Fréttablaðið - 06.03.2014, Blaðsíða 12
6. mars 2014 FIMMTUDAGUR| FRÉTTIR |
EFNAHAGSMÁL Stjórnvöld eiga ekki
að birta endurskoðaða og tímasetta
áætlun um afnám gjaldeyrishafta
fyrr en niðurstaða um uppgjör á
búum föllnu bankanna liggur fyrir.
Innihald áætlunarinnar veltur á
uppgjörinu og birting hennar kynni
að gagnast kröfuhöfum bankanna.
Þetta sagði Már Guðmundsson
seðlabankastjóri á fundi efnahags-
og viðskiptanefndar Alþingis í gær
þegar hann svaraði spurningum
Guðmundar Steingrímssonar, þing-
manns og formanns Bjartrar fram-
tíðar. Guðmundur hafði þá meðal
annars spurt hvort Seðlabankinn
teldi að vinna samkvæmt áætlunum
um afnám gjaldeyrishafta gengi vel.
„Ég held að það sé mikilvægt að
allir hafi það í huga að þetta er mjög
stórt og flókið mál og öfugt við það
sem við vorum að ræða hér varð-
andi peningastefnuna. Ef við gerum
einhver smá mistök þar þá er hægt
að leiðrétta þau á næsta fundi, en
þarna fáum við bara eitt skot og það
verður að heppnast,“ sagði Már.
Hann sagði ákveðinn „strúktúr
í gangi“ varðandi afnám haftanna,
bæði innan stjórnsýslunnar og í
samvinnu hennar og Seðlabankans.
„Þetta er að mínu mati allt í
mjög eðlilegum gangi,“ sagði Már.
Steingrímur J. Sigfússon, þing-
maður Vinstri grænna, spurði á
fundinum hversu lengi væri hægt
að búa við það að aðgerðaáætlun um
losun gjaldeyrishafta „væri haldið
leyndri“. Steingrímur vísaði þar í
ræðu Bjarna Benediktssonar, fjár-
mála- og efnahagsráðherra, í Val-
höll þann 25. febrúar síðastliðinn,
þar sem ráðherra sagði að áætlun
um afnám gjaldeyrishafta hefði
verið virkjuð í haust.
„Ég býst við því að fjármálaráð-
herra, þó ég þurfi ekki að tala fyrir
hans hönd, hafi meint það að þessi
strúktúr, sem er að vinna í þessu,
hann var settur á fót í haust en það
eru engar framkvæmdir sem hafa
átt sér stað ennþá, sem betur fer því
þetta verður allt að vera mjög vel
undirbúið,“ sagði Már.
„Það er líka mikilvægt varðandi
það hvernig þessi bú verða gerð upp
og hvaða áhrif það hefur á höftin,
það er þess eðlis að ég hef ekki séð
það fyrir mér að það sé hægt að
birta um það einhverja nákvæma
áætlun, svipað eins og bandamenn
hefðu birt í BBC áætlun sína um
innrás sína í Normandí,“ sagði Már.
haraldur@frettabladid.is
Áætlun um
afnám hafta
ekki tímabær
Seðlabankastjóri segir innihald endurskoðaðrar áætl-
unar um afnám gjaldeyrishafta velta á uppgjöri föllnu
bankanna. Stjórnvöld fái einungis eitt tækifæri til að
afnema höftin og þá verði sú aðgerð að heppnast.
Á FUNDINUM Már Guðmundsson seðlabankastjóri og Katrín Ólafsdóttir, nefndar-
maður í peningastefnunefnd bankans, sátu fyrir svörum í gær. FRÉTTABLAÐIÐ/GVA
Ólafur Jóhannsson
534 1020
TIL LEIGU
GLÆSILEGT HÚSNÆÐI
Matthias Brinkmann, sendiherra
Evrópusambandsins (ESB) á Íslandi,
hafnar því að ESB þrýsti á um að
ríkisstjórn Íslands ákveði hvort
hún vilji halda áfram aðildarvið-
ræðum eða slíta. Í viðtali við frétta-
stofu RÚV í gær sagði hann fordæmi
fyrir því að aðildarumsóknir væru
settar á bið um ótiltekinn tíma, líkt
og í dæmi Möltu. Aldrei væri þrýst
á umsóknarríki að taka ákvörðun.
Brinkmann sagði að í tilfelli
Íslands hefði komið á óvart að hlé
hefði verið gert á aðildarviðræð-
unum og hefði sambandið viljað fá
skýrari línur um ýmis atriði í samn-
ingaviðræðunum. Á fundi Gunnars
Braga Sveinssonar utanríkisráð-
herra með Jose Manue Barroso, for-
seta framkvæmdastjórnar Evrópu-
sambandsins, um miðjan júlí í fyrra
kom fram í máli Barrosos að sam-
bandið biði svara um næstu skref
frá Íslandi. „Klukkan tifar og það
eru líka sameiginlegir hagsmunir
okkar allra að ákvörðun verði tekin
án frekari tafar,“ sagði Barroso þá.
Heimildir blaðsins meðal emb-
ættismanna Evrópusambandsins
herma að oflestur væri að draga þá
ályktun af orðum Barrosos að Ísland
ætti að gera í snatri upp við sig hvort
landið vildi halda viðræðum áfram.
Fremur hafi verið um að ræða beiðni
um skýrari línur varðandi næstu
skref, enda nokkuð undir og hópar
starfsfólks sem skipað hafi verið til
verka í tengslum við aðildarumsókn
Íslands. Því þyrfti að skýrast hvað
væri fram undan. Hlé á viðræðum
gæti vel verið einn af þeim kostum.
Í svari við fyrirspurn Fréttablaðs-
ins áréttaði Brinkmann að ákvörðun
um hvað gerðist varðandi framhald
viðræðna Íslands og Evrópusam-
bandsins væri algerlega Íslands.
„Evrópusambandið verður tilbúið til
að halda aðildarviðræðunum áfram,
þegar og ef Ísland tæki ákvörð-
un um það, en viðurkennir hvaða
ákvörðun sem Ísland kann að taka,“
segir hann.
Í ályktun Evrópuþingsins frá því í
byrjun janúar er bent á að skoðana-
kannanir á Íslandi bendi til þess að
meirihluti landsmanna vilji ljúka
aðildarviðræðunum og að Ísland
haldi stöðu sinni sem umsóknar-
ríki. Beðið sé ákvörðunar þingsins
um hvort halda eigi þjóðaratkvæða-
greiðslu um framhald aðildarvið-
ræðnanna. Þingið kveðst í álykt-
un sinni líka vonast til þess að slík
atkvæðagreiðsla fari fram í fyrir-
séðri framtíð.
Í umræðum um framvinduskýrslu
vegna aðildarviðræðna Íslands við
Evrópusambandið á Evrópuþing-
inu 15. janúar síðastliðinn kvaðst
Göran Färm, fulltrúi jafnaðar-
manna, harma stefnu nýrrar ríkis-
stjórnar á Íslandi, en áréttaði um
leið mikilvægi þess að virða stefnu
íslenskra stjórnvalda. Hann kvað
mikilvægt að skilja svo við að ljóst
væri að Evrópusambandið hefði ekki
skellt hurðinni á Ísland, heldur væri
reiðubúið að halda viðræðum áfram.
„Sem ætti raunar að vera auðveld-
ara núna eftir að ESB hefur fengið
endurbætta fiskveiðistjórnarstefnu,“
sagði hann.
Štefan Füle, stækkunarstjóri Evr-
ópu, varð til svars í þinginu. „Við
ættum að halda dyrum opnum fyrir
ríkisstjórn Íslands og íslensku þjóð-
ina, kjósi hún að hefja aðildarvið-
ræður á ný,“ sagði hann. „Liggi á
einhverjum tíma fyrir ákvörðun um
að halda áfram leiðina í átt að aðild
að Evrópusambandinu, þá ættum við
að vera reiðubúin að hjálpa Íslend-
ingum í þeirri vegferð.“
Skilaboð Füles til þingsins voru
nokkurn veginn samhljóða ræðu
sem hann flutti fyrir utanríkismála-
nefnd Evrópuþingsins 16. október í
fyrra.
„Við höfum ekki, af okkar hálfu,
horfið frá ferlinu. Hvenær sem
er, og ef Ísland óskar þess nokk-
urn tíma, er framkvæmdastjórnin
reiðubúin að halda áfram vinnu við
aðildarviðræðurnar, sem þegar eru
langt komnar. Og ég er þess enn full-
viss um að við getum komist að nið-
urstöðu sem er jákvæð og hagfelld
öllum hlutaðeigandi,“ sagði Füle þá.
olikr@frettabladid.is
ŠTEFAN
FÜLE
MATTHIAS
BRINKMANN
Dyrnar virðast standa opnar
Evrópusambandið bíður ákvörðunar Íslands um framhald aðildarviðræðna. Stækkunarstjóri sambandsins hefur ítrekað sagt, nú síðast í
janúar, að ESB sé tilbúið til að halda áfram samningaviðræðum hvenær sem Íslendingar kjósi, kjósi þeir nokkurn tímann að gera það.
ASKÝRING | 12
Óli Kristján
Ármannsson
olikr@frettabladid.is