Fréttablaðið - 04.03.2014, Blaðsíða 38

4. mars 2014 ÞRIÐJUDAGUR| LÍFIÐ | 26
„Maður verður að horfa á mynd-
ina til að botna eitthvað í henni,
en hún fjallar samt klárlega
aðallega um kjöt,“ segir Heimir
Gestur Valdimarsson sem fékk
verðlaun fyrir örmynd ársins
á hátíðinni Örvarpanum fyrir
myndina Kjöt.
Úrslitin voru kynnt á hátíð í Bíó
Paradís á laugardagskvöld. „Mér
skilst að örmyndaformið gangi
aðallega út á mínútulöng mynd-
bönd. Margar myndirnar í þess-
ari keppni voru mínúta að lengd,
en þær máttu vera allt að fimm
mínútur. Mín var þrjár mínútur,“
segir Heimir.
Myndin var útskriftarverkefni
Heimis í skólanum FAMU í Tékk-
landi. „Ég lærði kvikmynda-
töku þar í eitt ár, en ég hafði þó
eitthvað verið að grufla í kvik-
myndagerð áður. Þessi mynd var
skólaverkefni. Kennari í skólan-
um setti okkur fyrir að búa til
mynd um drauma. Markmiðið
hjá mér var að búa til vídeó sem
mér þótti líta vel út og væri súrr-
ealískt. Það er smá saga í mynd-
inni, en þetta myndræna í mynd-
inni er mikilvægara en sagan,“
segir Heimir.
Auk þess að gera örmyndir
hefur Heimir tekið upp tónlistar-
myndbönd. „Meðal annars fyrir
hljómsveitina Grísalappalísu,
fyrir lag sem heitir Í Mjóddinni,
og fyrir hljómsveitina Oyama,“
segir Heimir. Einnig voru veitt
áhorfendaverðlaun á Örvarpinu,
sem féllu í skaut Einari Baldvini
Arasyni fyrir myndina Echos –
Who Knew. Erlendur Sveinsson
fékk síðan sérstök verðlaun frá
dómnefnd fyrir myndina Breathe.
Myndin Kjöt fj allar mest um kjöt
Heimir Gestur Valdimarsson fékk verðlaun fyrir örmynd ársins á Örvarpanum.
ÚTSKRIFTARVERKEFNI Mynd Heimis
var sýnd á Northern Wave Film Festival,
sem fór fram á Grundarfirði.
MYND/ÚR EINKASAFNI
Leikkonan Demi Moore, 51 árs,
er byrjuð að deita Magic Mike-
stjörnuna Alex Pettyfer, 23 ára,
en Demi er nýhætt með kærasta
sínum, Sean Friday.
Demi og Alex sáust saman á
klúbbi í Los Angeles á laugar-
dagskvöldið og segir heimildar-
maður blaðsins Daily Mail að
það hafi verið mikill hiti á milli
þeirra.
„Það var eins og þau hefðu
verið elskhugar í langan tíma,“
segir hann.
Hvorki blaðafulltrúi Demi né
Alex hafa tjáð sig um sambandið.
- lkg
Komin með
nýjan
EKKI EIN LENGUR Demi er búin að
finna ástina enn á ný.
Poppprinsinn Justin Bieber
fagnaði tvítugsafmæli sínu um
helgina en hann náði einnig
öðrum áfanga. Hann varð önnur
stjarnan til að fá fimmtíu millj-
ónir fylgjenda á Twitter og þakk-
aði hann aðdáendum sínum, sem
betur eru þekktir sem Beliebers,
fyrir þann heiður.
Söngkonan Katy Perry varð
fyrst til að ná fimmtíu milljónum
fylgjenda á samfélagsmiðlinum
en það gerðist í síðasta mánuði.
Nú eru fylgjendur hennar orðnir
51 milljón talsins. - lkg
Tímamót
hjá Justin
SKIN OG SKÚRIR Ýmislegt hefur
gengið á í lífi Justins upp á síðkastið.
Spéfuglinn Rebel Wilson mætti
ekki á Óskarsverðlaunahátíðina.
Leikkonan ákvað í staðinn að
vera heima hjá sér og fá sér pítsu
með vinum sínum. Hún notaði
veðrið sem afsökun en það rigndi
afskaplega mikið í Hollywood
fyrir hátíðina.
„Ég ætlaði að fara á Óskarinn
en ég ákvað frekar að halda mitt
eigið teiti heima hjá mér,“ segir
Rebel sem slegið hefur í gegn í
myndum á borð við Bridesmaids
og Pitch Perfect. - lkg
Hætti við
Óskarinn
HEIMAKÆR Rebel nennti ekki út úr
húsi.