Fréttablaðið - 14.09.2013, Side 90

14. september 2013 LAUGARDAGUR| TÍMAMÓT | 50
Móðir mín, tengdamóðir,
amma og langamma,
ARNÞRÚÐUR KARLSDÓTTIR
handavinnukennari,
Furugerði 1, Reykjavík,
verður jarðsungin frá Grensáskirkju
miðvikudaginn 18. september kl. 13.00.
Innilegar þakkir fær starfsfólk í Furugerði 1
og á öldrunardeild LHS B4.
Sigurveig Kristjánsdóttir Ólafur Ágúst Ólafsson
Berglind Bragadóttir
Kristján Ólafsson Ragna Eyjólfsdóttir
Ólafur Ágúst Ólafsson Jacqueline Santos Silva
Sigrún Sandra Ólafsdóttir Albert Björn Lúðvígsson
Arnþrúður Ösp Karlsdóttir Gylfi Arnbjörnsson
Hrefna Björk Karlsdóttir Haukur Pétur Benediktsson
Kristján Friðrik Karlsson Hulda Kristín Jónsdóttir
Ásta Þöll, Silja Rán, Eydís Arna, Oddrún Eik, Daníel Karl,
Benedikt Páll, Arngrímur Þorri, Daníel Hólmar, Ísleifur Jón,
Ragnhildur Sandra, Karl Friðrik, Kristófer Matthías,
Iðunn Júlía, Arndís Stella og langalangömmubörn.
Innilegar þakkir til allra þeirra er sendu
okkur samúðarkveðjur eða sýndu okkur
hluttekningu vegna andláts
eiginkonu minnar,
GUÐRÚNAR PÁLSDÓTTUR, DÚRU.
Sérstakar þakkir til hjúkrunarfólksins á
deildum 14 E-G á Landspítalanum við
Hringbraut fyrir einstaklega nærgætna
umönnun og frábæra hjúkrun hennar oft við erfiðar aðstæður.
Þröstur Sigtryggsson og fjölskylda.
Elskulegur eiginmaður,
sonur, bróðir og frændi,
HELGI VIGFÚS JÓNSSON
lést laugardaginn 7. september sl.
Jarðarförin verður auglýst síðar.

Ingibjörg Jónasdóttir
Sigríður Steindórsdóttir
Steindór Jónsson Anna Þórný Jónsdóttir
Lára Magnea Jónsdóttir Ólafur Guðmundsson
Þórunn, Jón Elvar, Guðmundur Andri, Stefanía Lára,
Glódís Erla og Elísabet Helga
Elskuleg eiginkona mín,
móðir, tengdamóðir og amma,
SJÖFN ÞÓRARINSDÓTTIR
Hrísmóum 1, Garðabæ,
verður jarðsungin frá Garðakirkju
mánudaginn 16. september kl. 13.00.
Óli Kristinn Jónsson
Jón Þór Ólason Ragna Soffía Jóhannsdóttir
Gústav Óli Jónsson
Edda Líf Jónsdóttir
Bjartur Þór Jónsson
Elskuleg móðir okkar,
tengdamóðir, amma og langamma,
SVEINBJÖRG RÓSANTSDÓTTIR
Hjallalundi 15, Akureyri,
lést 6. september. Útförin fer fram frá
Höfðakapellu mánudaginn 16. september
kl. 10.30. Blóm og kransar vinsamlega afþakkaðir en þeim sem
vildu minnast hennar er bent á öldrunarheimili Akureyrar.
Edda Bolladóttir Sigurður Ármannsson
Eggert E. Bollason Bára Arthúrsdóttir
Unnur Sigursveinsdóttir Tryggvi Stefánsson
Rósa Sigursveinsdóttir Jón Már Héðinsson
barnabörn og langömmubörn.
TÍMAMÓT
Tilkynningar um merkis atburði, stórafmæli
og útfarir má senda á netfangið
timamot@365.is.
„Þarna var fólk úr öllum heimshorn-
um, frá 800 félögum í 136 löndum,
allt með sama brennandi áhugann á
franskri tungu og menningu.“ Þetta
segir Guðlaug Matthildur Jakobsdótt-
ir, forseti Alliance française í Reykja-
vík, um ráðstefnu og hátíðarhöld sem
hún tók þátt í í París nýverið í tilefni
130 ára afmælis Alliance française.
Hún segir samtökunum hafa verið
mikill sómi sýndur í París. Til dæmis
hafi forsetum og framkvæmdastjórum
verið boðið í Élysée-forsetahöllina, þar
sem Francois Hollande, forseti Frakk-
lands, hafi heilsað upp á gesti. „Hol-
lande kvaðst hafa lært góða frönsku
í æsku, meðal annars orð sem fáir
kynnu að nota nú á dögum, enda hefði
afi hans, sem var kennari, látið hann
læra utanbókar nokkrar blaðsíður í
franskri orðabók í hvert skipti sem
þeir hittust. Þótt það hafi nú kannski
ekki verið vinsælt hjá stráknum á
sínum tíma þakkaði hann afa sínum nú
í ræðu sem fjallaði um gildi franskrar
tungu.“ Guðlaug telur skemmtilegri
leiðir til að læra tungumál þó vænlegri
en aðferð afans og segir tæplega hálfa
milljón nemenda Alliance française á
hverju ári geta staðfest það.
Guðlaug rekur upphaf Alliance
française til stofnfundar við Saint
Germain-breiðgötuna í París árið 1883
þar sem nokkrir ólíkir einstaklingar
hafi hist, þar á meðal landfræðingur,
diplómat og prestur. „Markmið félags-
ins var og er að auka veg franskrar
tungu með kennslu og að kynna menn-
ingu Frakklands og annarra frönsku-
mælandi landa á alþjóðavísu,“ lýsir
hún og segir sögu félagsins samofna
sögu þeirra landa sem það er staðsett
í. Höfuð stöðvum þess í París hafi til
dæmis verið lokað af Þjóðverjum á
stríðsárunum því þeir hafi óttast að
félagið hýsti meðlimi andspyrnuhreyf-
ingarinnar og það hafi þurft sjálfan
Che Guevara til að koma í veg fyrir að
félagi Castro lokaði skrifstofu félags-
ins á Kúbu, frelsishetjan hafi nefnilega
lesið um frönsku stjórnar byltinguna á
bókasafni þess.
Nú er fólk í tugþúsunda vís um
allan heim í launuðum og ólaunuð-
um störfum við að miðla hinni fjöl-
breyttu frönsku menningu á fagleg-
an og skemmtilegan hátt og byggja
brú milli menningarheima og tungu-
mála, að sögn Guðlaugar. Sjálf er hún
í ólaunuðu starfi sem forseti Alliance
français í Reykjavík. Hún segir sex
frönskukennara hafa kennt rúmlega
470 manns frönsku á Íslandi á síðasta
ári, bæði börnum og fullorðnum.
„Okkur sem komum að rekstri Alli-
ance française þykir vænt um þetta
130 ára alþjóðlega menningarfélag,“
segir Guðlaug. „Það var líka aug-
ljóst að allir þeir sem mættu í Élysée-
höllina á afmælishátíðina voru sama
sinnis. Þeir hylltu með stolti félag
sem starfar um allan heim í sátt við
umhverfi sitt, óháð trúar- og stjórn-
málaskoðunum.“ gun@frettabladid.is
Brúar menningarheima
Alliance française hélt veglega upp á 130 ára afmæli sitt í París í sumar, meðal annars í
Élysée-höllinni. Guðlaug M. Jakobsdóttir, forseti félagsins í Reykjavík, var á meðal gesta.
■ Frönskunámskeiðin eru að hefjast hjá AF fyrir sex ára og eldri. Auk hinna
hefðbundnu er boðið upp á námskeið í málfræði, talþjálfun með leiklistarívafi,
frönsku gegnum tónlist fyrir börn, frönskunámskeið fyrir fólk sem starfar í
ferðaþjónustu og frönsku fyrir diplómata og borgarstarfsmenn.
■ Alliance française tekur þátt í bókmenntahátíð Reykjavíkur með sérstökum
gesti, rithöfundinum Alain Mabanckou.
■ Kvikmyndaklúbbur verður fyrir börn og fullorðna.
■ Franska kvikmyndahátíðin verður í janúar.
■ Í tilefni af 77 ára dánarafmæli Jean-Baptiste Charcot, vísindamanns og heim-
skautafara, verða fyrstu tónleikar frönsk-íslensku sinfóníuhljómsveitarinnar
FIFO 16. september í Hörpu. Hljómsveitin er stofnuð að frumkvæði franska
sendiherrans á Íslandi, Marc Bouteiller og er samvinnuverkefni franska sendi-
ráðsins, Alliance française og Reykjavíkurborgar.
■ Félagið tekur þátt í RIFF. Lokamynd hátíðarinnar verður La vie d‘Adéle (Blue is
the warmest color) sem hlaut Gullpálmann í Cannes í ár. Félagið verður í sam-
vinnu við RIFF við framkvæmd viðburðar á vegum Pompidou-safnsins og tekur
á móti erlendum gestum tengdum Frakklandi.
■ Sýningin Tableaux tables, sem þýða má sem „borðlist“, verður í október í sam-
vinnu við Norræna húsið.
Fram undan hjá Alliance á Íslandi
FORSETINN „Okkur sem komum að rekstri Alliance française þykir vænt um þetta 130 ára alþjóðlega menningarfélag,“ segir Guðlaug Matthildur.
FRÉTTABLAÐIÐ/VALLI