagið og
Sjúkratryggingar Íslands. Um er að
ræða lækna sem hafa verið í starfs-
námi á Bæklunardeild Landspítal-
ans í ár en koma svo í sex mánuði
til okkar. Ástæðan er meðal annars
sú að stór hluti bæklunaraðgerða
landsins er framkvæmdur hér. Þess
utan starfa fimm svæfingar- og
deyfingalæknar við stöðina ásamt
21 starfsmanni í mismunandi starfs-
hlutföllum. Flestir læknanna starfa
eingöngu í Orkuhúsinu.“
Komur á læknastöðina eru um
21 þúsund á ári og skiptast nokkuð
jafnt í nýkomur og endurkomur,
sem eru yfirleitt ein til þrjár. „Yfir-
leitt kemur fólk í nýkomu, fer svo ef
til vill í aðgerð, sjúkraþjálfun eða
annað. Ef það fer í aðgerð kemur
það í eina endurkomu og í flestum
tilfellum er þá málið leyst. Þeir sem
eru með þrálát vandamál koma þó
vissulega oftar. Tæplega fimm-
tíu prósent sjúklinga koma á tilvís-
unum en 35 prósent þar fyrir utan
hafa ekki áður fengið lausn sinna
mála annars staðar í heilbrigðis-
kerfinu og leita því til okkar á eigin
vegum, samkvæmt upplýsingum
úr skráningarkerfi okkar. Auk þess
erum við í mjög góðu samstarfi við
aðra heilbrigðisstarfsmenn, svo sem
innan Landspítalans og heilsugæsl-
unnar,“ segir Sigurður.
Á Læknastöðinni eru gerðar um
3.700 aðgerðir á ári og mun þeim
líklega fjölga með tilkomu nýju
skurðstofunnar. „Þetta eru ýmiss
konar aðgerðir á liðum, vöðvum
og beinum ásamt liðspeglunum á
öllum stærstu liðum útlima en auk
þess ýmsar handa- og fótaaðgerðir.
Undan farin ár höfum við svo boðið
upp á sérhæfða verkjameðferð hvað
snertir háls- og bakeymsli en þó ekki
í sama magni síðustu tvö ár, einfald-
lega vegna þess að læknirinn sem
hafði umsjón með henni flutti tíma-
bundið af landi brott. Stefnt er þó að
því að hefja slíkar meðferðir fljót-
lega aftur. Eins standa vonir um slit-
gigtar- og beinþynningarmóttöku.“
Sigurður segir lækna stöðv-
arinnar framkvæma ýmiss konar
stórar aðgerðir sem áður fyrr voru
einungis gerðar á inniliggjandi sjúk-
lingum, meðal annars krossbands-
aðgerðir. „Þegar St. Jósefsspítala
í Hafnarfirði var lokað tókum við
yfir flestar af þeim aðgerðum sem
þar voru gerðar á inniliggjandi
sjúklingum og eru þær nú gerð-
ar í dagaðgerðum hjá okkur, þar á
meðal stórar axlaraðgerðir. Það er
svo aldrei að vita nema við förum
einhvern tímann út í enn stærri að-
gerðir sem krefjast innlagnar, enda
fleytir tækninni fram og legutími
styttist.“
Sífelld framþróun í aðgerðum
Hér má sjá
læknana
Ágúst
Kárason
og Brynjólf
Jónsson
framkvæma
krossbands-
aðgerð fyrr
í vikunni,
en það er
með stærri
aðgerðum
sem gerðar
eru í Orku-
húsinu.
MYND/GVA
LÆKNASTÖÐIN
Læknar
Orkuhússins
framkvæma
ýmiss konar
stórar aðgerðir
sem áður fyrr
voru einungis
gerðar á
inniliggjandi
sjúklingum.