Fréttablaðið - 04.03.2014, Blaðsíða 8

4. mars 2014 ÞRIÐJUDAGUR| FRÉTTIR | 8
ÚKRAÍNA Rússar hafa lokað
aðgangi meginlands Úkraínu að
Krímskaga og hyggjast byggja
brú yfir sundið milli Krímskaga
og Rússlands. Dmítrí Medvedev,
forsætisráðherra Rússlands, gaf
fyrirmæli um þetta í gær.
Rússneski herinn hafði í gær í
reynd náð öllum Krímskaga á sitt
vald, þótt úkraínskir hermenn á
skaganum hafi ekki verið búnir að
gefast Rússum á vald.
Rússar báru hins vegar í gær til
baka fréttir um að þeir hefðu gefið
úkraínskum hermönnum á Krím-
skaga lokafrest þangað til klukk-
an þrjú í nótt, eða fimm að staðar-
tíma, til að gefast upp. Rússneska
fréttastofan Interfax hafði full-
yrt að Alexander Vitko, yfirmað-
ur Svartahafsflota rússneska sjó-
hersins, hefði sett Úkraínumönnum
þennan lokafrest.
Denís Beresovskí, yfirmaður
úkraínska sjóhersins á Krímskaga,
gekkst hins vegar Rússum á hönd í
gær. Síðar um daginn ræddi hann
við fyrrverandi hermenn sína og
hvatti þá til að gera slíkt hið sama,
en þeir reyndust tregir til.
Serhí Haídúk, sem tók við
af Beresovskí, sagði hann vera
svikara.
Vesturlönd hafa fordæmt aðgerð-
ir Rússa og hvatt þá til að fara
heldur samningaleiðina. Örygg-
is- og samvinnustofnun Evrópu
gæti hugsanlega haft milligöngu
í slíkum viðræðum. Engar raddir
hafa heyrst um að Vesturlönd telji
til greina koma að senda herlið til
Úkraínu.
Hins vegar hafa refsiaðgerðir
gegn Rússum verið ræddar. Meðal
annars hefur verið rætt um eigna-
frystingu. Þá virðist G7-ríkjahóp-
urinn staðráðinn í að mæta ekki
til G8-fundar í Sotsjí í Rússlandi í
sumar, þar sem Rússar yrðu með.
Öryggisráð Sameinuðu þjóðanna
var kallað saman á neyðarfund í
gærkvöld og Atlantshafsráðið,
æðsta valdastofnun NATO, kom
einnig saman í gær og sendi frá
sér ályktun um Úkraínu þar sem
aðgerðir Rússa voru fordæmdar og
sagðar ganga í bág við alþjóðalög.
Þá sagðist Evrópusambandið
hafa ákveðið að hætta í bili öllum
viðræðum við Rússa um vegabréfs-
áritanir, en Rússar hafa undanfar-
ið reynt að ná samkomulagið við
Evrópusambandið um að Rússar
þyrftu ekki vegabréfsáritanir til
að ferðast til aðildarríkja ESB.
Joe Biden, utanríkisráðherra
Bandaríkjanna, er sagður hafa
hvatt Rússa til að fallast á að
alþjóðlegt friðargæslulið verði sent
til Úkraínu.
Angela Merkel Þýskalands-
kanslari hefur sagt að Pútín gæti
hafa misst öll tengsl við raunveru-
leikann, en Rússar segjast vera
að verja rússneskumælandi íbúa
Úkraínu gegn öfgahægriöflum sem
hafi tekið völdin í Úkraínu.
Um sextíu prósent íbúa Krím-
skaga eru rússneskumælandi, en
engan veginn er þó víst að þeir vilji
allir sameinast Rússlandi. Aðrir
íbúar skagans hafa lítinn áhuga á
yfirráðum Rússlands.
gudsteinn@frettabladid.is
Rússar allsráðandi á Krímskaga
Rússar báru í gær til baka fréttir um að þeir hefðu sett úkraínskum hermönnum á Krímskaga lokafrest til að gefast upp. Þeir segjast hins
vegar hvergi á förum. Bandaríkin, önnur vestræn ríki, NATO og Sameinuðu þjóðirnar fordæma aðgerðir Rússa en hóta ekki hernaði á móti.
Þýska tímaritið Der Spiegel veltir fyrir sér út í hvað spennan í
Úkraínu geti þróast á næstunni. Þrír möguleikar þykja líklegastir.
Í versta falli gæti brotist út stríð milli Rússa og Úkraínumanna.
Þetta myndi gerast ef Úkraínustjórn ákveður að veita Rússum
mótspyrnu frekar en að láta undan. Átökin yrðu líklega helst á
Krímskaga eða á mörkum Krímskaga og Úkraínu. Þau gætu breiðst
út til annarra staða í Úkraínu, einkum austurhluta landsins þar
sem rússneskumælandi íbúar eru fjölmennastir.
Blaðamennirnir á Der Spiegel hafa ekki mikla trú á því að
Vesturlönd grípi inn í og sendi herlið til að berjast við Rússa. Mjög
líklega verði þó Rússar beittir refsiaðgerðum.
Annar möguleiki er sá, sem leiðtogar á Vesturlöndum myndu
helst kjósa, en það er að samningaviðræður fari fram með þátt-
töku Vesturlanda og alþjóðastofnana í von um að menn rambi á
endanum á lausn sem flestir gætu sætt sig við. Til greina kæmi
að senda friðargæslulið til Úkraínu á meðan ástandið væri sem
viðkvæmast.
Þriðji möguleikinn, og sá sem líklegastur virðist orðinn eftir
atburði gærdagsins, er sá að Úkraína liðist smám saman í sundur.
Rússar hafi Krímskaga á valdi sínu til frambúðar og hugsanlega
muni þeir hertaka einnig nokkur svæði í austurhluta Úkraínu, sem
þeir myndu nefna verndarsvæði. Úkraínustjórn gæti lítið gert og
eftir stæði mun minni Úkraína.
Þrír möguleikar virðast líklegastir
© GRAPHIC NEWSHeimild: Fréttastofur
Dsjankoj
Rússar herða tökin á Krímskaga
Í VARÐSTÖÐU Úkraínskir lögreglumenn standa hér vörð við héraðsstjórnarbygg-
ingu í hafnarborginni Odessu og varna því að stuðningsfólk Rússlands ráðist inn í
bygginguna. NORDICPHOTOS/AFP
Á KRÍMSKAGA Þessi maður stóð vörð um
úkraínska herstöð í Kertsj á Krímskaga í gær.
Úkraínskir hermenn horfa út um girðinguna.
NORDICPHOTOS/AFP
FJÖLMIÐLAR Gunnar Bragi Sveins-
son utanríkisráðherra tjáði sig í
gær um hvers vegna hann veitti
RÚV ekki viðtal að loknum fundi
í utanríkismálanefnd. Fréttamenn
frá RÚV og Stöð 2 voru mættir á
vettvang og fór svo að Gunnar
Bragi ræddi aðeins við Heimi Má
Pétursson, fréttamann Stöðvar 2.
„Til hvers veitir maður við-
töl? Jú, til að svara spurningum
fréttamanna sem leita upplýs-
inga og til að veita upplýsingar.
Ég hef ekki alltaf verið sáttur við
það hvernig fréttamenn klippa
til viðtöl og sleppa mikilvægum
upplýsingum sem eiga erindi
við almenning,“ skrifaði Gunnar
Bragi á Facebook-síðu sína.
Hann segir steininn hafa tekið
úr síðasta föstudag. „Og það sem
verra er að þegar falast var eftir
óklipptri upptöku af viðtalinu frá
RÚV, var því neitað.“
Sunna Gunnars Marteinsdóttir,
aðstoðarkona utanríkisráðherra,
hafði áður vísað öllum ummælum
um að utanríkisráðherra stundi
ritskoðun á bug. „Þetta snýst að
engu leyti um að ritskoða RÚV,“
sagði Sunna og vísaði til þess að
ráðherra hefði einfaldlega verið
ósáttur við frétt sem birtist fyrir
helgi. - hvh
Gunnar Bragi Sveinsson veitti RÚV ekki viðtal:
Ósáttur við hvernig
viðtöl eru klippt til
GUNNAR BRAGI
SVEINSSON Utan-
ríkisráðherra er ekki
sáttur við vinnubrögð
sumra fréttamanna.
FRÉTTABLAÐIÐ/PJETUR
Virðing
RéttlætiVR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Allsherjaratkvæðagreiðsla
Rafræn
allsherjaratkvæðagreiðsla
meðal félagsmanna VR
Rafræn allsherjaratkvæðagreiðsla meðal félagsmanna VR vegna kjörs
sjö sæta í stjórn og þriggja til vara, skv. 20. gr. laga félagsins, hefst
kl. 09:00 þann 6. mars nk. og lýkur kl. 12:00 á hádegi þann 14. mars nk.
Allar nánari upplýsingar er hægt að nálgast á www.vr.is eða með því
að hringja á skrifstofu félagsins í síma 510 1700.
Kjörstjórn VR